உடல்நலம்: ஹார்ட் அட்டாக், கார்டியாக் அரெஸ்ட் - வேறுபாடு என்ன?

ஒரு காலத்தில் மாரடைப்பு ஏற்பட்டு இறப்பவர்களின் வயது விகிதம் பெரும்பாலும் 50 மேல் தான் இருந்தது. ஆனால் தற்போது 20 வயது ஆட்களுக்குக் கூட மிக சாதாரணமாக ஹார்ட் அட்டாக் என்று சொல்கிறார்கள். மாரடைப்பால் ஏற்படும் இறப்பு விகிதம் நாளுக்கு நாள் அதிகமாகிக் கொண்டே தான் போகிறது.

 

புகையிலை மெல்லுதல்:

ஆபத்தான இந்த புகையிலை இரத்த நாளத்தை சேதப்படுத்துகிறது, தமனியில் கொழுப்பு படிவதை அதிகரிக்கிறது, கொழுப்பை அதிகரிக்கிறது மற்றும் கட்டிகளை ஏற்படுத்துகிறது.

 

உணவு:

கொழுப்பு நிறைந்த உணவுகள் இருதய தாக்குதலின் அபாயத்தை அதிகரிக்கும். சீஸ், மற்றும் கேக்குகளில் உள்ள தீங்கிளைக்கும் பொருட்கள் மற்றும் ஃபாஸ்ட் ஃபுட் ஆகியவை இதயத்திற்கு நல்லதல்ல. இது அதிக அபவ் ழுப்புக்கு வழிவகுக்கிறது. அன்சாச்சுரேட்டட் கொழுப்புகள், பாலி அன்சாச்சுரேட்டட் கொழுப்புகள் மற்றும் மோனோ சாச்சுரேட்டட் கொழுப்புகள் இதயத்திற்கு நல்லது. ஆளி விதைகள், மீன் எண்ணெய்கள் மற்றும் காய்கறிகளில் இவை உள்ளன. அத்தியாவசிய கொழுப்பு அமிலங்கள் உடலுக்கு மிக முக்கியம். இவை மீன் எண்ணெய் மற்றும் நட்ஸ் வகைகளில் உள்ள ஒமேகா - 3 மற்றும் ஒமேகா - 6 ஆகியவற்றில் இருக்கின்றன. அதிக சோடியம் உணவு, உயர் இரத்த அழுத்த அபாயத்தை அதிகரிக்கிறது. பழங்கள் மற்றும் காய்கறிகள் போன்ற அதிக நார்ச்சத்துள்ள உணவுகளை ஒருவர் அதிகம் சாப்பிட வேண்டும்.

 

உடல் பருமன்:

இது இதய நோய்களுக்கான முக்கிய காரணங்களில் ஒன்றாகும். நம் உடல் உயரத்திற்கு ஏற்ற எடையைக் கண்டுபிடிக்க பாடி மாஸ் இன்டெக்சை (BMI) கணக்கிட வேண்டும். கிலோவில் உள்ள உங்கள் உடல் எடையை, மீட்டரில் உள்ள உங்கள் சதுர உயரத்தால் வகுப்பதன் மூலம் இது கணக்கிடப்படுகிறது. (kg/m2). இதய நோய்கள் மட்டுமின்றி பெரும்பாலான நோய்களுக்கு மிக அடிப்படையான காரணமாக இருப்பது இந்த உடல் பருமன் பிரச்சினை தான். உடல் பருமன் தான் நீரிழிவு தொடங்கி, இதய நோய்கள் வரை அத்தனைக்கும் அடிப்படையான காரணியாக அமைகின்றன. உடலில் தேங்கும் கொழுப்பு இதயத்தையும் விட்டு வைப்பதில்லை. இதய வால்வுகளில் கொழுப்பு படிந்து அது மாரடைப்புக்கு வழிவகுக்கிறது.

 

பரம்பரை காரணிகள்:

இருதய பிரச்சினைகள் மரபணு ரீதியாக உள்ளவை. அதிக கொழுப்பு அளவு, மரபணு ரீதியாகவும் கடத்தப்படுகிறது. டைப் - 2 நீரிழிவு மரபணு ரீதியாக கடத்தப்படுகிறது.

