ஒளிர்வு-(33),ஆடி-2013



உண்மைகள்உரைக்கப்படும்தளம்-தீபம், மூடநம்பிக்கைகளின்முடிவிடம்.

உப்பில்லாப் பண்டம்தான் உடல் ஆரோக்கியத்தைத் தரும்

ப்பு கொஞ்சம் குறைச்சலா இருக்கு. இன்னும் கொஞ்சம் போடுங்க!” என்று அனைவருமே கூறுவார்கள். உப்பு சேர்த்ததும் சப்புக் கொட்டிச் சாப்பிடுவார்கள்!

காலங்காலமாய் மனிதர்களின் நாக்கில் கம்பீரமாய் அமர்ந்துவிட்ட உப்புதான்… இப்போது, அதே மனிதர்களின் ஆரோக்கியத்திற்கு எமனாகவும் மாறியிருக்கிறது என்கிறார்கள் ஆய்வாளர்கள்.

அமெரிக்கா, ஜப்பான், சிங்கப்பூர் உள்ளிட்ட வளர்ந்த நாடுகள், தற்போது மக்களிடம் உப்பு பற்றிய விழிப்புணர்வை ஏற்படுத்தி வருகிறது. உலக மருத்துவ பத்திரிகைகள் பலவும் உப்புக்கு எதிரான எச்சரிக்கைக் கட்டுரைகளை எழுதத் தொடங்கியுள்ளன.

‘உலகம் முழுவதும் மாரடைப்பால் நிகழும் மரண எண்ணிக்கைக்கும், சிறுநீரகப்பழுது, ரத்த அழுத்தம், சர்க்கரை தொடர்பான நோய்கள் அதிகரித்து வருவதற்கும் முக்கியக் காரணம், உப்புத்தான்’ என்று மருத்துவர்கள் அடித்துச்சொல்ல ஆரம்பித்துவிட்டார்கள்.

‘‘இந்தியர்களிடம் உப்பு பற்றிய விழிப்புணர்வு இன்னமும் ஏற்படவேயில்லை’’ என்று வருத்தத்தோடு கூறும் பிரபல நெப்ரோலஜிஸ்ட் மருத்துவர் பி.ரவிச்சந்திரன், உப்பு பற்றிய விழிப்புணர்வு பணியில் தன்னை முழுமையாக ஈடுபடுத்தி வருகிறார். அவரைச் சந்தித்தோம். ‘மனித ஆரோக்கியத்திற்கு எதிராக உப்பு எவ்வாறு செயல்படுகிறது’ என்பதை விரிவாகவே விளக்கினார்.

‘‘ஆதிகால மனிதர்கள் கடல் உப்பைப் பயன்படுத்தத் தெரியாதவர்கள். ஏன், இன்னமும் விலங்குகளுக்குத் தெரியாதது, இந்த உப்பு. உலகத்திலேயே முதன் முதலில் எகிப்தியர்கள்தான் கடல் நீரிலிருந்து சோடியம் உப்பைப் பிரித்தெடுத்தார்கள். அவர்கள் மொழியில் (Natron) நேட்ரான் என்று பெயர் வைத்தார்கள். இறந்த உடல்களை பதப்படுத்துவதற்கு, அதாவது ‘மம்மி’க்களைப் பாடம் செய்ய உப்பைப் பயன்படுத்தினார்கள். ஆதிகாலத்தில் வேட்டையாடுதல், போர்செய்தல் என்று வாழ்ந்த மனிதர்களுக்கு சோடியம் உப்பின் அறிமுகம், ஒரு புதிய அனுபவத்தைத் தந்தது. அப்புறம், அது தேவையாகவும் மாறிவிட்டது.

உடல் உழைப்பைப் பிரதானமாகக் கொண்ட அன்றைய வாழ்க்கை முறையால், உடலிலிருந்து நிறைய வியர்வை வெளியேறியது. இதனால் ரத்தத்தில் இருந்த சோடியம் உப்பின் சமநிலை அடிக்கடிக் குறைந்தது. போர்க்களத்தில் உடல் சோர்ந்து விழுவார்கள், வீரர்கள். அந்தச் சமயங்களில் அவர்கள் கையில் உப்புக்கட்டிகள்தான் கொடுக்கப்பட்டன. உப்பை நாக்கில் வைத்த உடனேயே, அவர்கள் பழையபடி உற்சாகம் பெற்று எழுவார்கள். இதனால் அந்தக் காலங்களில் உப்பு, தங்கத்தைவிட உயர்ந்ததாகக் கருதப்பட்டது. இப்படி, பழங்காலத்தில் பிரமாண்டமான வரவேற்போடு மனித வாழ்க்கையில் நுழைந்த சோடியம் உப்புதான், இப்போது அதே மனித இனத்திற்கு விஷமாகவும் மாறியிருக்கிறது!’’ என்று நிறுத்தியவர், ‘எப்படி ஏற்பட்டது இந்த மாற்றம்? என்பதை சற்று விரிவாகவே கூற ஆரம்பித்தார்…

‘‘மனித உடலுக்கு மிக அடிப்படையாக, நான்கு வித உப்புகள் தேவை. அவை பொட்டாசியம், மெக்னீசியம், கால்சியம், சோடியம் ஆகும். இதில் பொட்டாசியத்தையோ, மெக்னீசியத்தையோ, கால்சியத்தையோ உப்பு வடிவில் பிரித்தெடுத்து உணவில் சேர்த்துக்கொள்ளாத நாம், சோடியம் உப்பை மட்டும் கடல் நீரிலிருந்து பிரித்துப் பயன்படுத்துகிறோம். சுவைக்காகவும், உணவுப் பொருள்களைப் பதப்படுத்தப் படுவதற்காகவும் அன்றாடச் சாப்பாட்டில் அதிகமாக சேர்க்கப் பழகினோம்.

விஞ்ஞான வளர்ச்சியால் நாளுக்குநாள் மனித வாழ்க்கையில் உடல் உழைப்பு வெகுவாகக் குறைந்து வருகிறது. எப்போதும் உட்கார்ந்த நிலையிலும், ஏ.சி. அறையிலும் வேலை என்பது ஒரு பிரிவினரின் வாழ்க்கையாக மாறியுள்ளது. ஒரு மனிதனின் ரத்தத்தில் மொத்தம் இருநூறு கிராம்தான் சோடியம் உப்பு இருக்க வேண்டும். அதற்குமேல் ரத்தத்தில் சேரும் உப்பு… வியர்வை, சிறுநீர் மற்றும் மலம் கழிப்பதின் மூலம் உடலில் இருந்து வெளியேறுகிறது. ஒரு லிட்டர் சிறுநீரில் இரண்டு கிராம் உப்பை வெளியேற்றுகிறது சிறுநீரகம்.

உதாரணமாக, பத்து கிராம் உப்பை வெளியேற்ற ஐந்து லிட்டர் சிறுநீர் கழிக்க வேண்டும். (இது தான் ‘உப்பைத்தின்றவன் தண்ணீர் குடிப்பான்’ என்ற பழமொழியின் அர்த்தம்) உடலில் குறைபாடு இருக்கும் பட்சத்தில் சிறுநீரகம், சோடியம் உப்பை வெளியேற்றுவதற்குப் பதிலாக, உடல் பலத்தைத் தரும் மெக்னீசியத்தையும், எலும்பு உறுதியைத்தரும் கால்சியத்தையும் வெளியேற்றப் பழகிவிடும். உடலில் தேவைக்கு அதிகமாக சோடியம் உப்பு தங்க ஆரம்பித்தால்… உடல் பருமனாகும். கால்சியம் வெளியேறுவதால் மூட்டுவலி, முதுகுவலி வரும். மெக்னீசியம் வெளியேறுவதால் அசதி வரும். முக்கியமாக, சிற்றின்ப உறவு தோல்வியடையும். சிலருக்கு உயர் ரத்த அழுத்தம் ஏற்படும். இதனால் முக்கிய நரம்புகளில் வெடிப்பு ஏற்பட்டு ரத்தக் கசிவும் உருவாகலாம். மாரடைப்பு, சிறுநீரகப் பழுது போன்ற உயிர் ஆபத்துகளையும் சந்திக்க நேரிடும். அதேபோல், சர்க்கரை வியாதிக்கும் பெண்களுக்கான மாதவிடாய் பிரச்னைகளுக்கும் அதிக உப்புதான் காரணமாக இருக்கிறது!’’ என்கிறார், அவர்.

கடல் உப்புக்கு மாற்றாக இந்திய ஆயுர்வேத மருத்துவத்தில் மலை உப்பைப் பயன்படுத்துகிறார்கள். இது மலைப்பிரதேசங்களில் பாறைவடிவில் கிடைக்கக் கூடியது. இதில் சோடியம் மிக மிகக் குறைவாகவும், சல்ஃபர், மெக்னீசியம், கால்சியம் தாதுக்கள் அதிகமாகவும் இருக்கும். இந்த உப்பை வட இந்தியாவில் பணக்காரர்கள்தான் பயன்படுத்துகிறார்கள். காரணம், அத்தனை விலை.

