பண் கலை பண்பாட்டுக் கழகம்-பேச்சுப்போட்டி "2019'',

பேச்சுப்போட்டி முடிவுகள் -2019

Gr.jk&sk:
1st. Ashvigan, kirubakaran
2nd. Nameshan ,  sivanesan
3rd.  Abison, gangatharan

Gr.01&02
1st. Agisha , kulathesvaran
2nd. Aadarsh,  ramesh
3rd.  Oviya, palasinkam
4th. Kishanan, nanthakumar

Gr.03&04
1st. Sakithyan, nanthakumar
2nd. Thaniska gugan

Gr.05&06
1st. Dasmiga, kulathesvaran
1st. Prithiga, vinotharuban
2nd. Bahisan., sivanesan
2nd. Adithya, palasinkam
3rd. Kapishnan, Krishna Kumar

Gr.07&08
1st. Ge nu ja n, gangatharan
2nd. Abi, ravi
.....................................................

பேச்சுப்போட்டி-2019, அறிவித்தல் 
காலம்:-08 ஜூன் 2019 சனி /   நேரம்: பி.ப-01.00
இடம்: சிவா கராத்தே மண்டபம் 
5637 Finch ave. east ,unit:06



பேச்சுப்போட்டி -2019

இள மழழைகள் பிரிவு: ((j +s KG))
அம்மா

என்னை படைத்தவர் என் அம்மா.எனக்காக கண் விழித்தவர் என் அம்மா.எனக்காக பசி இருந்தவர் என்அம்மா.என்னைக் பாதுகாத்தவர் என் அம்மா.எனக்குப் பாலும் உணவும் ஊட்டியவர் என் அம்மா.என் கை பிடித்துஎன்னை நடக்கச் செய்தவர் என் அம்மா.எனக்கு பாடம் சொல்லித் தருபவர் என் அம்மா.என்னை அழகுபடுத்திமகிழ்பவள் என் அம்மா.அன்பின் உலகம் என் அம்மா.என் அம்மாவைப்போல் ஒரு தெய்வமில்லை.என்அம்மாவை நான் என்றைக்கும் மறக்கமாட்டேன்.அவரின் விருப்பம் போல் நடப்பேன்.படித்துப் பெரியவர் ஆவேன்.அவரை மகிழ வைப்பேன். அதில் நானும் மகிழ்வேன்.இது உறுதி.

நன்றி

வணக்கம்
                                       📕📕📕📕📕📕📕📕📕📕📕📕📕📕📕
முதுமழழைகள் பிரிவு ((வகுப்பு:1-2))

சைவ சமயம்

எமது சமயம் சைவசமயம்.எனவே நாம் சைவர்கள் என அழைக்கப்படுகிறோம்.சைவசமயம் சிவனை முழுமுதல் கடவுளாகக் கொண்டுள்ளது. இம் மதத்தினை இன்று 220 மில்லியன் மக்கள் பின்பற்றுகிறார்கள்.

நாம் நல்வாழ்வு வாழ்வதற்குரிய வழிபாட்டு முறைகளை சைவ சமயம் கொண்டிருக்கிறது.சைவர்களாகிய நாம்ஒவ்வொருநாளும் காலையும் ,மாலையும் முதலில் உடலைச் சுத்தம் செய்தல் வேண்டும்.பின்னர் திருநீறுஅணிந்து இறைவனை வழிபட்டு உள்ளத்தினை சுத்தம் செய்தல் வேண்டும்.விசேட தினங்களில் ஆவது ஆலயம்சென்று வழிபாடு செய்தல் அவசியம் ஆகும்.

அன்பே சிவம் என்கிறது எமது சமயம்.பஞ்சமா பாதகங்களை மறப்போம். எல்லா உயிர்களிடத்தும் நாம்அன்புகொள்வோம்.நல்ல மனிதர்களாக வாழ்வோம், வல்லவர்களாக வளர்வோம் என்று

இந் நன்னாளில் உறுதி கொள்வோமாக!