 

நீரிழிவு நோய்:

நீரிழிவு நோயாளிகள் இருதய அபாயங்களுக்கு எளிதாக ஆளாகிறார்கள். நீரிழிவு நோயாளிகளுக்கு உயர்இரத்த அழுத்தம் மற்றும் உயர் லிப்பிடுகள் போன்றவை இருக்கும். நீரிழிவு, இரத்த நாளங்களை சேதப்படுத்தி அவற்றை சிறியதாக்கிறது. இது உயர் இரத்த அழுத்தத்தை ஏற்படுத்தி கார்டியாக் அரஸ்ட் மற்றும் பக்கவாதத்திற்கு வழிவகுக்கிறது.

 

மன அழுத்தம்:

மனச்சோர்வு, மன அழுத்தம் மற்றும் பதட்டம் உள்ளவர்களுக்கு இருதய பிரச்சினைகள் உருவாகும் ஆபத்து அதிகம்.

 

இருதய நோய்களின் பல்வேறு வடிவங்கள்

இதய நோய் என்றாலே நமக்குத் தெரிந்ததெல்லாம் மாரடைப்பு மட்டும் தான். ஆனால் இதய நோய்களில் பல்வேறு வடிவங்கள் உண்டு. அது பற்றிய தெளிவான புரிதல் இருந்தாலே மிக எளிதாக இதய நோய்களை வென்றிட முடியும்.

 

மாரடைப்பு:

இதயத்தின் ஒரு பகுதிக்கு, இரத்த ஓட்டம் நிறுத்தப்படும் போது, இதயத்தின் அந்த பகுதி செயலிழக்கிறது.

 

கார்டியாக் அரஸ்ட்:

முழு இதயமும் துடிப்பதை நிறுத்தினால், அது கார்டியாக் அரஸ்ட்

 

ஒழுங்கற்ற இதய துடிப்பு:

அசாதாரண அல்லது ஒழுங்கற்ற இதய துடிப்பு, அரித்மியா என்று அழைக்கப்படுகிறது. இந்த நேரங்களில் இதயதுடிப்பு, சில சமயம் மெதுவாக அல்லது வேகமாகவோ இருக்கலாம்.

 

இதய வால்வு நோய்:

இதயத்தின் வால்வு சரியாக வேலை செய்யாது. இது மிட்ரல் வால்வு ப்ரோ லேப்ஸ்ட், ஆர்டிக் ஸ்டெனோசிஸ் மற்றும் மிட்ரல் வால்வு பற்றாக்குறை போன்றவற்றால் ஏற்படலாம்.

 

பிறவி இதய நோய்:

இது பிறப்பால் ஏற்படுவது. இதயத்தின் ஒன்று அல்லது அதற்கு மேற்பட்ட கட்டமைப்பில் குறைபாடுகள் இருக்கலாம்.

 

கார்டியோமயோபதி:

இவை இதய தசைகளின் நோய்கள். சில நேரங்களில் மக்களுக்கு இதயத்தை பெரிதாகும் ஆபத்து உள்ளன. இதயம் பெரியதாகவும், கடினமாகவும் மற்றும் அடர்த்தியானதாகவும் ஆகிவிடுகிறது. இது மரபணு அல்லது நீரிழிவு, உயர் இரத்த அழுத்தம், உடல் பருமன் அல்லது தொற்று போன்ற பல்வேறு காரணிகளாலும் ஏற்படலாம்.

 

ஹார்ட் அட்டாக் - கார்டியாக் அரஸ்ட் வேறுபாடு

 

ஹார்ட் அட்டாக்

இதயத்திற்கு ரத்த ஓட்டம் தடுக்கப்படும் போது இது நிகழ்கிறது. அடைப்புள்ள இரத்த தமனிகளின் காரணமாக இது நிகழ்கிறது. இது இரத்தம், இதயத்தின் ஒரு பகுதியை அடைவதைத் தடுக்கிறது. இதனால் இதயத்தின் அந்த பகுதி செயல்படுவதை நிறுத்துகிறது. இதய தசை இரத்த விநியோகத்தை இழந்து சேதமடைகிறது. வழக்கமாக, 45 வயது அல்லது அதற்கு மேற்பட்ட ஆண்கள் இதனால் பாதிக்கப்படுகிறார்கள். 55 வயதுக்கு மேற்பட்ட பெண்களும் பாதிக்கப்படுகிறார்கள்.