அமெரிக்காவில் தயாரிக்கப்படும் அனைத்து உணவுப் பொருள்கள் மற்றும் பால் இவற்றில் சேர்க்கப்படும் சோடியத்தின் அளவை, அதன் அட்டையில் அச்சிட வேண்டும் என்கிற சட்டம் கடுமையாக அமல்படுத்தப்படுகிறது. சோடியம் இல்லாத பொட்டாசியம் உப்புத்தூவிய உருளைக்கிழங்கு Chipsம், அங்கே விற்பனையில் இருக்கிறது. அதேபோல் கடலுக்குள் இருக்கும் பவளப்பாறைகளில் இருந்து கிடைக்கும் மெக்னீசியம், புரோட்டீன்ஸ் அடங்கிய கோரல் உப்பு (coralsalt) ஜப்பான், அமெரிக்காவில் பிரபலம்.

ஆனால், நம் நாட்டிலோ சில பாக்கெட் பால்களில் கூட 0.3 கிராம் வரை சோடியம் உப்பு சேர்க்கப்படுகிறது. பல வீடுகளில் பாக்கெட் பாலில் போடப்படும் டீ, காபி கூட மெல்லிய கரிப்புச்சுவையோடு இருப்பதற்கு இதுதான் காரணம். கடைகளில் விற்பனை செய்யப்படும் ஸ்வீட்ஸ், மற்றும் சாக்லேட்டுகளிலும் சோடியம் சேர்க்கப்படுகிறது. ஆனால், அதன் அளவை வெளிநாடுகளில் உள்ளதுபோல இங்கே நுகர்வோருக்குத் தெரிவிப்பதில்லை.

பிரபலமான குளிர்பானங்கள் அனைத்திலும் சோடியம் சல்பேட் சேருகிறது. கருவாடு, ஊறுகாய், அப்பளம் மற்றும் ஃபாஸ்ட்ஃபுட் வகைகளில் கொஞ்சம் அதிகமாக சோடியம் இருக்கிறது. இவற்றைப் பயன்படுத்தும் மனிதனின் உடலுக்குள் ஒவ்வொரு நாளும் பத்திலிருந்து முப்பது கிராம் வரை சோடியம் உப்பு தானாகவே நுழைந்து விடுகிறது, என்பதுதான் அதிர்ச்சிக்குரிய விஷயம்.

ஆனால், ‘பெரும் உடல் உழைப்பு இல்லாத இன்றைய மனிதனுக்கு அன்றாடத் தேவைக்காக வெறும் இரண்டு கிராம் உப்பே போதும்’ என்கிறார்கள் மருத்துவர்கள். ஆனால், அவன் சுவையாகச் சாப்பிடும் பொருள்களின் மூலம் இரண்டு கிராமைவிட அதிகமாகச் சேருகிறது. இப்படி உப்பின் அளவு கூடுவதினால், ஆண்மை பலம் மற்றும் கருத்தரிக்கும் வாய்ப்புகள்கூட குறைந்துவிடுகின்றனவாம்.

இதுதொடர்பாக, பதிலளிக்கும் டாக்டர் ரவிச்சந்திரன் ‘‘சோடியம் உயிர்த்தன்மையை அழிக்கக் கூடியது, மனித விந்தில் மெக்னீசியம், கால்சியம்தான் மிகுதியாக இருக்கிறது. உடலில் சோடியம் கூடும்போது… உயிர் அணுக்களை அது பாதிக்கும் என்பது உண்மையே. அனைத்துத் தாவர விதைகளிலும் மெக்னீசியம் அதிகமாக இருக்கிறது. முந்திரி, பாதாம், பிஸ்தா போன்ற தாவர விதைகளை அரைத்துத்தான் ஆண்மை லேகியம் செய்து விற்கிறார்கள். அதன் ரகசியம் மெக்னீசியம்தான். விதைகளில் அதிக சக்தி கொண்டது முருங்கையும், பூசணியும்! வெற்றிலை என்பது மெக்னீசியம். அதில் தடவப்படும் சுண்ணாம்பில் கால்சியம். அதனால்தான் தாம்பூலம் என்பது இல்லற வாழ்க்கையோடு தொடர்புபடுத்தப்பட்டது!’’ என்றார்.

அயோடின் கலந்த உப்பு பற்றிக் கருத்து தெரிவிக்கும் அவர், ‘‘அதிக உப்பு சேர்த்துக்கொண்டால், அதிக அயோடின் சத்துக் கிடைக்கும் என சிலர் தவறாகப் புரிந்து கொள்கிறார்கள். அயோடின் என்பது இரண்டு பக்கக் கத்தி போன்றது. அது குறைந்தாலும் பிரச்னை, கூடினாலும் பிரச்னை. சில விதமான கேன்சர், தைராய்டு பிரச்னைகளுக்குக் கூடுதல் அயோடினே காரணமாக உள்ளது என்பதை புரிந்து கொள்ளவேண்டும்.

அத்துடன், நமது உடலுக்குள் நுழையும் சோடியத்தின் அளவைக் கண்காணிக்கப் பழகிக்கொள்ள வேண்டும். குழந்தைகளுக்கு நாக்கில் சுவை மொட்டுக்கள் நன்கு செயல்படும் என்பதால்…. சிறுவயது முதலேயே குறைந்த உப்புச் சுவையே அவர்களுக்குப் பழக்க வேண்டும். கூடியவரை பதப்படுத்தப்பட்ட உணவுகளைத் தவிர்க்க வேண்டும் அல்லது அதன் சோடியத்தின் அளவைக் கவனித்து சேர்த்துக்கொள்ள வேண்டும். கசப்புச் சுவை உள்ள காய்கறிகளான பாகற்காய், கோவைக்காய், வாழைத்தண்டு, பச்சை நிறக் கீரைகள், மற்றும் மோர், இளநீர் போன்றவற்றைத் தொடர்ந்து உணவில் சேர்த்துக் கொள்வதன் மூலம் மெக்னீசியம், பொட்டாசியம் கால்சியம் போன்ற உப்புக்கள் நம் உடலில் இயற்கையாகவே சேர்ந்து விடும்.

அதோடு, அன்றாடம் சில உடற்பயிற்சிகளைச் செய்வதன் மூலம் நமது வியர்வைச் சுரப்பிகளுக்கும் கொஞ்சம் வேலை கொடுக்கவும் வேண்டும்!’’ என்கிறார்.

இது மட்டுமல்ல, பெரிய பெரிய கம்பெனிகளின் விளம்பரங்களைப் பார்த்து, அந்த உப்புகளை வாங்கிப் பயன்படுத்துவதைவிட, கடைகளில் கிடைக்கும் சாதாரண கல் உப்பை வாங்கிப் பயன்படுத்துவதும் நல்லது. காரணம், பாக்கெட் உப்புகளில் 99 சதவிகிதம் வரை சோடியம் இருக்கிறது. கல் உப்பில் 40 சதவிகிதம் வரைதான் சோடியம் இருக்கிறது என்றும் சொல்கிறார்கள்.

ஆகமொத்தத்தில் ‘உப்பில்லாப் பண்டம் குப்பையிலே’ என்பது பழமொழி. ‘உப்பில்லாப் பண்டம்தான் உடல் ஆரோக்கியத்தைத் தரும்’ என்பது புதுமொழியாக உருவாகி வருகிறது.

நன்றி: ரா: அரசகுமாரன்  

பண்டைய தமிழரின் சமயம்-பகுதி 08: [ஆக்கம்:கந்தையா தில்லைவிநாயகலிங்கம்]

சங்க காலத்தில் வேத நெறியும் கடவுள் நம்பிக்கையும் கால்கொள்ள ஆரம்பித்தன. இருந்தும் அமைப்பு முறையாக நிறுவப்பட்ட (established) சமயம் இருக்கவில்லை.சங்கம் மருவிய காப்பிய காலத்தில் தமிழர்கள் வைதீக, சமண, பவுத்த மதத்தை தழுவி இருந்தார்கள்.

பக்திஇயக்க காலத்தில் ஆரியரின் வேதநெறி சங்க கால தலைவன் தலைவி உறவையும் நடுகல் வணக்கத்தையும் உள்வாங்கிக் கொண்டு சமண பவுத்த மதச் செல்வாக்கை சாய்த்தன.

 துரதிஷ்டவசமாக .இந்த தமிழரின் சமயத்திற்கு ,சமஸ்கிரத வேத சமயம் ,தங்களது வேதம் புராணம் இதிகாசம் ஆகியவற்றை ,தமிழரின் சமயம் போல் கொடுத்து விட்டனர் .இது இரண்டு சமயத்தையும்  ஒன்று இணைத்தது [ஒன்றிப்பு] மூலம் முடிவாயிற்று .முருகன்U+2192.svgஸ்கந்த ,கார்த்திகேய ஆனார் .சிவாவிற்கு மகன் ஆனார் .அதுபோலவே கொற்றவை உமா ஆனார் .சிவாவின் மனைவியாகவும் முருகனின் தாய்யாகவும் .மயோன் விஸ்ணு  ஆனார் .இப்படியே மற்றவையும் .

பல்லவர் ஆட்சிக் காலத்தில்தான் சைவசமயம் அப்பர், ஆளுடைப் பிள்ளையார், சுந்தரர், மாணிக்வாசகர் தலைமையில் பக்தி இயக்கமாக எழுச்சி பெற்றது. இதுவே சைவ சமயத்தின் பொற்காலம் என்று சொல்லலாம். 

'நாமார்க்கும் குடியல்லோம் 
 

நமனை அஞ்சோம்
ஏமாப்போம் பிணியறியோம் 
பணிவோ மல்லோம்.'

