கடைசி வாரம் வெளிவந்த திரைப்படங்கள் எப்படி?


'மாமனிதன்' விமர்சனம்  (Maamanithan movie review)

சீனு ராமசாமி இயக்கத்தில், விஜய் சேதுபதி, காயத்திரி சங்கர்,குரு சோமசுந்தரம், கே பி சி லலிதா, அனிகா  உட்படப் பலர் நடித்திருக்கும்,   இத்திரைப்படத்தினை  யுவன் ஷங்கர் ராஜா தானே தயாரித்து, அவரின் தந்தை இளையராஜாவுடன் இணைந்து இசையமைத்துள்ளார்.

"அப்பன் தோத்த ஊர்ல.. புள்ளைங்க ஜெயிக்கிறது கஷ்டம்" என்கிற ஆழமான சூழலில் தனது பிள்ளையை ஜெயிக்க வைக்க தலை நிமிர்ந்து வாழ வைக்க தலைமறைவு வாழ்க்கையை வாழ்ந்து கொண்டு ராதாகிருஷ்ணன் கதாபாத்திரத்தில் விஜய்சேதுபதி செய்யும் வேலைகள் தான் படத்தின் மையக் கரு.

 மெதுவாக நகரும் கதை என்றாலும் குடும்பங்களோடு ரசித்து மகிழக்கூடிய  படம்.[3/5]

 

''மாயோன்'' விமர்சனம்  (Maayon review. Maayon Tamil movie review)

கிஷோர் இயக்கத்தில், சிபிராஜ், தன்யா ரவிச்சந்திரன், ராதா ரவி, கே எஸ் ரவிக்குமார் என ப்பல  நட்சத்திரங்கள் பலர் இணைந்து நடித்திருக்கும், திரில்லர் திரைப்படம். இப்படத்தினை  அருண் மொழி மாணிக்கம் தயாரிக்க,  இளையராஜா இசையமைத்துள்ளார்.

 பழங்கால கிருஷ்ணர் கோயிலில் இருக்கும் ரகசிய அறையில் உள்ள புதையலை எடுத்து வெளிநாட்டிற்குக் கடத்த ஹரிஷ் பெரடி, சிபிராஜ் இருவரும் சேர்ந்து நினைக்கும் அவர்கள்,  அந்தப்  புதையல் அறை எங்கிருக்கிறது என்று கண்டுபிடிக்க  முயற்சி செய்கிறார்கள். திட்டமிட்டபடி அவர்களால் அதைச் செய்ய முடிந்ததா இல்லையா என்பதுதான் படத்தின் மீதிக் கதை.

குடும்பத்த்துடன் பார்க்கக் கூடிய மாய உலகம் [3/5]

 

'பட்டாம்பூச்சி' விமர்சனம் ('Pattampoochi' movie review)

 பத்ரி இயக்கத்தில் சுந்தர் சி, ஜெய், ஹனி ரோஸ் என பலர் நடித்திருக்கும் திரில்லர் திரைப்படம். இப்படத்தினை நடிகை குஷ்பூ சுந்தர் தயாரிக்க,  நவ்நீத் சுந்தர் இசையமைத்துள்ளார்.

தூக்குத் தண்டனை கைதியான சுதாகர் (ஜெய்) அதிலிருந்து தப்பிக்க, தான் பட்டாம்பூச்சி எனும் சைக்கோ கொலைகாரன் என்கிற ட்விஸ்ட்டை கொடுக்க அதுதொடர்பான விசாரணைக்கு நீதிபதிகள் உத்தரவிடுகின்றனர்.

அந்த வழக்கை விசாரிக்கும் அதிகாரியாக குமரன் கதாபாத்திரத்தில் நடித்துள்ளார் சுந்தர்.சி. தூக்குத் தண்டனையில் இருந்து ஜெய் தப்பித்தாரா? உண்மையில் அந்த பட்டாம்பூச்சி சைக்கோ ஆனது எப்படி? குற்றவாளியை நீதிமன்றத்துக்கு முன் நிறுத்தினாரா சுந்தர். சி என்பது தான் படத்தின் கதை.

முதல் பாதி சுவாரஸ்யம், இரண்டாம் பாதி சம்பவம் சுமார் தான்…[2/5]

 

'வேழம்'விமர்சனம் (Vezham Movie Review)

 சந்தீப் ஷியாம் இயக்கத்தில், அசோக் செல்வன், ஜனனி ஐயர், ஐஸ்வர்யா மேனன் முன்னணி கதாபாத்திரத்தில் நடித்திருக்கும் திரில்லர் திரைப்படம். கேசவன் தயாரிக்க, ஜானு சந்தர் இசையமைத்துள்ளார்.

காதலியான ஐஸ்வர்யா மேனனை கொன்றவர்களை பழிவாங்க துடிக்கும் அசோக் செல்வன் பல உண்மைகளை அறிகிறார். அவை என்ன? அடுத்து என்ன நடக்கிறது என்பதே கதை.

 கதை வேகமானது, ஆனால் நீளம் கூட என்பதால் பொறுமையுடன்தான் பார்க்க வேண்டும் . [3/5]

 

தொகுப்பு:செ.மனுவேந்தன்

0 comments:

Post a Comment