ஹார்ட் அட்டாக் என்பது இரத்த சுழற்சி பிரச்சினை. இதில் பாதிக்கப்பட்டவர் நபர் சுய நினைவாக இருப்பார்.

 

அறிகுறிகள்:

அழுத்தம் மற்றும் இறுக்கத்தின் உணர்வு, மார்பு மற்றும் கைகளில் வலி. கழுத்து, தாடை மற்றும் முதுகு வரை வலி பரவி, தலைச்சுற்றல், மூச்சுத் திணறல், அமைதியற்ற நிலை, இருமல், குளிர் வியர்வை, குமட்டல் மற்றும் வாந்தி போன்றவைகள் பொதுவாக வலி நிலையானது, ஆனால் மரணம் பற்றிய பயத்தில் வலி கூடி குறையும் உணர்வு ஏற்படலாம்.

 

சிகிச்சை:

மருந்துகள்: பீட்டா ப்ளாக்கர், ஆஸ்பிரின், ஸ்டேடின்கள் போன்ற மருந்துகள். ஆஞ்சியோபிளாஸ்டி: இது தமனியில் இருந்து எந்த உறைவையும் அகற்றுவதாகும். கரோனரி பைபாஸ் ஒட்டுதல் (CABG): இது இதய மாற்று சிகிச்சையை உள்ளடக்கியது. இதயம் பம்ப் செய்யத் தவறி அதனால், இதய செயலிழப்புக்கு வழிவகுத்தால் CPR மற்றும் டிஃபி பிரிலேஷனுக்கு செல்லுங்கள்.

 

கார்டியாக் அரஸ்ட் :

இதயம் அதன் செயல்பாட்டை நிறுத்தும்போது கார்டியாக் அரஸ்ட் ஏற்படுகிறது. இதயத்துடிப்பு நின்றுவிடுகிறது. இது ஆபத்தானது. மரணம் மற்றும் இயலாமைக்கு வழிவகுக்கும்.

 

கார்டியாக் அரஸ்டில் என்ன நடக்கிறது?

>இதய துடிப்பு இருக்காது

>சுவாசம் இருக்காது அல்லது சுவாசிப்பதில் சிரமம் இருக்கும்

>உணர்வு இழப்பு

>மயங்கி விழுந்து விடுவார்கள்

 

கார்டியாக் அரஸ்ட் ஏற்படும் முன்னர் எந்த அறிகுறிகளும் இருக்காது. மார்பு வலி, குமட்டல், வாந்தி, தலைச்சுற்றல் மற்றும் இதயத் துடிப்பு போன்ற மாரடைப்பின் பொதுவான அறிகுறிகள் இருக்கலாம். கார்டியாக் அரஸ்ட் என்பது பெரிய பிரச்சினை.

 

கார்டியாக் அரஸ்டுக்கான சிகிச்சை

Cardiopulmonary resuscitation (CPR)

இதற்கான உடனடி மற்றும் முக்கியமான சிகிச்சை CPR தான். ஒருவர் மயக்கமடைந்து இதயம் சுவாசிப்பதை நிறுத்தினால் இதுதான் பிரதான சிகிச்சை.

 

டிஃபிபிரிலேஷன்:

இது மின்சாரத்தை இதயத்திற்கு கொடுத்து சிகிச்சையளிக்கும் முறை. நோயாளி கார்டியாக் அரஸ்டிலிருந்து மத ண்டால், பின் மருந்துகள் மற்றும் அறுவை சிகிச்சை செய்ய வேண்டும்.

 

இதய நோய்களுக்கான ஆபத்தான காரணிகளைப் பற்றி மேலும் தெரிந்து கொள்ளுங்கள் மற்றும் உங்களை சோதித்துப் பாருங்கள்.

 

வெல்னஸ் C ப்ரோஃபைல் சோதனை -

உங்கள் இதயத்திற்கான எளிய சோதனை இது. இந்த சோதனை வெறும் லைஃப் ஆய்வகங்களில் செய்து கொள்ளலாம். ஆய்வகத்தில் ஹெல்த்ஸ்கிரீன் C ப்ரோஃபைல் செய்து உங்கள் இதய ஆரோக்கியத்தை உறுதி செய்து கொள்ளுங்கள்.