'அஞ்சுவதுமில்லை யஞ்சவருவது மில்லை' 

என்ற அப்பரின் வீர முழக்கங்கள் மக்களுக்கு சங்ககால புற வாழ்க்கையை நினைவூட்ட உதவின போலும்.

பிற்கால பல்லவர் சேர சோழ பாண்டியர் ஆட்சியில் சைவமும் வைஷ்ணவமும் வளர்ச்சியடைந்தன. அதே சமயம் சாதிப்பாகுபாடும் கூர்மை அடைந்தன.



[The Murugan temple at Salavanakuppam near Mahabalipuram. The brick temple excavated in 2005 dates to the Sangam period and is believed to be the oldest Hindu temple to be found in Tamil Nadu.]

சைவ சமயத்தின் முக்கிய நூலக பெரிய புராணம் இருக்கிறது.இது தென் இந்தியாவில் வாழ்ந்த 63 நாயன்மார்களின்/திருத்தொண்டர்களின் வாழ்க்கை வரலாறு  பற்றிய இலக்கியம் ஆகும்.மாணிக்கவாசகரின் தெய்வீக பாடல்களே தலை சிறந்ததாக விளங்குகிறது.அது போலவே வைஷ்ணவ பக்தி இயக்கத்தில் 12 ஆழ்வார்களின் பாடல்கள் முதன்மை பெறுகின்றன.பக்தி காலத்தின் தொடக்கத்தில் இருந்து ஆலய வழி பாடு முக்கியத்துவம் வாய்ந்ததாக உள்ளது .கோவில்கள்    நிலைத்து நிற்கக்கூடிய பொருட்களாகிய பறையை குடைந்தும் கற்களாலும் எட்டாம் நுற்றாண்டில் இருந்து தோன்றத் தொடங்கின .

இன்று இந்து மதத்தின் உட்பிரிவான சைவ சமயமே பெரும்பான்மை தமிழர்களின் சமயமாக இருக்கிறது. இருந்தும் பக்திநெறி காலத்தில் காணப்பட்ட வழிபாட்டு முறை, சமத்துவம், தமிழ்மொழியில் அர்ச்சனையும் இன்று காணப்படவில்லை. இதனால் தமிழ்மக்களுக்கும் சைவ சமயத்துக்கும் இடையில் ஒரு இடைவெளி இருந்து வருகிறது

மெய்கண்டார் எழுதிய சிவஞான போதத்துடன் சேர்த்து பல ஆசிரியர்களால் எழுதப்பட்ட 14 நூல்கள் சைவ சித்தாந்தத் தத்துவ விளக்க நூல்களாக,1200-1800 AD.காலப்பகுதியில் வெளிவர தொடங்கின.சைவ சித்தாந்தம்,ஒரு தென் இந்திய சமயமாக ,தமிழர்களுக்கிடையில் மட்டும் காணப்படுகிறது. இந்த  ஒழுங்கு முறைப்பட்ட 14 நூல்களை தவிர ,வேறு பல துணை  நூல்களும் விளக்கவுரைகளும் தமிழில் உள்ளன. சைவ சித்தாந்தம்  ஆகமங்களை,சிறப்பு படி நிலை யிலும்  வேதங்களை பொது படி நிலை யிலும் வைத்து,அவைகளின் அடிப்படையில்  தத்துவத்தை விளக்குகிறது .இப்படி  ஆகமத்திற்கு கொடுத்த முக்கியம் ,சைவ மதத்தை இந்து சமயத்தில் இருந்து ஒரு  தனித்தன்மையாக காட்டுகிறது.சைவ சித்தாந்தம் ,தனது அடிப்படை கட்டுக்கோப்பை ,தனது புனித நூலான பன்னிரு திருமுறையில் இருந்தே எடுக்கிறது. 

மேலும் இந்த நவீன உலகில் ,தமிழர்களின் பண்பாட்டு கருத்துருவமாக  திருக்குறளும் ,தமிழர்களின் பொன் காலத்து  உயர்வான .இலக்கியமாக சங்க இலக்கியமும் இன்னும் கருதப்படுகிறது.

........................................முடிவு...

இராவணன் நல்லவனா?.கேள்விகளின் முடிவாக!

எவ்வளவு வருடங்கள் ராவணன் அரசாண்டான் அவனால் எம் மனிதர்களும் எம் முனிவர்களும் பூமியில் எத்தனைக் காலம் துன்பம் அனுபவித்தார்கள் என்று அறிவது.. வால்மீகி சொல்லவில்லை. மற்றவர்களும் சொல்லவில்லை. இதைத் தெரிந்து கொள்ளாமல் ராவணன் நல்லவனா கெட்டவனா? ராவணனை அழிக்க விஷ்ணு ஏன் அவதாரம் எடுக்க வேண்டும் என எப்படி விவாதிப்பது? 

ராவணன் உண்மையாய் இருந்தான் (அதுவும் சீதையைக் கடத்தி ராமனுடன் மோதிய ராவணன்) என்னிடம் ஆதாரமில்லை.

ஆனால் ராவணன் ஆட்சியில் அவன் நாட்டுப் பெண்கள் சுதந்திரமாய் உலவினர். ராவணன் சிறுவர்களுடன் போரிடவில்லை.. என ராவணனுக்குண்டான பல நல்ல குணங்கள் மட்டுமே படித்து கேட்டு அறிந்திருக்கிறேன்..

ராமாயண காலத்திற்கான காலம் என்ன? கி.மு 5000 என்கின்றன சில இணையதளங்கள்.. ஆனால் அதிலெல்லாம் உறுதியான ஆதாரங்கள் எனக்குக் கிடைக்கவில்லை. 

பாமபனில் உள்ள மணல்திட்டு ராமாயணப் பாலம் என்று பலர் சொல்லுகின்றனர்.. ஆனால் அங்குள்ள பாறைகளையோ மண்ணையோ யாரும் ஆய்வு செய்ததாகத் தெரியவில்லை.. இலங்கை என்பது இலங்கையே இல்லை.. கோதாவரி நதிக்கு மத்தியிலிருந்த ஒரு தீவு என்போரும் உள்ளனர். 

ராவணன் தேவர்களைத் துன்புறுத்தினான்.. முனிவர்களைத் துன்புறுத்தினான் என ராமாயணம் சொன்னாலும் அதற்கான ஆதாரங்களைத் தரவில்லை.. அதையெல்லாம்தான் என் பதில்கேள்விகளில் தந்திருக்கிறேன்.. 

ராவணன் சீதையைக் கடத்தியது மோகத்தால் அல்ல என்று சிந்திக்கும் பொழுது கதையின் பல கோணல்கள் சீராகின்றன. சீதை 6 மாதங்களுக்கு மேல் அவன் கைப்பிடியில் இருந்திருக்கிறாள்.. ராவணனுக்கு மோகம் என்ற ஒன்று அவள் மேலிருந்திருந்தால் நிம்மதியாய் உறங்கியிருக்க முடியாது.. என்னை மணந்துகொள் என்று சொல்லி இருக்க மாட்டான்.. தன் குலப் பெண்களுக்கு பணி செய்ய வைக்காது தனியே சிறைவைத்ததன் மூலம் அவன் சீதைக்கு மரியாதை அளித்தான் என்று புரிந்து கொள்ள முடியும்.. அவளின் மன உறுதியை குலைக்கும் முயற்சியில் மட்டுமே ஈடுபடுகிறான்.. சீதையும் ஏறத்தாழ தன் மன உறுதியை இழந்து விடுகிறாள்.. அனுமனிடம் அவள் காலக்கெடு கொடுப்பதில் இதை அறியலாம். தன் தம்பி மகளான திரிசடையை சீதையுடன் தங்க வைத்ததன் மூலம் சீதைக்கு மதிப்பளிக்கிறான் ராவணன். 

இதையெல்லாம் பார்க்கும் பொழுது ராம லட்சுமணர்கள் தன் தங்கையை அவமானப்படுத்தியதை பழிவாங்கும் பொருட்டே சீதையை கடத்தி இருக்கலாம்.. எல்லா சொந்தங்களையும் இழந்த பின்னும் சீதைக் கதையை முடித்து விடலாம்.. அப்புறம் போருக்குப் போகலாம் என்ற கெட்ட எண்ணம் அவனுக்கு எழவில்லை.. சீதையை ஆசையோடு தொடவேண்டாம்.. ஆத்திரத்தில் கொன்றிருக்கலாமே.. செய்யவில்லை ராவணன்.. ஏன் தெரியுமா? அவன் நல்லவன் 