நன்றி

வணக்கம்
🕮🕮🕮🕮🕮🕮🕮🕮🕮🕮🕮🕮🕮🕮🕮
மத்தியபிரிவு ((வகுப்பு:3-4))
தைத்திருநாள்

"தமிழர் போற்றும் நன்னாள்
உழவர் போற்றும் நன்னாள்"

என்று சிறப்பிக்கப்படுவது தைத்திருநாள்.அது சமயங்கள் கடந்து கொண்டாடப்படும் தமிழர் தைப்பொங்கல்ஆகும்.

பொங்கல் என்பதற்கு"பொங்கி வழிதல் என்பது பொருள்.பொங்கல் திருநாள் அன்று புதிய பானையில் புதியஅரிசியிட்டு பொங்கல் வைப்பார்.அப்பொழுது பொங்கலிலிருந்து பால் பொங்கி வருவதுபோல அன்றிலிருந்துமக்கள் அனைவரும் நல வாழ்வுடனும் வளமுடனும் சிறப்பாக வாழவேண்டும் என்று உரைப்பதே பொங்கல்திருநாளாகும்.

உழவர்கள் ஆடி மாதத்தில் விதை விதைத்து மார்கழி மாத இறுதியில் நெற்கதிர்களை அறுவடை செய்து தைமுதலில் தங்கள் உழைப்பின் பயனை அனுபவிக்க ஆரம்பிக்கும் நாளே தைத்திருநாள்.அந்நாளில் தமதுஉழைப்பிற்கு உறுதுணையாக இருந்த நிலம் நீர் காற்று சூரியன் போன்ற இயற்கை சக்திகளுக்கு நன்றிதெரிவிக்கும் சிறந்த நாளே தைப்பொங்கல் ஆகும்.

"தை பிறந்தால் வழி பிறக்கும்."

என்ற பழமொழிக் கேற்ப உழவர்களுக்கு நல்ல விளைச்சலைக் கொடுத்து நம் எல்லோருக்கும் உண்டி கொடுத்தஅந்த சக்திகளுக்கு அவர்களுடன் இணைந்து நன்றி செலுத்தி நாமும் மகிழ்வுடன் கொண்டாடுவோம்.

நன்றி ......வணக்கம்.
📙📙📙📙📙📙📙📙📙📙📙📙📙📙
மேற்பிரிவு (வகுப்பு:(5-6))
நூல் பல கல் 
எண்ணும் ,எழுத்தும் மனிதனுக்கு இரு கண்கள் போன்றவை.அவை அறிவுக் கண்கள். அவற்றினைப் பெற்றவர்களே உயிர் வாழ்வபவர் ஆவர் என திருக்குறளில் வள்ளுவர் மிக அழகாகக் கூறியுள்ளார்.
அந்த அறிவினைப் பெறுவதற்கு நாம் நிறைய நன் நூல்களைப் வாசிக்க வேண்டும். அவைகள் மேன்மை ஆனவை. அவற்றினை விரும்பிப் படிப்பதால் மனிதன் பூரணம் அடைகிறான்.
நிலத்தினைத் தோண்டத் தோண்ட நீர் மேலும் மேலும் கிடைக்கும். அதேபோல சிறந்த நூல்களை வாசிக்க , வாசிக்க பொது அறிவு வளரும். எழுதும் ஆற்றல் ஏற்றம் கொள்ளும். பேச்சுத் திறன் பெருகும். உங்களின் அறிவு நீங்கள் படித்த நூல்களிலேயே தங்கியுள்ளது. இதனையே வையாரும் 
''நீர் அளவே ஆகுமாம் நீராம்பல்-தான் கற்ற 
நூல் அளவே ஆகுமாம் நுண் அறிவு ''
 என மூதுரை நூல் மூலம் கூறியுள்ளார்.
இன்று விஞ்ஞானம் வானம் கடந்துவிட்டது. உலகம் கணனி வடிவில் கையுள் அடங்கிவிட்டது. அறிவியல் நூல்களா,அல்லது ஆன்மீக நூல்களா உலகின் அனைத்துவகை நூல்களையும் நம்முன்னே கொண்டுவர அது தயாராகிவிட்டது. ஐரோப்பிய மொழிகளிலா,
அல்லது எம் தாய் மொழியிலா தடையேதும் கிடையாது. அனைத்தையும் நாம் இலகுவில்  கணனியில் பெற விஞ்ஞானம் வழி செய்துவிட்டது.
எனவே பக்கங்களைப் புரட்டுவோம். நல்லன பலதையும் படிப்போம். அறிவைப் பெருக்குவோம்.வாழ்வில் உயர்ந்து நிற்போம்.
நன்றி 
வணக்கம் 
📚📚📚📚📚📚📚📚📚📚📚📚📚📚📚📚📚
அதிமேற்பிரிவு (வகுப்பு:(7-8))
கனடா

கனடா, வட அமெரிக்கக் கண்டத்தில் உள்ள ஒரு நாடு.அது உலகத்தில் இரண்டாவது பெரிய நாடுஆகும்.கனடாவின் வடக்கே வடமுனை காணப்படுகிறது.

