ஆலங்கட்டி மழை என்றால் என்ன?[அறிவியல்]



மழை பெய்யும் போது சில வேளைகளில் மழைத்துளிகளோடு, ஐஸ் கட்டிகளும் விழுகின்றதே, ஏன்?:ஆங்கிலத்தில் ஹெயில் ஸ்ரோன் [hail stone]  என இந்த ஆலங்கட்டி மழையை அழைப்பார்கள். மழைத்துளிகள் ஈர நைப்பான மேக அடுக்குகளில் மேல் நோக்கி உந்தப்படும்போது, இப்படி ஆலங்கட்டிகளாக மாறுகின்றன.மழைத்துளிகளாக உருவாகி கீழே விழும் நிலையில் கீழே விழாமல் தொடர்ந்து, இவற்றை மேல் நோக்கித் தள்ளப்படும்போது, இத்துளிகளைச் சுற்றி புதிய ஈரம் (நைப்பு) மூடிக்கொள்ள இது கெட்டியாகி விடுகிறது.
பெரிய ஆலங்கட்டியை இரண்டாகப் பிளந்து ஆராய்ந்தால் பல அடுக்குகளைக் காணலாம். ஆலங்கட்டிகள் உருண்டையாகத்தான் இருக்கும். பனித்துகள் (ஸ்ரோஃப்ளேக்ஸ்) எப்போதும் அறுகோணப் படிகங்களாகக் காணப்படும். மாரிகாலத்தில் பனிமழை பெய்யும். ஆனால் ஆலங்கட்டி மழை வருஷத்தில் எந்தப் பருவத்திலும் பெய்யலாம்.
☃☃☃☃☃☃☃☃☃☃☃☃☃☃☃☃☃ படித்ததில் பிடித்தது ☃☃☃☃☃☃☃☃☃☃☃☃☃☃☃☃☃

சித்தர்கள் கூறிய (ஆன்மா + அகம் ) ஆன்மிக தெளிவு / பகுதி 02A


 ஆடம்பர வழிபாடு  

  
              ஆன்மீகம் என்ற போர்வையில்   இந்த ஆடம்பர வழிபாடு என்பது  பெரும்பாலும்  பணம், பொருள் வசதி உள்ளவர்களால்  கடைபிடிக்கப்படும்  பாதையாகும்.  இந்த ஆடம்பர வழிபாட்டின்   கர்த்தா யார் என்றால் மடாதிபதி, பீடாதிபதி, குரு, ஆச்சாரியார் என பெயர் வைத்துக்கொண்டு பணம் படைத்தவர்களை, செல்வந்தர்களை தமக்கு சீடராக வைத்துக் கொண்டு,அவர்களிடம் பணம், பொருள்,  சொத்தை ஏமாற்றி வாங்கி  தான் சுகமாக வாழும் எண்ணம் கொண்டவர்கள் .
               இவர்களாகவே ஒரு பெயர் வைத்துக்கொண்டு, அல்லது சித்தர்கள்,ரிஷிகளின் பெயரை சொல்லிக் கொண்டு, அல்லது முதலிருந்து பெயர்பெற்றவரின் அடுத்த அவதாரம் என்று கூறிக்கொண்டு அதற்கு  மடம், பீடம் என பெயர் வைத்துக்கொண்டு  தங்களை மிகவும் சக்தி உள்ளவர்கள் போல் உலகில் காட்டி கொள்வார்கள். அரசியல் தலைவர்கள் தனக்கு கீழ் தொண்டர்களை வைத்து கொள்வதுபோல் ,  இந்த போலி குருமார்கள் தனக்கு கீழ் சீடர்களை வைத்துக் கொண்டு,  நாடெங்கும்  மன்றங்களையும்,  கிளை மடங்களையும், அமைத்து கொண்டு,அங்கங்கே சின்ன சாமியார், பெரிய சாமியார், தலைமை சாமியார் என பதவிகளை நியமித்து,ஒரு தனி வழிபாட்டு வியாபாரம் செய்து வருபவர்கள்.