நம் கேள்வி பதில்களை ஆராயும் பட்சத்தில் ஒரே ஒரு கேள்வி நான் கேட்கிறேனே!!! 
நான் கேட்ட கேள்விகளிலெல்லாம் நீங்கள் ராவணனை ஒரு நல்லவனாகவே காட்டுமாறு சுவாரசியமாகவும் திறமையாகவும் பதிலளித்தீர்கள்...... நான் கேட்டவை வால்மீகி (அதாவது கதை ஆசிரியர்) எழுதியவை மட்டுமே....... 
ஆயிரம் தவறுகள் இருக்கட்டும்; அந்த நாட்டுக் கலாச்சாரமோ அல்லது அரசர்களின் மேலான செயலோ, மோகமோ கோபமோ அல்லது எதுவாகத்தான் இருக்கட்டும்.... ஒரு பெண்ணைக் அதுவும் கற்புக்கரசியை அதுவும் ஓர் உன்னத தலைவனின் (?) மனைவியை கடத்திக் கொண்டு வரும் ஒருவன் நல்லவன் என்று நீங்கள் நினைக்கிறீர்கள் அப்படித்தானே? 
இதற்காக இராமன் நல்லவனா கெட்டவனா அல்லது அவன் தவறு செய்தானே! மானை துரத்தினானே மங்கை மூக்கை அறுத்தானே என்று ஆயிரம் காரணம் சொல்லவேண்டாம்... ஏனெனில் நான் ராமனும் கெட்டவன் தான் என்று முன்னமே குறிப்பிட்டுள்ளேன்.... 
அப்படியிருந்தும் இராவணன் நல்லவன்தான் என்றூ நீங்கள் அடித்துக் கூறும் பட்சத்தில் நான் ஒத்துக்கொள்கிறேன்.. ஓர் கடத்தல்காரனை நல்லவனாக.... மனதால் அல்ல.... 
எனக்குத் தெரியும்,.,, விவாதத்தின் முடிவில் இராவணன் கெட்டவன் தான் என்று அறியும் பட்சத்தில் கண்டிப்பாக நீங்கள் மனதார ஒத்துக் கொள்ள மாட்டீர்கள்.... இது மனித இயல்பு.... உங்கள் பார்வையில் இன்னும் நல்லவராகவே அவர் இருக்கிறார்..... 
அதாவது ராவணன் சீதையைக் கடத்திய ஒரே ஒரு செயல்தான் தவறு என்கிறீர்கள்.. சரிதானே!!! 
-தாமரை செல்வன் 

முடிந்தது.

இராவணன் நல்லவனா?..கேள்வி(25--31)

கேள்வி(25):-தேவர்கள் நல்லவர்கள் என்று நீங்கள் ஒத்துக் கொள்வீர்களேயானால் ராவணனால் பல்லாண்டு காலம் தேவலோகத்திலிருந்து விரட்டப்பட்ட தேவர்களை ஏன் அசுரர்கள் எதிர்த்துப் போரிட்டனர்?

ராவணன் அசுரர்களின் தலைவன். இருந்தாலும் தசரதன் போரிட்ட அந்தப் போரில் ராவணன் கலந்து கொள்ளவில்லை. அப்படியெனில் ஒருவேளை அது ராவணன் தவத்தில் இருந்த காலத்தில் நடந்திருக்கலாம்.. 

கேள்வி(26):-சீதையை நெருப்பில் தள்ளியது கெளரவமா? என்னங்க? கெளரவத்திற்காக ஒரு புள்ளத்தாச்சியை நெருப்பில் தள்ளியவன் ஆண்மகனா? நண்பரே!! 

அது சீதை மேல் ராமன் கொண்ட சந்தேகமா இல்லை மக்கள் ராமனை அவதூறு சொல்லுவார்களே! இவ்வளவு பெரிய இழப்புகளுடன் போர் செய்து சீதையை சந்தேகத்துடன் விட்டு விட்டு சென்றால் ராமனின் கௌரவம் என்னாவது.. அதனல்தான் அயோத்தி அழைத்து வந்து பின்பு கைவிட்டான்.

கேள்வி(27):-கெளரவம் பார்க்கும் இராமன் செருப்பு அமர்ந்த இடத்தில் ஆட்சி செய்யலாமா?

அது ராமனின் செருப்பு.. பின்பு செருக்கு.

கேள்வி(28):-வாலியை மறைந்து நின்று எந்த ரத்த இழப்பும் இல்லாமல் கொன்ற இராமன், இராவணனையும் அவ்வாறே கொன்றிருக்கலாமே!!! 
செல்வரே வாலி, இராவணனைவிட வலிமையானவன் என்று உங்களுக்குத் தெரியாதெனில் நீங்கள் மீண்டும் இராமாயணம் படிக்கவேண்டும்... 

கேள்வி(29):-சூர்பனகை என்ன தவறு செய்தாள்? இராமனைக் காதலித்தது ஒரு தவறா? ஓர் அரக்கி ஷத்திரியனைக் காதலிக்கக் கூடாதா? அல்லது இராம இலக்குவ, சீதைக்கு ஏதும் பிரச்சனை செய்தாளா? அப்படியென்றால் ஏன பீமன் ஓர் அரக்கியைக் கலியானம் செய்யவேண்டும் ( இடும்பி என்று நினைக்கிறேன் )?

ராமன் அதைத் தவறென்று சொல்லவில்லை. நானும் சொல்லவில்லை. ராவணனும் சொல்லவில்லை..
சூர்பனைகையை இராமன் சமாதனம் செய்து அனுப்பியிருக்கலாமே! மூக்கை அறுப்பது கோழச் செயல்.. அதை விடுத்து, நீ அரக்கி, நான் அரசகுமாரன் என்று வீர வசனம் பேசி சாதியை வளர்க்கலாமா?

கேள்வி(30):-ராமன் பத்தில் ஒரு அவதாரமென்று வால்மீகி, கம்பர், துளசிதாசர் ஆகிய யாவரு, சொல்லுகிறார்களே!! அது பொய்யா? அவதாரமெடுத்தால் தான் கடவுள் என்று மறந்து மனிதனாக மாறிவிடுவானோ? கிருஷ்ணன் விசயத்தில் இது பொருந்தவில்லை 

பத்தில் ஒன்று என்று வால்மீகி சொல்லவில்லை.. கிரூஷ்ணனைப் பற்றி வால்மீகி சொல்லவில்லை.. காமெடியாய் பார்த்தால் பரிணாம வளர்ச்சியின் படி கிருஷ்ணன் ராமனை விட பல காலம் பிந்திப்பிறந்தவன். அறிவு வளர்ச்சி அதிகமாய்த்தானே இருக்கும்.

கேள்வி(31):-கொடூரனைப் படைத்து மக்களைத் துன்புறுத்தி கொடூரனை அழித்து மக்களைக் காப்பாற்றி நான் கடவுள் என்று சொல்லிக்கொள்ள கடவுள் என்ன சாடிஸ்ட்டா? 

எவ்விதத்தில் ஓட்டை? கடவுளுக்கு இப்படிச் செய்வதால்தான் மனிதர்கள் மத்தியில் புகழா? கடவுள் தீயவர்களை அழித்தார் என்பது கதைக்கு மட்டுமே பொருத்தமான வாதம் அல்ல. நல்லவர்களையும் கடவுள்தான் படைக்கிறார். கெட்டவர்களையும் கடவுள்தான் படைக்கிறார். தான் படைத்த படைப்பை தான் படைத்த படைப்பால் துன்புறுத்தி தான் படைத்த படைப்பை தானே அழித்து தான் படைத்தவர்களிடம் நான் நல்லவன் என்று நிரூபிக்க அவருக்கு அவசியம் என்ன? கடவுளை அறிந்தோர் யாருளர்.

பிறகு ஏன் ஒவ்வொருமுறையும் ஒரு அரக்கனோ அசுரனோ தலையெடுக்கும்போது விஷ்ணுவையோ சிவனையோ நாடுகிறார்கள்... நாட்டில் வீரமான அரசர்களே இல்லையா? 
அரசர்கள் ராவணனைப் பற்றிக் கவலைப்பட்டதாக தெரியவில்லை.

காப்பாற்றினால்தானே கடவுள்,,, அவர் சாடிஸ்ட் என்று நீங்கள் சொல்வது பொருந்தாது... ( நான் ஆன்மீகவாதியல்ல.. முழுவதுமாய் கடவுள் இருக்கு என்று சொல்ல... அதேசமயம் ஒரு கடவுள் என்ற உணர்வு கண்டிப்பாக இருக்கு என்று சொல்லுவேன் )

கடவுள் தீயவர்களை அழித்தார் என்பது கதைக்கு மட்டுமே பொருத்தமான வாதம் . 

நல்லவர்களையும் கடவுள்தான் படைக்கிறார். கெட்டவர்களையும் கடவுள்தான் படைக்கிறார். 

தான் படைத்த படைப்பை தான் படைத்த படைப்பால் துன்புறுத்தி 
தான் படைத்த படைப்பை தானே அழித்து 
தான் படைத்தவர்களிடம் நான் நல்லவன் என்று நிரூபிக்க அவருக்கு அவசியம் என்ன? 

கடவுளை அறிந்தோர் யாருளர்.
இது கடவுளைப் பற்றிய மக்களின் எண்ணமே தவிர கடவுளின் உண்மையான உண்மை இல்லை... 

துன்பப் படுவோர் இறைபக்தி உள்ளவரா இல்லாதவரா என்று கடவுள் பார்க்கவேண்டுமா? 

தன்னைத் துதிப்பவனை மட்டுமே காக்கக் கூடியவர் கடவுள் அல்லவே.. 

இவையெல்லாம் கடவுளுக்கு நாம் கற்பனை செய்திருக்கும் வடிவமே தவிர கடவுளின் பண்பு நமக்கு விளங்காத விஷயமென்று எண்ணுகிறேன்.. கடவுளை விட்டு கதாபாத்திரங்களை மட்டும் அலசுவோம்
தொடரும்...
-தாமரை செல்வன் 

இராவணன் நல்லவனா?..கேள்வி(18--24)

கேள்வி(18):- தனி இரு மனிதர்களின் கெளரவப் பிரச்சனைக்காக போர் நடப்பது மனுதர்மமா? கெளரவத்திற்காக நாடும் நாடும் சண்டையிட்டுக் கொள்ளலாமா?