 

அடிக்கடி கேட்கப்படும் கேள்விகள்:

1.மாரடைப்பிற்குப் பிறகு மீண்டும் பணிக்கு செல்ல எவ்வளவு நாள் ஆகும்?

சிக்கலற்ற வழக்குகள், இரண்டு முதல் மூன்று நாட்களில் வேலைக்குத் திரும்புகின்றன. இந்த நேரத்தில் அவர்கள் காலை நடைப்பயணத்தையும் செய்யலாம். சிக்கலான மாரடைப்பு ஏற்பட்டால் பணிக்கு செல்ல ஒருமாதம் ஆகும். CABG செய்தால், பணிக்கு திரும்ப முறையான மறுவாழ்வு திட்டம் உள்ளது.

 

2.உங்கள் இதயத்தை எவ்வாறு ஆரோக்கியமாக வைத்திருக்க முடியும்?

சில விஷயங்களை கவனித்துக் கொள்ளுங்கள்: ஆரோக்கியமான உணவை உண்ணுங்கள். அதிக சோடியம் உணவு, அதிகப்படியான சர்க்கரை மற்றும் ஜன்க் உணவை அறவே தவிர்க்க வேண்டும். மன அழுத்தத்தைக் குறைத்து அதனை கட்டுக்குள் வைக்க முயற்சி செய்யுங்கள். யோகா, தை சி மற்றும் தியானம் செய்ய வேண்டும்.

 

தினமும் உடற்பயிற்சி செய்யுங்கள். வாரத்தில் குறைந்தது 5 நாட்களாவது நடைப்பயிற்சி செய்ய வேண்டும். உடல் வலிமைக்கு பயிற்சி செய்யுங்கள். சைக்கிள் ஓட்டுதல் மற்றும் க்ராஸ் பயிற்சிக்கு செல்லுங்கள். மது, புகைத்தல் மற்றும் புகையிலை ஆகியவற்றை விட்டு விடுங்கள். கொழுப்பின் அளவையும் இரத்த அழுத்தத்தையும் சரியாக பராமரியுங்கள்.

 

வழக்கமான மருத்துவ சோதனைகளுக்குச் செல்லுங்கள். உடல் எடையை பராமரிக்கவும்.

 

3. கார்டியாக் அரஸ்ட் எப்போதும் உயிருக்கு ஆபத்தானதா?

திடீர் இதய நிறுத்தம் காரணமாக கார்டியாக் அரஸ்ட் ஏற்படுகிறது. முறையாகவும் உடனடியாகவும் சிகிச்சையளிக்கப்படாவிட்டால் அது மரணத்திற்கு வழிவகுக்கும். கார்டியாக் அரஸ்டிற்கு பிறகு உயிர்வாழும்வாய்ப்புகள் மிகக் குறைவு. சில நேரங்களில், கார்டியாக் அரஸ்டிற்கு முன் மார்பு வலி, மூச்சுத் திணறல், குமட்டல் மற்றும் வாந்தி போன்ற அறிகுறிகள் ஏற்படுகின்றன. ஒருவர் இந்த அறிகுறிகளை தீவிரமாக எடுத்து உடனடியாக மருத்துவரை அணுக வேண்டும்.

 

ஆரோக்கியமற்ற உணவு, உடற்பயிற்சியின்மை, புகைபிடித்தல், குடிப்பழக்கம், நீரிழிவு நோய், உயர் இரத்தஅழுத்தம், உடல் பருமன் மற்றும் உயர் லிப்பிட் ப்ரோஃபைல் ஆகியவை தான் இதய அமைப்பை பாதிக்கும் பல்வேறு ஆபத்து காரணிகள். இதயத்தில் இரத்த சப்ளை இல்லாததால் மாரடைப்பு ஏற்படுகிறது. அடைப்பட்ட தமனி காரணமாக இது நிகழ்கிறது. இது ஒரு இரத்த சுழற்சி பிரச்சினை. இதயம் அதன் செயல்பாட்டைநிறுத்தும்போது கார்டியாக் அரஸ்ட் ஏற்படுகிறது. இது முக்கிய பிரச்சினை. இதில் பொதுவாக நோயாளி மயக்கமடைகிறார். இது உயிருக்கு ஆபத்தானதாக இருக்கலாம். சிகிச்சை நோயாளியின் உடல் நிலையை பொறுத்தது.