:அடுத்த பகுதி 2B  படிக்க →Theebam.com: சித்தர்கள் கூறிய (ஆன்மா + அகம் ) ஆன்மிக தெளிவு /2B   
  முதலிலிருந்து படிக்க Theebam.com: சித்தர்கள் கூறிய (ஆன்மா + அகம் ) ஆன்மிக தெளிவு / ...:01

விளைநிலம்



வியர்வை ஓடும் விளைநிலம்
விலையில்லா
உணவளிக்கும் உறைவிடம்
விவசாயி உள்ளவரை
காத்திருக்கும் விளைநிலம்
விட்டு கொடுக்க முடியாத
கற்பகம்
விழி மூடி மௌனமாய்
விலைகொடுத்து வாங்க வேண்டாமே!

உயிர்கள் உண்டாக
பெண்மைகள் இல்லை என்றால்
உனக்கும் அழகான உயிர்
கிடைத்துவிடுமா?
உணவு உண்டாக
விளைநிலம் இல்லையென்றால்
உன் வாழ்வும் நிலைத்துவிடுமா?

வீணான விதண்டா வாதம் மென
விலகியே போவீர்கள் எனில்
விரைவிலேயே வந்துவிடும் பட்டினி
இருளில்லா வாழ்வுக்காய்
இன்றே செயல்படுவோம்
ஓங்கியே உலகமெங்கும்
வறுமை நீங்கட்டும்!

🖎காலையடி,அகிலன் 






பங்காளி கிணறு விற்ற கதை:


கந்தன் என்பவர் சோமர் என்பவரிடம். இருவருக்கும் பொதுவாக இருந்த ஒரு கிணற்றை, பணம் கொடுத்து முறைப்படி எழுதி தனக்குச் சொந்தமாக வாங்கிக் கொண்டார்.

சோமருக்குக் கொஞ்சம் கவலைதான், கிணறு கைவிட்டுப் போனது. சோமர் ஒரு கபட புத்தி உள்ளவர். வீட்டுக்குச் சென்ற சோமர் கந்தனை தொலை பேசியில் அழைத்து,
" அடடா, நான் ஒன்றை உங்களுக்குச் சொல்ல மறந்து விட்டேன். நான் உங்களுக்கு விற்றது கிணற்றை மட்டும்தான்; உள்ளே உள்ள தண்ணீரை அல்ல! தண்ணீர் இன்னும் எனக்குத்தான் சொந்தம்" என்று போட்டார் ஒரு போடு.
கந்தன் "அப்படியா?"
"ஆமாம்"
"அப்போ?"
"நீங்கள் கிணற்றில் அள்ளி எடுக்கும் ஒவ்வொரு வாளி தண்ணீருக்கும் லிட்டருக்கு ஒரு ரூபாய் வீதம் எனக்கு தினசரி பணம் தர வேண்டி இருக்கும்"
"அப்போ சரிங்க. நான் தருகின்றேன். கிணற்றுக்குள் எவ்வளவு உங்கள் தண்ணீர் இருக்கின்றது என்று அளந்து சொல்லுங்க; பின்னர் குறைந்தால் நான் எடுத்தது என்று சொல்லப் படாது"
"நாளைக்குச் சொல்கின்றேன்"

சோமர் கிணற்றின் விட்டம்,ஆழம் எல்லாம் அளந்து கணக்குப் பார்த்து சரியாக எத்தனை லீட்டர் என்று கண்டு, கந்தனை நேரிலேயே போய் சந்தித்து,

"கந்தன், கிணற்றுக்குள் 22 538  லீட்டர் தண்ணீர் இருக்கிறது. நீங்கள் எப்பவும் அள்ளலாம், ஆனால் பணம் மட்டும் ...."
"சரிங்க, பிரச்சனையே இல்லை"
கந்தனுக்கு கிணற்றில் அள்ள, அள்ள நீர் ஊறி ஒரே மடடத்தில்தான் நிற்கும் என்பது தெரிந்த விடயம்.
சோமர் மனதுக்குள் தனது வெற்றியை நினைத்து சிரித்தபடியே,
"நல்லது, சந்திப்போம்"