இது என் வார்த்தைகளில் இழையோடி வரும் கேள்வி.. ராவணன் இலங்கையை ஆண்ட காலத்தில் பல அரசர்கள் நிம்மதியாக அரசாந்திருக்கிறர்கள், தசரதன், ஜனகன், கோசல நாடு, கேகய நாடு, அங்க நாடு என அனைத்து நாடுகளும் அமைதியாக இருந்திருக்கின்றன. ராவணன் வம்புச் சண்டைக்கு போகவில்லை, மனிதர்களை கொல்லவில்லை என்பது தெரிகிறதல்லவா?

ஒருவன் இறப்பதால் அவன் தோற்றான் என்று அர்த்தமில்லை...... அதுவே அவன் அரசனானால்................ அப்படியென்றால் இறந்துபோனவன் சேனையை தோற்ற சேனை யென்று அழைப்பீர்களா? இல்லை வேறு எப்படி அழைப்பீர்கள்? 
ஒருவன் எப்பொழுது தன்னிலை மாறுகிறானோ அப்போதுதான் அவன் அடுத்தவனிடம் தோற்றவனாகிறான். 

ஆக முனிவர்கள் முறையிடாமல் எங்ஙனம் விஷ்ணு இராமாவதாரமெடுத்தார்? ஒருவேளை அப்படியில்லை என்றாலும் யார் சொல்லி ராமன் அவதாரமெடுத்தார் விஷ்ணு? தானாகவே தாம் நினைக்கும்போது எடுத்துக் கொண்டாரா? இராமாயணத்தின் ஆரம்பத்திலேயே இது சொல்லப் பட்டிருக்கிறது..

ராமாயாணத்தில் அல்ல பாகவதத்தில் சொல்லப்பட்டது. ராமாயணக் கதைப்படி தசரதனுக்கு ராமன் மகனாய் பிறந்தான்.

கேள்வி(19):-  ஒரு தலைவனோ அல்லது அரசனோ இல்லை பெரும் மனிதனோ ஒருவனை ஒரு விஷயத்திற்காக அனுப்பினால் அது தூது,,, அதுவே ஒரு சாதாரண மனிதன் (அதாவது துறவியாகிய ராமன்) அனுப்பினால் அப்படியென்றால் அதற்கு பெயரென்ன? அனுமன் எதன் அடிப்படையில் இலங்கை வந்தான்? தூதுவனாகவா? இல்லை வெறும் வானரமாகவா? தூதில்லை என்று யார் சொன்னது?

ராமன் அனுமனை அனுப்பியது சீதை எங்கிருக்கிறாள் என்று கண்டு வர.. ராவணனிடம் பேச்சு வார்த்தை நடத்த அல்ல. அது அனுமனாக உருவாக்கிக் கொண்ட சுயபதவி. ராமன் ராவணனிடம் தூதனுப்பியது அங்கதனை. போருக்கு முன்.

கேள்வி(20):-அப்படியே ஒரு வானரமாக இருந்தாலும் அவனும் ஓர் உயிரல்லவா? அவனை கைதியாகவா நடத்துவது?

மானைக் கொன்ற ராமன் மானை உயிரியாக மதிக்கவில்லையே. சதி என்று அறிந்தே செய்தானல்லவா? இலங்கைக்கு நாசம் விளைவித்த ஒருவனை எப்படி நடத்த வேண்டுமோ அப்படி செய்தான் ராவணன்

கேள்வி(21);-எந்த தவறும் செய்யாத ஒரு வானரத்தை கைதியாக நடத்துவது இராவண குல தர்மமோ? அதிலும் வாலில் தீவைப்பது என்ன அநியாயம்?

நன்றாக கவனியுங்கள் வெறும் பேச்சினால் என்று ஏற்கனவே எழுதியிருக்கிறேன்.. ஆக அனுமன் தான் இலங்கையை எரித்தது என்று எனக்குத் தெளிவாகத் தெரியும் அதற்கு காரணம் யார்? தெளிவில்லாத அரசனின் பேச்சு... அனுமன் கேட்டது சீதையைப் பற்றிதான்.. சீதையை மீட்க வந்திருக்கும் ஓர் தூதுவன் என்று இன்றுவரை என்னால் சொல்லமுடியும்.. ஆக அவனை நல்லபடியாக பேசி அனுப்பாமல் இழிவு செய்வது இராவண குல தர்மமா?

 தூதுவன் என்பவன் தூதிற்கான ஆதாரம் கொண்டுவர வேண்டும். நான் ஜார்ஜ்புஷ் -இன் தூதுவன் என்று சொன்னால் நீங்கள் எப்படி என்னை நடத்துவீர்கள்?

....... மானும் கடவுள் படைத்த உயிரினம் தானே? இது நீங்கள் கேட்ட கேள்வி... மானும் கடவுள் படைத்த உயிரனம்தான்... ஆனால் அனுமன் ஒரு மனிதனை உட்காருவதற்குகூட அருகதையில்லாதவனாய் நடத்துதல் ஓர் நல்ல அரசனுக்கு அழகா?

அதாவது அறிவுள்ளவர்கள் உயர்ஜாதி அறிவில்லாதோர் அற்பஜந்து அப்படித்தானே!.

கேள்வி(22):-ராவணனைப் படைத்த பிரம்மாவையே ஒழித்து விடலாமே.... அழகிய கேள்விதான்.. பிறக்கும்போது யாரும் குற்றவாளியாக பிறப்பதில்லை... இதற்காக இராவணன் குற்றமற்றவனானால், கம்சனும் நல்லவன்தான். துரியோதனனும் நல்லவந்தான். பின்லேடனும் நல்லவந்தான்/.... இன்னும்பல அசுரர்களும் குற்றமற்றவர்களாவர்களே!!! நண்பரே நன்றாக யோசியுங்கள்.. 
அதாவது வினை என்பது நல்லவன் கெட்டவன் என்பதை தீர்மானிக்கிறது.. ராவணன் பல வருடங்கள் புலனடக்கி தவம் செய்தவன். அப்படி பெண்ணாசை கொண்டவனாய் இருந்தால் ஊர்வசி மேனகா என் தன்வசம் ஆயிரக்கணக்கில் இருந்த அஸ்திரங்களைப் பயன்படுத்தி இந்திரன் அவன் தவத்தைக் கலைத்திருக்கலாமே!

ஒரு கதாசிரியர் தானே இவனுக்கு இந்த பாத்திரம் என்று சொல்லவேண்டும்? அப்படிக் கொண்டால் ஏன் யாவரும் இராவணனையே கெட்டவனாக சொல்லவேண்டும்.? ஏன் வால்மீகி இராவணனுக்கு சீதையைக் கவரும் சீப்பான உள்ளம் தரவேண்டும்? இராமனை ஏன் கற்புக்கரசனாக சித்தரிக்கவேண்டும்? (பிற்பாடு வேறு..)

அப்படியானால் ராவணன் நல்லவனா கெட்டவனா என்ற விவாதமே எதற்கு?

வால்மீகியை ராவணன் என்ன செய்தான் என்று கேட்கிறீர்கள். விடையறியாமல் முழிக்கிறேன். எனக்கும் தெரியாது. வால்மீகிக்கே வெளிச்சம்.

சீதையின் சுயம் வரத்தில் கலந்து கொண்ட எவருமே ராவண பயம் கொண்டவர்களாகத் தெரியவில்லை. இந்திரன் மகன் ஜெயந்தன் கூட அதில் கலந்து கொள்கிறான்,  அசுரர்களால் துரத்தப்பட்டு மறைந்து வாழும் ஜெயந்தன் எப்படி வெளிப்படையாக சுயம்வரத்தில் கலந்து கொள்கிறான்?

ராவணன் பிராமணன் என்பது நானும் அறிவேன்... பிறப்பினால் அசுரனில்லை ஆயினும் அரக்கன் என்பதை நீவிர் ஒத்துக் கொள்கிறீரா?... ஒத்துக் கொண்டது போல எழுதியிருக்கிறீர்கள்.

அசுரன் என்பது பண்புப் பெயர். அதைச் சூட்டி உள்ளார்களே தவிர நான் ஒத்துக் கொள்ளவில்லை.

அனுமன் இலங்கையை அடையும் போது சாதாரணமாகவா நுழைந்தான்.. எத்தனை இன்னல்கள் கடலில்? அத்தனையும் இராவணனுக்குச் சொந்தமில்லாதவையா? ஓர் நல்ல பிராமணன் (பிராமணன் ஆட்சி!!!!) உயிர்கொல்லும் ராட்சத பாம்பு போன்ற விஷமிகளை எதற்காக வைத்திருக்கவேண்டும்? 
ஏன் ஆளுயரக் கோட்டை, முதலைகள் உலவும் அகன்ற அகழி கோட்டைகளைப் பற்றி படித்திருப்பீற்களே! நாட்டைக் காக்க அரண்கள் அமைப்பது அரசனின் மிக முக்கியக் கடமை அல்லவா?

நாட்டைக் காப்பாற்ற என்றால்..... முதன்முதலில் இலங்கைக்குச் செல்லவிருக்கும் அனுமனால் நாட்டுக்கு தீங்கு வந்துவிடும் என்று நினைத்துவிட்டதுகளோ இந்த ஜந்துகள்?