பழகத் தெரிய வேணும் – 55


திட்டம் போடுங்களேன்!

`அவசரக் கோலம் அள்ளித் தெளித்தாளாம்!’

எந்தமாதிரியான கோலம் போடுவது என்று யோசியாது, எதையோ செய்துவைப்போம் என்று செய்தால் இப்படித்தான் ஆகும்.

முன் திட்டமில்லாது, பேச்சாளரோ, பாடகரோ மேடையில் ஏறியபின் என்ன செய்வது என்று புரியாது விழித்துக்கொண்டிருந்தால் என்ன ஆகும்?

உரையாற்ற அழைத்து, நிர்வாகிகள் தலைப்பை அளித்துவிட்டால், உடனடியாக என்ன பேசுவது என்று தோன்ற ஆரம்பிக்கும். குறித்துக்கொள்ளாவிட்டால் மறக்கும் அபாயம் உண்டு.

நான் உரையாற்ற அவைக்குமுன் நின்று, சில வினாடிகள் சுற்றுமுற்றும் பார்ப்பேன்.

லேசான சிரிப்பு எழும்.

`என் பேச்சால் உங்களைக் கவரப்போகிறேன். மனம்விட்டுச் சிரிக்கப்போகிறீர்கள்!’ என்று அவர்களுக்கு மானசீகமாக ஒரு செய்தியை இப்படி அனுப்புகிறேன்.

எங்கோ படித்த இம்முறையை நான் கையாள, பத்து வினாடிகளுக்குள் அவையினர் எனக்குக் கட்டுப்படுவார்கள். சிரிப்பு தானாக எழும்.

நான் எப்போதோ படித்தது: “தினமும் ஒரே நேரத்தில் காகிதத்தை எதிரில் வைத்துக்கொண்டு, பேனாவைப் பிடியுங்கள். தானே கதை எழுதமுடியும்!”

இது எப்படி இருக்கிறது தெரியுமா? எங்கே போகவேண்டும் என்ற முன்யோசனை இல்லாது, கால்போன போக்கில் செல்வதுபோல்தான். எங்காவது கொண்டு விட்டுவிடும்.

ஒரு கதை எழுத ஆரம்பிக்குமுன் கருவை யோசித்தாலே போதும். அதன்பின், பாத்திரங்கள். இவற்றை வைத்து ஆரம்பித்தாலே போதும். முடிவு எழுத்தாளர் கையில் இல்லை. கதை தானே நகரும் — பாத்திரங்கள் சொல்லிக்கொடுப்பார்கள்.

தினசரி திட்டமிடு

 

::கதை::

ஒவ்வொரு நாளும் சமைக்க உனக்கு எத்தனை மணிநேரம் ஆகும்?” என்று என் சக ஆசிரியை கேட்டாள். அத்தனை வேலைப்பளுவிலும் என்னால் எப்படி எழுதவும் முடிகிறது என்று அவளுக்கு ஆச்சரியம்.

என் பதிலைக் கேட்டு, “என்ன சமைப்பது என்று யோசிக்க வேண்டாமா?” என்று கேட்டாள்.

வாங்கும்போதே நிச்சயித்துவிடுவேன், எந்தக் கறிகாயை எப்படி ஆக்குவது என்று”.

அதற்கே எனக்கு ஒரு மணி ஆகும்,” என்று பெருமூச்சு விட்டாள்.

என் பாட்டி முதல் நாள் இரவே சின்ன வெங்காயத்தின் இரு முனைகளிலும் நறுக்கி, தண்ணீரில் ஊற வைத்து விடுவார்கள். மறுநாள் சற்றே கசக்கினால் தோல் எளிதாக அகன்றுவிடும்.

`நல்ல வெயில் அடிக்கிறது! அப்பளம் இடவேண்டும்!’ என்று குடும்பத் தலைவிகள் திட்டமிடுவார்கள்.