சோமர் போக வெளிக்கிடவேகந்தன்,
"கொஞ்சம் பொறுங்க சோமர்"
"என்ன விடயம்?"
"கிணற்றுக்குள் இருப்பது முழுவதுமே உங்கள் தண்ணீர் தானே?"
"ஆமாம், அதில் என்ன சந்தேகம்?"
" 22 538  லீட்டரும் உங்களுடையது?"
"ஆம்"
"கிணறு மட்டும்தான் என்னுடையது?"
"ஆமாம், அதுதான் முடிவாகி விட்டதே!
"அப்படி என்றால், எனது கிணற்றில் உங்கள் தண்ணீரை நான் வைத்துப் பாதுகாப்பதற்கு நீங்கள் எனக்கு நாளாந்தம் வாடகை தர வேண்டும்"
"என்னா ... "
"ஒரு லிட்டருக்கு 10 சதம் படி ஒவ்வொரு நாளும் 2254 ரூபா தர வேண்டும்"
"கந்தன்..."
"உங்களுக்கு வாடகைப் பணம் தர இஷ்டம் இல்லை என்றால் ஒரு சொட்டு நீரும் இல்லாமல் கிணற்றில் இருந்து அப்புறப் படுத்தி எடுத்துச் செல்லலாம்"
"கந்தன்........!"
"அத்தோடு தண்ணீர் எடுக்க பம்ப், பைப்புகள் போட்டு எனது கிணற்றைப் பாவிக்க மேலதிக கட்டணமும் உண்டு!"

சோமர் ஆளை விடடால் போதும் என்று ஓட, ஓட , கந்தன்,
"சோமர், இறைத்த பின்னர் புதிதாய் ஊறி வரும் தண்ணீரும் உங்களுடையது தான், உங்களுடையதே தான்! கொஞ்சம் நில்லுங்க..!"


(கோரா-quora-வில் இருந்து எடுத்து மெருகூட்டப்பட்டது.)
கூட்டல் : செல்வதுரை, சந்திரகாசன் 



இஞ்சி யின் பல பயன்கள்


இஞ்சி

இஞ்சியில் உள்ள மருத்துவத் தன்மைகள் இரத்தக் குழாய்களில் நேரிடும் இரத்த உறைவு காரணமாக வரும் மாரடைப்பைத் தடுப்பதாகக் கண்டு பிடித்துள்ளனர்.

இஞ்சி, வெள்ளை வெங்காயம் இரண்டும் ஒரு அவுன்ஸ், தேன் அரை அவுன்ஸ் ஒன்றாகக் கலந்து கொண்டு ஓயாத வாந்தி, குமட்டல், பித்த மயக்கமும் வாந்தியும் வரும்போது அரைஅவுன்ஸ் வீதம் கொடுத்துவர நீங்கும். இந்த முறையில் வெள்ளை வெங்காயத்தை நீக்கிவிட்டு அதற்குப் பதில் மாதுளம் பழரசம் சேர்த்துக் கொடுத்துவர இருமல், இரைப்பு (ஆஸ்துமா) சாந்தியாகும்.

இஞ்சியை சுத்தம் செய்து மேல்தோல் žவிப்போட்டு சிறு துண்டுகளாக நறுக்கி 150 கிராம் எடுத்து ஒரு வாயகன்ற கண்ணாடி ஜாடியில் போட்டு சுத்தமான தேனும் 150 கிராம் விட்டு நான்கு நாள் கழித்துத் தினம் காலையில் வெறும் வயிற்றில் ஒரிரண்டு துண்டுகள் தொடர்ந்து 1 மண்டலம் சாப்பிட வேண்டும். இப்படி சாப்பிட்டால் உடல் ஆரோக்கியமாகி, பித்தம் சாந்தப்பட்டுவிடும். ஆயுள் பெருகும். முகப்பொலிவும் அழகும் உண்டாகும். மனதிடம், நெஞ்சு உரம் பெறும். வேம்பு காயகல்பம் போன்று இதுவும் ஒரு காயகல்பமுறையே!
இஞ்சி முறபா:மலபார் இஞ்சி முறபா பெயர் பெற்றது.இஞ்சியைப் பக்குவம் செய்து சர்க்கரைப் பாகுடன் பதப்படுத்த தயாரிப்பது. இது நாட்டு மருந்துக் கடைகளிலும் கிடைக்கும். இதனால் வயிற்று உப்புசம், புளியேப்பம், வாந்தி, குடல் கோளாறு, கப நோயால் மார்பில் சளி சேர்ந்து இரைப்பு நோய் தொல்லை வரும்போது மிக்க பயன் தரும். இஞ்சி முறபா தின்பதற்கும் ருசியாக இருக்கும்.