வரும் வெளியாரைத் தடு என்பது அவ்ர்களின் பணி.. இலங்கை மக்கள் இவற்றால் பாதிக்கப்பட்டதாக தெரியவில்லை.

கேள்வி(23):-ஒரு நாடும் நாடும் போரிடும்போது கூட ஓலையில் தகவல் அனுப்புவார்கள். அனுமன் தேமெ என பறக்கும்போது ஜந்துகளை ஏவிவிட்ட இராவனன் நல்லவனா?

ஆளில்லா விமானம் காஷ்மீர் பகுதியில் பறந்தால் சுட்டுத் தள்ளுவதில்லையா? ஒரு நாட்டினுள் நுழைய அனுமதி பெறவேண்டுமல்லவா?

கேள்வி(24):-விருப்பமின்றித் தொடும் பெண்கள் என்பது வால்மீகி ராமாயணத்தில் இல்லை என்று கூறுகிறீர்கள். பின் ஏன் இராவணன் சீதையைக் கடத்தி அவளிடம் அடிக்கடி சம்மதம் பெற அசோகவனம் வரவேண்டும்? ( கிளைக்கதைதான் என்றாலும் இது வால்மீகி ராமாயணத்தில் இருக்கிறது. ) 

அவன் சீதையின் சம்மதம் பெறுவதன் மூலம் ராமனின் கௌரவத்தை உடைக்க முடியும். மனைவியே நம்பிக்கை விட்டால்..!சூர்ப்பனகை மூக்கறுப்பிற்கு இது சரியான தண்டனை அல்லவா..!!
(கேள்விகள் தொடரும்...)
-தாமரை செல்வன் 

இராவணன் நல்லவனா?..கேள்வி(10.....17)

கேள்வி(10):-தேவர்கள் சம்பாசுரனுடன் போரிட்ட போது உதவிய தசரதர் இந்திரஜித்துடன் போரிட்ட போது எங்கே போனார்? ராவணனால் பல்லாண்டு காலம் தேவலோகத்திலிருந்து விரட்டப்பட்ட தேவர்களை ஏன் அசுரர்கள் எதிர்த்துப் போரிட்டனர்? 

இராவணன் நல்லவன் என்று தீர்மானிக்க வேண்டியது அசல் காவியம் எழுதிய வால்மீகிதானே தவிர நகலெடுத்த கம்பரும் பாரதிதாசனும் அல்லவே!

கேள்வி(11):-ஒரு கதாசிரியன் எப்படி ஒரு பாத்திரத்தை இவன் நல்லவனா இல்லைக் கெட்டவனா என்று சொல்ல முடியும் அதை தரம் பிரிப்பது ரசிகன் அல்லவா? ஆமாம் வால்மீகியும் முனிவர்தானே அவருக்கு ராவணன் இழைத்த தொல்லை என்ன? 

நல்லவன் என்று நீங்கள் சொல்லவேண்டுமானால் ஏன் இராவணனை அரக்கனாக சித்தரிக்கவேண்டும்? 

ராவணனும் குபேரனும் அண்ணன் தம்பிகள் என்பதை அறிவீரா?(சக்களத்தி மக்கள்) ராவணன் பிராம்மணன். அசுரன் என்பது குணத்தாலேயன்றி பிறப்பினால் வருவதல்ல. மற்றபடி அரக்கர் என கோரைப்பற்களுடன் சிலரைக் காட்டுவது நாடக இலக்கணப்படியே தவிர வேறொன்றுமில்லை..

கேள்வி(12):-விருப்பமின்றி தொடும் பெண்களினால் இராவணனுக்கு ஏற்பட்ட சாபம் அறிவீர்களா? அதனால்தான் சீதையைத் தொடவில்லை என்பது அறிவீர்களே! சாபத்தின் காரணம் யோசியுங்கள், இராவணன் நல்லவனா கெட்டவனா என்று??????

விருப்பமின்றித் தொடும் பெண்கள் என்பது வால்மீகி ராமாயணத்தில் இல்லை. அது வேறு கிளைக்கதை, பாரதிதாசனையும் கம்பனையும் ஒத்துக்கொள்ளாத இடத்தில் அதை நான் ஏற்றுக் கொள்ள மாட்டேன்..

கேள்வி(13):-ராவணன் மகள் சீதை என்ற கதை நானும் கேள்விப் பட்டதுண்டு.. முதலில் ராவணன் சீதையை ஏன் கவர வேண்டும்? மோகம் காரணமா? அல்லது பாசம் காரணமா? மகள் என்றால் இராமனிடமே வந்து இலங்கைக்கு அழைத்துச் செல்ல அனுமதி கேட்கலாமே? மோகம் என்றால்........... 

சூர்ப்பனகையின் மூக்கறுந்த கோபம்.. கோபமாகவும் இருக்கலாமல்லவா? ஏன் மோகம் என்று கொள்ளவேண்டும்?.. தேவர்களை வென்று மூவுலகை ஆண்ட ராவணன் மிதிலையிலிருந்து சீதையை தூக்கி வரவில்லையே.. அவள் அழகைக் கேள்விப்பட்டு.. 

கேள்வி(14):-இராமாயணத்தில் இராவணன் மோகத்தினால்தான் சீதையைக் கவர்ந்ததாக நான் படித்தேன்.. ஒரு வேளை நான் படித்ததில் தவறு இருக்குமோ?


இராவண இராம காலங்கள் யாருக்கும் தெரியாது.. இன்னும் சொல்லப்போனால் அப்படி இருந்ததாக சரித்திர குறிப்புகள் இல்லை. இருப்பினும் ஓர் அரசனுக்குரிய தகுதியை விட்டு நீங்கள் குறிப்பிட்ட காட்டுவாசியாகிய சீதையை இராவனன் கவர்வது என்ன நியாயம்? ராமன் பிடித்தது தங்க மான் தானே தவிர ஒரு பெண்ணல்லவே! (அதற்க்காக இராமனை தவறு செய்யாதவன் என்றும் சொல்லவில்லை.)

பெண்களைக் கவர்வது, பசுக்களை கவர்வது போன்றவை அரசர்கள் அன்று செய்துள்ளனர். ஏன் மகாபாரதத்தில் பீஷ்மர் அம்பா அம்பிகா அம்பாலிகா என் மூவரை தன் தம்பியருக்கு மணமுடிக்க கடத்தி வரவில்லையா? இது போல எத்தனையோ அரசர்கள் செய்துள்ளனர்.

கேள்வி(15):-ஒரு கெளரவம் என்று இந்த இடத்தில் எப்படி பொருள் கொள்கிறீர்கள் என்று எனக்குத் தெரியவில்லை.. ஒரு கெளரவத்திற்க்காக நடந்த கடத்தலா இது?

இருக்கலாமல்லவா? ராமாயணத்தில் பல இடங்களில் கௌரவம் என்பது இழியோடி இருக்கிறது.. சீதையை ராவணன் கடத்தியதற்காக ராவணனிடம் தனியுத்தம் செய்யாமல் ஆயிரக்கனக்கில் வானரங்களையும் தானவர்களையும் கொன்று, சீதையை அக்கினிப் ப்ரீட்சை செய்து, அதன் பின் அயோத்தி வந்த பின்னும் தனியொருவன் ஏசல் கேட்டு ஒரு பிழையும் செய்யாதவளை கானகம் அனுப்பினான் என்றால் கௌரவம் என்பதை ராமன் எவ்வளவு உயிர்மூச்சாக கொண்டான் என்பதை தெளிவாக அறியலாம்.

கேள்வி(16):-இராவணன் தன் குடியை ஒழுங்காக நடத்தியதற்கு தக்க ஆதாரமில்லை. அதாவது அதுவும் இராமாயணத்தில்தான் சொல்லியிருக்கவேண்டும்.. அப்படி ஒழுங்காக, குல வழக்கப்படி ஆளும் ஓர் அரசனைக் கொல்ல விஷ்ணு ஏன் இராமனாகப் பிறக்க வேண்டும்... இராமனாக பிறந்து அவன் சாதித்தது இராவணனை அழித்து போக மீதி யாரையாவது (பெரும் அசுரனை) கொன்றிருக்கிறானா?

கும்பகர்ணனைக் கொண்றது ராமனே. ஆயிரக்கணக்கில் அசுரர்கள் அழிந்ததும், வானவர்கள் அழிந்ததும் ராமனாலே.. வாலியும் ராவணன் செய்த அதே தவறை செய்தான்,, அவனை துவந்த யுத்தத்திற்கு சுக்ரீவனை அழைக்கச் சொன்ன ராமன் ராவணனை ஏன் துவந்த யுத்தத்திற்கு அழைக்கவில்லை?

கேள்வி(17)ராமன் ராவணன் மேல் போர்தொடுத்தது கெளரவ பிரச்சனையா? அப்படியென்றால் மனைவியைக் காப்பற்ற இல்லையா?