பலரும் முன்யோசனை இல்லாது ஏதாவது செய்துவிட்டு, `இப்படிச் செய்திருக்கலாமே!’ என்று வருந்துவார்கள். மழைகாலத்தில் அப்பளம் இடத் திட்டம் போடுவதுபோல்தான்.

 

::கதை::

ஒருவர் நீண்ட காலம் குடிப்பழக்கத்திற்கு ஆளானவர். உடல்நிலை மிகக் கெட்டு, `இப்பழக்கத்தை அறவே ஒழிக்காவிட்டால் இறந்து போவீர்கள்!’ என்று மருத்துவர்கள் எச்சரிக்க, அதை விட்டார்.

உற்றவர்களிடமெல்லாம், “நான் குடிக்காமல் இருந்திருந்தால், ஐயாயிரம் வெள்ளியை மிச்சப்படுத்தி இருப்பேன்! ருசியான எந்த ஆகாரத்தைச் சாப்பிடவும் முடிவில்லை. மருந்தே உணவாகிவிட்டது. இப்படியாவது உயிர் வாழ வேண்டுமா?” என்று புலம்பினார்.

காலம் கடந்தபின் புத்தி வந்து என்ன பயன்?

செய்த தவற்றைத் திரும்பத் திரும்பச் செய்யாமல் இருக்கலாமே!

 

::கதை::

என் மாணவன் ஒருவன் உழைத்துப் படிப்பான். ஏனோ, பிறகு படிப்பில் மனம் போகவில்லை.

நான் அவனை விசாரித்தபோது, “எனக்கு நிறைய கெட்ட பழக்கங்கள், டீச்சர்,” என்று ஒப்புக்கொண்டான் — அலட்சியமாக.

தப்பு என்றுதான் உனக்குத் தெரிகிறதே! அவற்றை விடுவதுதானே!” என்றேன்.

எப்படி முடியும்? என் நண்பர்கள் எல்லாரும் விஷம்!” என்றான்.

குறுகிய காலத்தில் எப்படி உல்லாசமாகக் கழிக்கலாம் என்று நண்பர்கள் வழிகாட்டியதை ஏற்றான். அவர்கள் தன்னைக் கெடுக்கிறார்கள் என்று புரிந்தும், அவர்களிடமிருந்து விலக முடியவில்லை.

 

`நான் பெரிய ஆளாவேன்!’ என்று கனவு கண்டால் மட்டும் போதுமா? அதற்கான முயற்சிகள் வேண்டாமா?

 

ஆறு மணி நேரத்தில் ஒரு மரத்தை வெட்ட வேண்டுமானால், நான் முதல் ஒரு மணியைக் கோடரியைத் தீட்டுவதற்காகச் செலவழிப்பேன்!” என்று முன்னுக்கு வரும் வழியைக் காட்டுகிறார் மாஜி அமெரிக்க ஜனாதிபதி ஆப்ரஹாம் லிங்கன்.

 

பள்ளிப் பரீட்சைக்கு ஆயத்தம்

`சிறந்த கல்விக்கூடம்’ என்று பெயரெடுத்தவைகளில் ஒவ்வொரு வாரமும் முதல் வாரத்தில் நடந்த பாடங்களில் ஒரு சிறு பரீட்சை வைப்பார்கள். அதன்பின், மாதாந்திர பரீட்சை. நீண்ட விடுமுறைக்காலத்திற்குமுன் பெரிய பரீட்சைகள். அவைகளை எதிர்கொள்ள `படிப்புக்காக’ என்று ஒரு மாத விடுப்பு அளிப்பதும் உண்டு.

இல்லாவிட்டால், `இவ்வளவு பக்கங்களா! எப்படி படித்து முடிப்பது!’ என்று மலைப்பாக இருக்கும். ஓயாமல் படிக்க நேரிடும்போது, அவ்வப்போது வயிற்றையும் கொஞ்சம் கவனித்து, பழவகைகள் சாப்பிட்டால், உடல்சோர்வைத் தவிர்க்கலாம்.

அதிகாலையில் அவ்வளவாக கவனம் சிதறாது. ஆகையால், கணக்கு, விஞ்ஞானம் போன்றவற்றை அப்போது படித்தால் தெளிவாக விளங்கும். இவை இரண்டிலும் உள்ள கணக்குகளை எழுதிப் பழக வேண்டும். விஞ்ஞானப்பாடத்தில் வரும் படங்களையும் வரைந்து பழகவேண்டும்.

