ஒளிர்வு-(23) புரட்டாதி த்திங்கள்-2012



தளத்தில்:சிந்தனை ஒளி,//பறுவதம்பாட்டி// தமிழ் சினிமா//என் அம்மாவுக்கு அர்ப்பணம்//ஆன்மீகம்// இப்படியும் சில பெண்கள்// ஆராய்ச்சியாளரின்செய்திகள்,//குழந்தைகள் முன்னிலையில்...// தொழில்நுட்பம்,!//உலகைக் கலக்கும் மூட நம்பிக்கைகள்// உணவின்புதினம்,//கணினி உலகம்//பாருக்குள் ஒரு நாடு….ஒரு பார்வை// வயிற்றுக்கு உகந்த பொருட்கள்// எளிய திருமணம்//உங்களுக்குதெரியுமா?// இன்டர்நெட் எனும் பெருந்தெருவில்…// சிரிக்க...சிரிக்க....சிரிப்பு வருது!,//சினிமா.
தொடர்புகளுக்கு: manuventhan@hotmail.com
 சிந்தனை ஒளி
*பாதி உலகம் அறியாமையினால் துன்புறுகிறது!
  மீதி உலகம் புத்திசாலித்தனத்தால் துன்புறுகிறது!
* நீ நிலைத்து நிற்க வேண்டும் என்றால்
  ஓடிக்கொண்டே இரு!
* எவரும் தோற்பதற்குத் திட்ட மிடுவதில்லை!
  திட்ட மிடுவதில்தான் தோற்கிறார்கள்!
* ஒரு மனிதன் விழாமல் வாழ்ந்தான் என்பது பெருமையல்ல!
   வீழ்ந்த பொழுதெல்லாம் எழுந்தான் என்பதே பெருமை!
* நம்பிக்கை இழந்து மதம் மாறுபவன்
   நம்பி வந்தவளை மாற்ற மாட்டானா?

என் அம்மாவுக்கு அர்ப்பணம்


என் மனக் கோயிலின் ஊஞ்சலிலே.... நான்
See full size image வணங்கும் தெய்வமும் தாயம்மா -என்
 கண்கண்ட தெய்வமும் நீயம்மா....

என் வாய்மையும் நேர்மையும் நீயம்மா....நான்
 வாழ்ந்திடும் வாழ்க்கையும் உனதம்மா -என்
 தாய்மையிற் பூத்திட்ட பூங்கொடியேம்மா....

என் உழைப்பும் உயர்வும் உன் கனவேயம்மா
 உன் வாசனைப் பூக்களும் என் உயிர்ப்பே....நான்
மீண்டும் ஒருமுறை வேண்டுவது உன் கருவறையம்மா…

வேரோடி முளைத்தலும் அது மாறாவிளாத்தியினமே....குழந்தை
பாரோடி பறந்தாலும் அது உன் சிறகே அம்மா -என்
 வாழ்விற்கு ஓளி விளக்கும் நீயே அம்மா....

தாயின் காலடியும் ஒரு ஆலயமே....அன்பு
 சந்நிதியாய் அது எனக்கு நிம்மதியே -நான்
 கண்ட முதல் வைத்தியரும் நீயேயம்மா....

மண்ணும் பெண்ணும்  என்சுவாசமே  அம்மா....தாய்மை
 பண்பினை போற்றிடும் கற்புடைமை அம்மா -என்
 அழுகையில் பதறி, சிரிக்கையில் மகிழ்ந்தவளே.....

நான் அம்மா என்று அழைப்பதும்.... உன் வரமே
என்றும் நான் உன் மழலை அம்மா....தெய்வம்
 உனக்கு தந்த குழந்தை அம்மா

ஆக்கம்:கந்தையா தில்லைவிநாயகலிங்கம்
[ By:Kandiah Thillaivinayagalingam]

இப்படியும் சில பெண்கள்



படம் : தூக்கு தூக்கி.
இசை : G.ராமநாதன்
குரல் : T.M.சௌந்தர்ராஜன்
வரிகள் : உடுமலை நாராயணகவி

தொகையறா:
கண்டால் கொல்லும் விஷமாம்
கட்டழகு மங்கையரை
நாம் கொண்டாடி திரியாமல்
குருடாவதெக்காலம்
பாடல் :
பெண்களை நம்பாதே கண்களே
பெண்களை நம்பாதே

வீண் பெருமை காட்டி சிறுமை காட்டும்
பெண்களை நம்பாதே
கண்களே பெண்களை நம்பாதே

மங்களம் போல மற்றவர் தொட்டால்
மாசுறும் பெண்மை என்றே பேசிடும் உண்மை
கேட்டு வெண்கலம் போல எவர் தொட்டாலும்
விளக்கி எடுத்து விரும்பும் தன்மை
பெண்களை நம்பாதே ................
தொகையறா :
ஒய்யார கொண்டையிலே தாழம்பூவாம்
அதன் உள்ளே இருக்கிறது ஈரும் பேனாம்
இதை மெய்யாய் உணர்ந்தவனே புத்திமானாம்
மாயமினுக்கும் பெண்டுகளை பார்த்திடானாம்
பாடல்:
கண்டவரோடு கண்ணால் பேசி
காமுறும் மாது
இந்த பூமியின் மீது
கொண்ட கணவன் தன்னை கழுத்தறுப்பாள்
காரிகை ரூபத்தில் காணும் பிசாசு ...
( பெண்களை நம்பாதே ........)
அனுப்பியவர்: Kandiah Thillaivinayagalingam

ஞான வாழ்வு நல்கும்..