ராமன் சீதையைக் கைவிட்டு கானகம் அனுப்பியது இதை நிரூபிக்கிறது

இராவணன் நல்லவனா?..கேள்வி(04...09)

கேள்வி(04):-  ஏன் முனிவர்கள் எல்லாம் இராவணனைப் பார்த்து நடுங்கி விஷ்ணுவிடம் அவதாரமெடுக்கச் செய்யவேண்டும்? 
முனிவர்கள் நடுங்கி விஷ்ணுவிடம் முறையிட்டனரா? பிரம்மரிஷி வஷிஸ்டர் நடுங்கியதாக தெரியவில்லை. பரசுராமரும் நடுங்கியதாகத் தெரியவில்லை. ராமன் பிறக்க யாகம் செய்ய வந்தாரே ரிஷ்யசிருங்கர் அவரும் நடுங்கவில்லை.. திரிலோக சஞ்சாரி நாரதரும் நடுங்கவில்லை.. விஷ்வாமித்ரரும் யாகத்திற்கு தசரத ராமனிடம் உதவி கேட்டாரே தவிர விஷ்ணுவை அவதரிக்கச் சொன்னதாக தெரியவில்லை.. ராமனும் காடுகளில் பலப்பல முனிவர்களை கண்டு வணங்கி வாழ்த்து பெற்றதாக அறிகிறோம். இவர்களெல்லாம் ராவணனால் தொல்லை செய்யப்பட்டனரா?
கேள்வி(05):-   முனிவர்களும் தேவர்களும் வாழ முடியாத ஓர் நாட்டை எப்படி சொர்க்க புரியாக ஏற்றுக் கொள்ள முடியும் ? 
மனிதர்கள் வாழ்ந்தாலே அது நாடு. முனிவர்கள் தேவர்கள் தேவையில்லை..

கேள்வி(06):-இராவணன் ஆரம்பித்து இன்று வரை அங்கே நிம்மதி இல்லை! ஆக ராவணன் ஆட்சி என்று நான் சொன்னதில் தவறேது இருக்கமுடியும்?

அது ராவணன் ஆரம்பித்த நிம்மதி சீர்குலைப்பு இல்லை. அனுமன் ஆரம்பித்தது.. இலங்கையை காத்த இலங்கிணியை கொன்றது அனுமன் தானே.. இலங்கையை அதன் பின் பலப்பல மன்னர்கள் ஆண்டிருக்கின்றனர். 

கேள்வி(07):-வெறும் பேச்சினால், அனுமன் கோபத்தைக் கிளறிவிட்டு ஊரையே எரித்த ஓர் உத்தமன் ஆண்ட நாடு எவ்விதமய்யா சொர்க்கம்? 

அசோகவனத்தை அழிக்கும் வானரத்தை அழிக்க நினைப்பது எப்படி கெட்ட செயலாகும்? அது ராவணன் தவறா என்றா சொல்கிறீர் விபீஷணன் தவறல்லவா? யார் வந்து நான் தூதனென்றால் தூதன் ஆகிவிடுவானா? தூதனைக் கொல்லாதே என்று விபீஷணன் சொல்லாவிட்டால் அனுமன் வாலில் தீவைத்திருப்பானா? ?
கேள்வி(08):-ஓர் தூதுவனை எப்படி நடத்த வேண்டுமென்பது கூட அறியாத ஓர் அரசன் நல்லவனா?

அனுமன் தூதுவன் என்று சொல்லிக் கொண்டான்.. ராமன் அரசன் அல்ல.. அரசபதவியை துறந்தவன்.. துறவிக்கு தூதன் ஏது? அயோத்தியின் அரசன் அப்போது செருப்பு.


கேள்வி(09):-முக்காலமும் உணர்ந்த விஷ்ணு, பிற்காலத்தில் இராவணன் கொடியவன் என்று அறிந்திருப்பான்.. அப்படியிருந்தும் ஓர் அவதாரம் எடுத்து இராவணனைக் கொல்ல நேரிடுகையில் எதன் அடிப்படையில் இராவணன் நல்லவனாகிறான்?

விஷ்ணு முக்காலமும் அறிந்தவரென்கிறீர்,.ராவணன் என்று கெட்டவன் அறிந்திருக்கிறான்.. அதனால்தான் அவதாரம் எடுத்து வதைக்கிறான் என்றீர்.. எய்யும் அம்பை நோவானேன்.. ராவணனைப் படைத்த பிரம்மாவையே ஒழித்து விடலாமே.. இல்லை இல்லை சனகாதி முனிவர்களின் சாபத்திற்கு ஜெய விஜயர்களுக்கு வழங்கப்பட்ட வரம் என்கிறீரா அப்போது நல்லவர்களுக்கு இன்னல் விளைக்கும் வரம் தந்த விஷ்ணுதானே குற்றவாளி.. ராவணன் எப்படி குற்றவாளி...

18 வருடங்களாக தேவாசுர யுத்தம் நடந்தது. அதில் தேவர்கள் பக்கமாக தசரதர் போரிட்டார். சம்பாசுரன் என்ற அசுரனை எதிர்த்துப் போரிட்டபொழுது தேரின் அச்சாணி ஒடிந்து விழ தசரதனின் தேர் நிலைதடுமாறியது. தசரதனுக்கு தேரோட்டிய கைகேயி தன் கைவிரலை அச்சாணியாய் கொடுக்க போரில் தசரதன் வெற்றிபெற்றார். கைகேயியைப் பொற்றி இரண்டு வரம் தர முன் வர கைகேயி அதை நேரம் வரும்போது வாங்கிக் கொள்கிறேன் என்கிறாள்..
  (கேள்விகள்  தொடரும்...)............THAMARAI,VENTHAN

இராவணன் நல்லவனா? -கேள்வி(01...03)



நல்லவன் கெட்டவன் என்று பாகுபடுத்தல் கடினமான வேலை.. அது ராமனாக இருந்தாலும் சரி ராவணனாக இருந்தாலும் சரி. எல்லோரும் பிறந்தனர் வாழ்ந்தனர்.. இறந்தனர்... அவ்வளவே!

கேள்வி(01):-   ஒரு நாட்டின் ராஜகுமாரியைத் தூக்கிக் கொண்டுவந்து சிறைபிடிக்கும் ஓர் அரசன் எங்ஙனம் அவன் நாட்டின் அழகிய பெண்களைப் பாதுகாப்பான்? 

ராவணனின் மகள் சீதை என்று ஒரு கதை உண்டு.. 

ராவணனுக்கு அவன் சீதையைக் கொண்டுவந்தபோது அவள் ஒரு காட்டுவாசி அவ்வளவே. ராஜகுமாரி அல்ல. அது ராஜகுமாரியை கடத்தியது என்று சொல்லமுடியாது. பெண்களைக் கவர்வது தவறு என்று அந்த காலத்தில் கருதப் பட்டதாக தெரியவில்லை. சுக்ரீவனின் மனைவியை வாலி கவர்ந்தான், மன்னர்கள் தாங்கள் வெற்றிப்பெற்ற நாடுகளில் இருந்து பெண்களை கவர்ந்து வந்தனர். ராமன் தங்க மானைப் பிடிக்கலாம். ராவணன் சீதையைப் பிடிக்கக் கூடாதா? மானும் கடவுள் படைத்த உயிரினம் தானே? ராமன் ஏன் அசுவமேத யாகம் செய்தான்? யாகக்குதிரையை கட்டிய சிறுவர்களுடன் ஏன் போரிட்டான்.. கௌரவம் அய்யா கௌரவம்.. அவ்வளவுதான்..


கேள்வி(02):-பாதுகாப்பில்லாத வாழ்க்கை நடத்திவரும் இளைஞிகளுக்கு மத்தியில் இராவணன் இலங்கையை எப்படி சொர்க்கபுரியாக ஆள முடியும்?

இலங்கையின் குடிமக்கள் பாதுகாப்பின்றி வாழவில்லை என்பது அபாண்டம். அனுமன் இலங்கைக்குள் நுழைய என்ன பாடுபட்டான் என்று தெரியுமல்லவா? ராவணன் பல தாரமுள்ளவனாக வாழவில்லை. அவன் குல வழக்கப்படியே வாழ்ந்தான்.. ஓரிரு முறை அவன் பிறபெண்களின் மேல் ஆசைப்பட்டிருக்கலாமே தவிர பெண்களுக்கு அவன் ஆட்சியில் பாதுகாப்பில்லை என்ற கருத்தை எப்பொழுதும் ஏற்றுக்கொள்ள முடியாது. அவனது குலமாந்தர் உலகைச் சுதந்திரமாய் சுற்றி வந்தனர்.. ஆண்களின் பின் அடுப்படிகளில் மறைந்து வாழவில்லை. 


கேள்வி(03):-சொர்க்கமாக ஆண்ட இராவணனை ஏன் கருணையின்றி இராமன் கொல்லவேண்டும்? மன்னித்து அரசை அவனுக்கே கொடுக்கலாமே?!! 

ராமன் ராவணன் மேல் போர்தொடுத்தது ஒரு கௌரவப் பிரச்சனை. அதில் யாரும் விட்டுக் கொடுத்திருக்க முடியாது.. யாராவது விட்டுக் கொடுத்தால்தானே இருவரும் உயிரோடு இருக்க.. போரில் தோல்வி யாருக்கும் இல்லை. யாரும் தன் கொள்கைகளை விட்டுக் கொடுக்கவில்லை. ராமன் ராவணனை கொன்றானா வென்றானா என்று வேண்டுமானால் பட்டிமன்றம் வைத்துக் கொள்ளலாம்.. ஒருவன் இறப்பதால் அவன் தோற்றான் என்று அர்த்தமில்லை.
-THAMARAI,VENTHAN
   (கேள்விகள்  தொடரும்...)