கால்மணி நேர ஓய்வுக்குப்பின், சரித்திரம், பூகோளம். இறுதியில் மொழி.

முதலிலேயே, ஒவ்வொரு பாடத்திலும் எங்கு ஆரம்பித்து, எதுவரை படிக்கவேண்டும் என்றெல்லாம் குறித்துவைத்துக்கொள்ள வேண்டும்.

வருட ஆரம்பத்திலேயே மாணவர்களுக்குத் தெரியப்படுத்திவிடுவதால், அவர்கள் தயாராக இருப்பார்கள். மாநிலங்களில் சில பள்ளி மாணவர்களே முதன்மையாக வரும் ரகசியம் இதுதான்.

இப்படியில்லாது, கடைசி நிமிடத்தில் டீ, காப்பி என்று மணிக்கொரு தடவை குடித்து, கண்விழித்துப் படித்தால் தலை கனத்துப்போகும். வயிற்றைப் புரட்டும். புத்தகம் படிப்பது என்பது வெறுக்கத்தக்க காரியம் என்ற மனப்பான்மை வந்துவிடும்.

 

செய்ய முடியாத காரியத்தை வீம்புக்காகச் செய்வதைவிட, திறமையும் ஆர்வமும் உள்ளவற்றில் ஈடுபடுவது மேல்.

 

::கதை::

ரூபாவுக்குப் பதினைந்து வயதாக இருந்தபோது, அவளுடைய ஆசிரியை வருந்திக் கூறினாள்: “நீ என் பாடத்தில் எப்படித் தேர்ச்சி பெறுவாய்? என் சதவிகிதம் உன்னால் குறைந்துவிடப்போகிறது!”

அந்த மாணவியின் கைகளில் ஐந்து வயதுக்குரிய ஆற்றல்தான் இருந்தன. படங்கள் வரைய முடியாது.

ஆனால், அவள் மொழிகளில் கெட்டிக்காரி.

இது புரிந்து, ரூபாவின் பெற்றோர் அவள் ஓர் அந்நிய மொழி கற்க ஏற்பாடு செய்தார்கள். அதற்காகக் கூடுதலாகச் செலவு. இருந்தாலும், அவளால் முடிந்த காரியத்தைச் செய்தபோது, மகிழ்வுடன் பெரும் வெற்றியும் கிடைத்தது.

 

பயணத் திட்டம்

எனக்கு வெளியூர் போகவே பிடிக்காது. போகுமுன் நிறைய சாமான்களை எடுத்துக்கொள்ள வேண்டும். திரும்பியபின், அவைகளை சுத்தப்படுத்தி ஒழித்துவைக்க இன்னும் வேலை!” என்று முகம் சுளித்தாள் என் சக ஆசிரியை.

என்னைப் பொறுத்தவரை, உல்லாசமாக ஓரிடத்திற்குப் போவதற்குமுன் அதற்கான திட்டங்கள் வகுப்பதுதான் மகிழ்ச்சி தரும் காரியம்.

குளிர் ஊரானால், அதற்குத் தகுந்த ஆடைகள் எடுத்துப்போக வேண்டும். வெளியூர் எங்கு போவதானாலும் தலைவலி, காய்ச்சல், வயிற்று உபாதைகள் எல்லாவற்றிற்கும் மருந்துகள். அவை தேவைப்படாது, திரும்பக் கொண்டுவந்திருக்கிறேன்.

அதனால் என்ன! மருந்துக் கடைகளைத் தேடிப் போகும் அசௌகரியத்தை தவிர்க்கலாமே!

புதிய இடங்களைச் சுற்றிப்பார்க்க முடியவில்லையே என்ற எரிச்சலும் எழாது.

வீடு திரும்பியதும், உடல் சோர்வாக இருந்தாலும், மனம் உற்சாகமாக இருக்கும். வழக்கம்போல் செய்யும் காரியங்களில் எப்போதும் ஏற்படும் அலுப்பு மறைந்திருக்கும்.

 

::-நிர்மலா ராகவன்-/-எழுத்தாளர், சமூக ஆர்வலர். மலேசியா.