சச்சிதானந்த சற்குருவின் பெருவழிப்பாதை

மனித வாழ்வு புதிரானது. மனித வாழ்வில் நெருக்கடிகளும், நோவுகளும், துன்பங்களும், துயரங்களும் சுழன்றடித்திட அதில் திக்கு திசை தெரியாமல் கலங்கி நிற்கையில் கவலைகளே எஞ்சி மிஞ்சி நிற்கின்றன. இந்தக் கவலைகள் முற்றிலும் நீங்கி இளைப்பாற இடம் கிடைத்தால் அதுவே நிம்மதிப் பெருவாழ்வாகின்றது.

படிப்பு பாதியும், வேலை மீதியும் ஆகி நம் வாழ்வு பயனற்றுக் கழிந்திட, தளர்ந்தபோதில் ஞானம் நோக்கிப் புறப்பட்டு ஆகப் போவது என்ன? இளங்காலத்திலேயே ஆசையற்று, அன்புற்று, குருபாதம் தேடி அடையப் பெற்றால் அதைவிட ஆனந்தம் வேறென்ன இருக்க முடியும். இந்தப்பேற்றைவிட உறுதியான நற்பேறு வேறு என்னவாக இருக்க முடியும். சற்குருவின் சிந்தனை நன்மை பயக்கும். வாழ்வில் புதுப் பொலிவைத் தரும். அதன் தொடர்பு பெருக பெருக மற்றைய கவலை தரும் தொடர்கள் கழிந்து அற்றுப்போகும். இந்நிலை எல்லோருக்கும் எளிதில் கிடைத்துவிடுவதில்லை. தேடினும் கிடைக்கப்பெறாத வரப்பெறாத பெருஞ்செல்வம் அது என்பதில் ஐயமில்லை.

முன்னோர்கள் இளையோர்களை இந்த வழி நடத்தவேண்டும். இளமை வாழ்வில் நலம் பெருக நல்ல வழி இதுவே ஆகும். இதுவே ஞானம் பெருக்கும் பெருவழியாகும்.

ஸ்ரீஅகண்ட பரிபூரண சச்சிதானந்த சற்குரு சுவாமிகள் திருவாய் மலர்ந்தருளிய சுத்த அத்வைத போத கீதம் என்ற நூலில் உள்ள பாடல்கள் அனைத்தும் ஓர் உண்மையைக் காட்டுகின்றன. கடவுள் ஒருவரே. அவரே உலகப் பொருள்கள் அனைத்துள்ளும் நிரம்பி இருக்கிறார் என்ற உண்மையை எடுத்துரைக்கின்றன. கடவுள் உணர்வை இப்பாடல்கள் மிகுவிக்கின்றன. குரு பற்றிய தெளிவைத் தருகின்றன. அதன் உள்பொருளை விரிவினை எண்ண எண்ண இனிக்கின்றது. இத்தகைய ஞானப்பாடல்களில் ஒருபாடல் மனித வாழ்வினை மிகச் சரியாக எடைபோடுகிறது.

மானிட வாழ்வின் தீர்மானம் என்ற தலைப்பின் கீழ் அமைந்த அப்பாடல் மனித வாழ்வினை மதிப்பீடு செய்து நல்வழி காட்டுகிறது.

நான் நானென்றதுமென்ன கொடுமை நம்பி

தானென்ற தாய் தந்தைக்கு ஆனார் அடிமை

என்று மனித வாழ்வின் தொடக்கத்தில் இருந்து இப்பாடல் தொடங்குகிறது. நான் நான் என்று பெருமை பேசித்திரியும் மானிடர்கள் தன் உடம்பினை, உடல் உறுப்புகளை வைத்தே தற்பெருமை பேசித்திரிகின்றனர். ஆனால் அவர்களின் உடம்பு அவர்களுக்குச் சொந்தமானதன்று. தாய், தந்தையின் வயப்பட்டு வந்த பொருள் அது என்று ஆணவத்தின் நிலை அறுத்து பிறப்பின் நிலையினை இவ்வடி சுட்டுகிறது.

மனித வாழ்வில் பொன் பொருள் சேர்க்கும் ஆசையை அடுத்த அடிகள் சாடுகின்றன.