உங்கள் உடலின் உண்மைகள்

    human_body_370
  • குழந்தை பிறக்கும்பொழுது அதன் உடலில் 300 எலும்புகள் இருக்கும். ஆனால் வளர்ந்து பெரியவனானதும் மொத்தம் 206 எலும்புகளே இருக்கும்.
  • நமது உடல் எடையில் 14% எலும்புகளால் ஆனது.
  • நமது உடலில் உறுதியான எலும்பு தொடை எலும்பு, அது கான்கீரிட்டை விட வலிமையானது.
  • நமது உடல் எடையில் 7% இரத்தம் ஆகும். தினத்தோறும் 450 கேலன் இரத்தம் சிறுநீரகத்தால் சுத்தப்படுத்தப்படுகிறது.
  • human_body_370பெண்களுக்கு சராசரியாக 4.5 லிட்டர் இரத்தம், ஆண்களுக்கு சராசரியாக 5.6 லிட்டர் இரத்தம் இருக்கும். நமது உடலில் உள்ள இரத்த சிவப்பணுக்களின் ஆயுட்காலம் 120 நாட்கள், அதுபோல் ஒவ்வொறு நொடியில் சுமார் இரண்டு மில்லியன் இரத்த சிவப்பணுக்கள் நமது உடலில் இறக்கின்றன.
  • நமது உடலில் உள்ள இரத்த குழாய்களின் நீளம் சுமார் 60,000 மைல்கள். அதாவது இந்த தொலைவில் நாம் இரண்டு முறை உலகத்தை சுற்றி வந்துவிடலாம்.
  • நமது கண்களின் எடை சராசரியாக 28 கிராம்.
  • நமது கண்களுக்கு 500 விதமான ஒளிகளை பிரித்தெரியும் சக்தியுண்டு.
  • நமது கண்களில் உள்ள கருவிழி மட்டும் தான் இரத்த நாளம் இல்லாத உயிருள்ள திசு.
  • முதல் 8 வாரம் வரை குழந்தைகளின் கண்களில் கண்ணீர் வராது.
  • மனித இதயம் சராசரியான ஒரு வருடத்திற்கு 35 மில்லியன் முறை துடிக்கிறது.
  • ஒரு சராசரி வாழ்வில் இதயமானது 2.5 பில்லியன் முறை துடித்து 1 மில்லியன் பேரல் இரத்தத்தை இரத்த குழாயில் செலுத்துகிறது.
  • இதயத்தில் உள்ள இரத்த அழுத்தமானது, இரத்தத்தை 30 அடிவரை பீய்ச்சி அடிக்கும் சக்தி கொண்டது.
  • மனித மூளையில் சுமார் 100,000,000,000 (100 பில்லியன்) நரம்பு செல்கள் உள்ளன.
  • ஒரு மனிதன் 35 வயது அடைந்தது முதல் மூளையில் தினமும் 7000 நரம்பு செல்கள் இறக்கின்றன.
  • நாம் சுவாசிக்கும் மொத்த ஆக்ஸிஜனில் 20% மூளைக்கு செல்கிறது.
  • நமது மூளை 80% நீரால்  ஆனது.
  • நமது மூளையின் செயல்திறன் பகலைவிட இரவில் அதிகமாக இருக்கும்.
  • நமது உடலில் வேகமாக வளரக்கூடிய திசு முடிதான்.
  • மனித தலையில் சராசரியாக 100,000 தலைமுடிகள் இருக்கும்.
  • பெண்கள் கருத்தரிக்கும் பொழுது, கர்ப்பப்பையானது, அதன் சாதாரண நிலையை விட 500 முறை விரிவடைகிறது.
  • மனித உடலில் உள்ள கல்லீரானது 500 விதமான வேலைகளை செய்கிறது.
  • மனிதன் உயிரிழந்த பின்பு உறுப்புகள் செயல் இழக்கும் நேரம்:
     -கண்கள்              31 நிமிடங்கள்
      -மூளை               10 நிமிடங்கள்
      -கால்கள்              4 மணி நேரம்
-தசைகள்              5 நாட்கள்
          -இதயம்               சில நிமிடங்கள் 


இன்றைய நகைச்சுவைகள்

தந்தை: எக்ஸாம் ஹாலிலே தூங்கிட்டு வரேன்னு சொல்றியே, வெக்கமாயில்லை.
மகன்: நீங்கதானேப்பா கேள்விகளுக்கு விடை தெரியலைன்னு முழிச்சுட்டு இருக்காதேன்னு சொன்னீங்க.

ராமு : பொண்ணு கிளி மாதிரி இருப்பாள்னு தரகர் சொன்னதை நம்பி கல்யாணம் பண்ணிக்கிட்டேன்... 
சோமு : என்னாச்சு? 
ராமு : பேசியதையே திரும்பத் திரும்பப் பேசி கழுத்தை அறுக்கிறாளே

ராமு : கல்யாணமான புதுத் தம்பதியர் என்னென்ன கத்துக்கிறாங்க?
சோமு : புருசன் சமயல் பண்ண கத்துக்கிறான்.
ராமு : பொண்டாட்டி சண்டை போடக் கத்துக்கிறா.

சர்தார்: (தன் நண்பியிடம்) இரவுக்கு என் வீட்டுக்கு வா. யாரும் இருக்க மாட்டார்கள். 
( நண்பி அவ்வாறே சர்தாரின் விட்டுக்கு இரவு சென்றார். உண்மையில் யாருமே அங்கு இல்லை. சர்தார் உட்பட)

ராமு : குடி குடியை கெடுக்கும்ங்றது சரியா போச்சு 
சோமு : எப்படி? 
ராமு : எனக்கு கல்யாணம் ஆனதுமே என் மனைவி என்னை குடிக்கக் கூடாதுன்னு சொல்லிட்டா..

சோமு : அந்த பேஷண்ட் ரஜினி ரசிகர்ன்னு நினைக்கிறேன் 
ராமு : எப்படிச் சொல்றே? 
சோமு : நான் ஊசி போட்டதும் என் வலி தனி வலின்னு 

வேலு : உங்க இளமைக்கும் ஆரோக்கியத்திற்கும் என்ன காரணம்?
ஓட்டல் ஓனர் : நான் என் கடையில் சாப்பிடவே மாட்டேன் அதுதான்.

கோபு : அதிரடி மெகா சீரியல் எடுக்கிறீங்களா... என்ன தலைப்பு ?
பாபு : "முடியவே முடியாது".

மணமகன் : உங்கப்பா காய்கறி வியாபாரியா இருக்கலாம். அதுக்காக இப்படியா பண்றது ?
மணப்பெண் : ஏன் .. .. ? என்னாச்சு.. .. .. ?
மணமகன் : முதலிரவு அறையில் போய் பாரு .. .. பூச்சரத்துக்கு பதிலா புடலங்காயை தொங்க விட்டிருக்கார்

பாக்கி : என் மனைவியோடு ஹோட்டலுக்குச் சாப்பிடப் போனது தப்பாய் போச்சு.. .
ரமனன் : என்னாச்சு ?
பாக்கி : காசு கொடுக்காம என்னை மாவாட்டச் சொல்லிட்டு வந்துட்டா

மாணவன் 1 : நம்ம தமிழ் வாத்தியாரை யாரோ அடிச்சுட்டாங்களாமே?
மாணவன் 2 : யாரோ இங்கே தமிழாசிரியர் யாரு ன்னு இவரைக் கேட்டதுக்கு அடியேன் அடியேன்னு சொல்லியிருக்காரு.

குற்றவாளி : யுவர் ஆனர் .. .. 1000 குற்றவாளிகள் தப்பிக்கலாம் ஆனா ஒரு நிரபராதி தண்டிக்கப்படக்கூடாதுன்னு சட்டம் சொல்லுது .. ..
நீதிபதி : ஆமா .. ..
குற்றவாளி : அப்படித் தப்பிக்கற 1000 பேர்ல நானும் ஒருத்தனா இருந்துட்டுப் போறேன் .. ..

கோபு : ஒரு பையன் தன் தலைக்கடியில் டிக்ஸ்னரியை வச்சுகிட்டு தூங்குறான், ஏன்?ஏன்னா...
பாபு : அவனுக்கு அர்த்தமில்லாத கனவா வருதாம்..

டீச்சர்: உனக்கு பிடித்த விலங்கு எது?
ஹரி: பூனை டீச்சர்
டீச்சர்: ஏன்?
ஹரி:பூனை குறுக்க வந்தா பாட்டி என்னை ஸ்கூலுக்கு அனுப்ப மாட்டாங்க. அதான்!

கணவன்:உன்னைக் கட்டினதுக்குப் பதிலா ஒரு எருமை மாடைக் கட்டியிருக்கலாம்.
மனைவி:ஆனா...அதுக்கு எருமை மாடு சம்மதிக்கணுமே?

மனைவி:“ஏங்க.. நாளைக்கு நமக்கு பதினைந்தாவது வருட கல்யாண நாள். உங்களுக்கு நான் என்ன செஞ்சா பிடிக்கும்?”
கணவன்:“நாளைக்கு ஒரு நாளைக்காவது பேசாமல் மௌன விரதம் இருடி…
ஒரு நாளாவது உம் புண்ணியத்துல நிம்மதியாயிருக்கேன்”

பெண்: என் கணவர் யாருமே இல்லாதப்போ தானாவே சிரிச்சுக்கிட்டிருக்கிறார் டாக்டர்...!"
 டாக்டர்:"போகுது விடும்மா! நீ இல்லாத போதாவது தைரியமா சிரிச்சுட்டு போவட்டும்!"