கிழக்கே அட்லாண்டிக் பெருங்கடல் உள்ளது.தெற்கே அமெரிக்க ஒன்றியம் அயல் நாடாகஅமைந்திருக்கிறது.மேற்கே பசுபிக் சமுத்திரமும் அமெரிக்க அலாஸ்காவும் எல்லைகளாக இருக்கிறது.

கனடா பத்து மாகாணங்களையும்,மூன்று ஆட்சிநிலப் பகுதிகளையும் கொண்டது.ஆங்கிலம்,பிரஞ்சு என்பனகனடாவில் ஆட்சி மொழிகளாக உள்ளன.
"ஒட்டாவா" கனடாவின் தலைநகரம் ஆகும். நுனாவுட் ஆட்சி நிலப்பகுதியில் அவர்களுடைய மொழியான "இனுக்ரிருற்" ஆட்சி மொழியாக உள்ளது.

பிரெஞ்சு மக்கள் 1605 ஆம் ஆண்டளவில் கனடாவுக்குள் வர ஆரம்பித்தனர்.பின்னர் ஆங்கிலேயர்1610 ஆம்ஆண்டில் குடியேறத் தொடங்கினர்.

பிரிட்டனின் குடியிருப்புகளாக இருந்த ஒன்ராறியோ, கியூபெக், நியூ பிரன்ஸ்விக், நோவோ ஸ்கோஷியா 1867ஆம் ஆண்டு கனடா கூட்டரசாக உருவானது. கனடாவின் பிற மாகாணங்கள் பின்னர் கூட்டரசில் சேர்ந்தன.நியூபௌன்ட்லாந்து 1949 ஆண்டு கனடாவுடன் கடைசியாக இணைந்த மாகாணம் ஆகும்.

1880களில் சீனர்கள் தொடருந்துப் பாதை கட்டமைப்பில் வேலை செய்வதற்காக வரவழைக்கப்பட்டனர்.1971 ஆம்ஆண்டு, உலக நாடுகளிலேயே முதலாவதாக, கனடா பல்லினப் பண்பாட்டுக் கொள்கையை அதிகாரப்பூர்வமாகஏற்றுக்கொண்டது. அதனைத் தொடர்ந்து பன்னாட்டு மக்களும் கனடாவுக்கு குடிவருவது அதிகரித்தது. 1980களிலும் 1990களிலும் தமிழர்கள், பிற தெற்காசிய மக்கள், ஆபிரிக்கர்கள் புதிய குடிவரவாளர்களில்கணிசமான தொகையாக இருந்தனர்.

கனடா இயற்கைவளம் மிக்க நாடு.கனடாவின் போக்குவரத்து, தொலைத்தொடர்பு, தகவல் தொழில் நுட்பம்ஆகியவை உறுதியானவை.கனடா, ஓர் உயர்ந்த, தொழில்மயமாக்கப்பட்ட, அறிவு அடிப்படை பொருளாதரக்கட்டமைப்பைஉடையது.

கனடாவின் தேசிய கீதமாக " கனடா"இசைக்கப்பட்டு வருகிறது.

பல்லின மக்கள் வாழும் இந்நாட்டில் தமிழர்களாகிய நாங்களும் கனடியக் குடிகளாக ஏற்றுக்கொள்ளப்பட்டுள்ளோம்.நல் மக்களாக நாமும் வாழ்ந்து நாட்டுக்கும்,நமக்கும் பெருமைகள் சேர்ப்போமாக.
நன்றி 
வணக்கம்
📖📖📖📖📖📖📖📖📖📖📖📖📖📖📖📖📖

0 comments:

Post a Comment