விரும்பினார் வீடு என்றும்காடுமனைவி வேண்டினார் வேதனை

தூண்டினார் மாடு பொருந்தினார் மக்களினோடு

பொன்பூஷணம் வேணுமென்று ஆசையில் நாடி

வருந்துறார் வாழ்க்கை திண்டாடி

என்ற அடிகளில் நிலையற்ற பொருள்களின் மீது மனிதன் கொண்டுள்ள நீங்காத ஆசை வீண் என்று காட்டப்படுகிறது. பணம், பதவி, பொருள், போகம் எனத்திரியும் இக்கால உலகிற்கு நிலையாமையை எடுத்துக்காட்டும் இனிய அடிகள் இவை.

இதுமட்டும் இல்லாது இறைச் சிந்தனை இல்லாது மனிதக்கூட்டம் அலைவதும் வருந்துதவதற்கு உரியது என்று இப்பாடல் எடுத்துரைக்கிறது.

மதிகெட்டுப் போனதெவ்வாறு தோற்றும்

நிதியுற்றுக் கடவுளை நீங்கள் நினையாது

சதிசெய்யும் மனிதர் கூட்டம்

தன்னைத் தான் அறியாததனாலே திண்டாட்டம்

சதி செய்யும் நோயினாலே வாட்டம்

என்றைக்கும் சதிசெய்வது மனிதத் தொழிலாக மாறிவிட்டது. ஒருவரை ஒருவர் அடுதலும் தொலைதலும் புதிய செய்தி அல்ல என்ற புறநானூற்று வாசகம் இன்றும் ஏற்புடையதாக உள்ளது. சதி செய்து தான் வாழ நினைக்கும் இழிந்த குணம் பெற்ற மனிதரை இந்த அடிகள் வெறுக்கின்றன. அவர்களின் சதி செயல் மற்றவரை வதைக்கும். சதி செய்தோருக்கு நோய் சதி செய்யும் என்ற வார்த்தை சத்தியமான வார்த்தையாகும். சதி செய்யாது மனிதரை வாழ வைக்கும் சத்திய வரிகள் இவை.

மேலும் கடவுளை நினையாத மதிகெட்ட கூட்டத்தையும் இந்த அடிகள் வெறுக்கின்றன. கடவுள் குறித்த முட, பலி வழிபாட்டையும் இந்தப்பாடல் சாடுகின்றது.

செப்புக்கல்லுக்கு உயிர் கொன்று மாமிச ஊட்டம்

இட்டார் நோய் தீரவுமில்லை இதனாலே

கடவுளை யேசுவார் தொல்லை

என்ற பகுதியில் கடவுளுக்காகச் செய்யப்படும் பலி வழிபாட்டால் பயன் இல்லை என்பதும் உணர்த்தப்படுகிறது. இந்தப் போலி வாழ்க்கை தீர வேண்டும். உண்மை வாழ்வை மனிதன் வாழவேண்டும். அதற்கு என்ன வழி என்பதையும் இந்தப்பாடல் குறிப்பிட்டுக் காட்டுகின்றது. எது உண்மை வழிபாடு என்பதற்கும் இந்தப் பாடல் விடை சொல்லுகின்றது.

"அகமும் புறமும் பரிசுத்தம் குருநாதர்

அருள்மொழி நேசி நீ நித்தம்

பொறுமையாய் உயிர்களில் அன்பும் உண்மை

இரக்கமும் சத்தியமும் தன் நலங்கெட்டு

தத்துவமென்பதை விட்டு உண்மைக்

கடவுளை தன்னுள்ளே காணஆசைப்பட்டு

நித்தியம் நீடுழி மோட்சம் கிட்டும்''

இவ்வடிகளில் காட்டப் பெற்றுள்ள வாழ்வே உண்மை வாழ்வு. மனிதர்கள் ஞானமரநிழலில் இளைப்பாறிக் களைப்பாற்றும் வாழ்வு. உள்ளத்தையும் உடலையும் பரிசுத்தமாக ஆக்கிக் கொண்டு குருநாதரின் அருள்மொழிகளை நேசிக்கவேண்டும். அனைத்து உயிர்களிடத்திலும் அன்பையும், உண்மையான இரக்கத்தையும் செலுத்துதல் வேண்டும். தன் நலத்தைக் குறைக்கவேண்டும். தத்துவங்களைத் தேடி அலைவதை நிறுத்திவிட்டு கடவுளைத் தன்னுள்ளே காணும் பெறும் பேறு பெற வேண்டும். அதுவே மோட்சம் எனப்படும் என்று தெளிவான மானிடர்க்குத் தேவையான வழியினைச் சற்குரு இவ்வடிகளின் வழியாகக் காட்டுகிறார்.

வழிகள் இருக்கின்றன. வழிகாட்டிகளும் இருக்கின்றார். தேடிச் செல்லும் சங்கத்தாரும் இருக்கின்றார். அந்தச் சங்கத்தில் நாம் இணைந்துச் செயல்படும் நாளும் மனமும்தான் ஞானத்தேடலுக்குத் தேவை.

முனைவர் மு. பழனியப்பன்