ஆஸ்துமா இருமலுக்கு:இஞ்சி 15 கிராம், வெள்ளெருக்கன் பூ 5, மிளகு 10 இவைகளை நசுக்கி இரண்டு குவளை நீர்விட்டுக் காய்ச்சி ஒரு குவளையாக சுண்ட வைத்து வேளை ஒன்றுக்கு அரை குவளையாக குடித்துவர சுவாசகாசம், இரைப்பு, சுவாச இருமலுக்கும், சளி நுரையீரல் அடைத்து வெளியேறாமல் தொல்லை கொடுக்கும்போதும் இந்தக் கஷாயத்தை காலை மாலை நோய் தீரும் வரை கொடுக்கலாம். (இதில் பூ மூன்றும் மிளகு 10 மட்டும்தான்; எடைகணக்கல்ல)

இஞ்சி கஷாயம் கால் டம்ளர் 20 கிராம் கற்கண்டு தூள் செய்து சேர்த்து அதனுடன் ஒரு எலுமிச்சம்பழம் ரசம் பிழிந்து அரைக்கால் படி பசும்பாலில் கலந்து காலையில் சாப்பிட்டு வர பித்த ரோகங்கள், பித்த சம்பந்தப்பட்ட வாயு, பித்த சம்பந்தப்பட்ட கப நோய்கள் யாவும் விலகிப்போகும். அத்துடன் டயாபடீஸ் என்ற நீரிழிவு சர்க்கரை மூலம் கழிவதை தடுத்து நிறுத்தி, களைப்பு, அதிக பசி, தாகம், வறட்சி, அடிக்கடி சிறுநீர் போவதும் நிற்கும். எரிகுன்மம் ஆஸ்துமா, இளைப்பு, மயக்கம், இருமல் வாய்வு குடைச்சல், வலிகள் நீங்கும் சந்தேகமில்லை.

2. இஞ்சி துவையல், பச்சடி வைத்து சாப்பிட மலச்சிக்கல், களைப்பு, மார்பு வலி தீரும்.

3. இஞ்சியை சுட்டு உடம்பில் தோய்த்து சாப்பிட பித்த, கப நோய்கள் தீரும்.

4. இஞ்சி சாறில், வெல்லம் கலந்து சாப்பிட வாதக் கோளாறு நீங்கி பலம் ஏற்படும்.

5. இஞ்சியை புதினாவோடு சேர்த்து துவையலாக்கி சாப்பிட பித்தம், அஜீர ணம், வாய் நாற்றம் தீரும். சுறு சுறுப்பு ஏற்படும்.

6. இஞ்சியை, துவையலாக்கி சாப்பிட வயிற்று உப்புசம் இரைச்சல் தீரும்.

7. காலையில் இஞ்சி சாறில், உப்பு கலந்து மூன்று நாட்கள் சாப்பிட பித்த தலைச்சுற்று, மலச்சிக்கல் தீரும். உடம்பு இளமை பெறும்.

8. பத்துகிராம் இஞ்சி, பூண்டு இரண்டையும் அரைத்து, ஒருகப் வெந்நீரில் கலந்து காலை, மாலை இரண்டு நாட்கள் சாப்பிட மார்பு வலி தீரும்.

9. இஞ்சி சாறோடு, தேன் கலந்து சூடாக்கி காலையில் வெறும் வயிற்றில் ஒரு கரண்டி வீதம் சாப்பிட்டு வெந்நீர் குடித்துவர தொந்தி கரைந்து விடும்.

10. இஞ்சி சாறில், எலுமிச்சை சாறு கலந்து சாப்பிட நல்ல பசி ஏற்படும்.

11. இஞ்சி, மிளகு, இரண்டையும் அரைத்து சாப்பிட ஜீரணம் ஏற்படும்.

12. இஞ்சியை வதக்கி, தேன் விட்டு கிளறி, நீர் விட்டு, கொதிக்க வைத்து நீரை காலை, மாலை குடித்துவர வயிற்றுப் போக்கு தீரும்.

13. இஞ்சியை அரைத்து நீரில் கலந்து தெளிந்தபின், நீரை எடுத்து, துளசி இலை சாறை சேர்த்து ஒரு கரண்டி வீதம் ஒரு வாரம் சாப்பிட வாய்வுத் தொல்லை நீங்கும்.

14. இஞ்சி சாறில், தேன் கலந்து தினசரி காலை ஒரு கரண்டி சாப்பிட்டு வர நோய் தடுப்பு திறன் கூடும். உற்சாகம் ஏற்படும். இளமை பெருகும்.

15. இஞ்சி சாறுடன், வெங்காய சாறு கலந்து ஒரு வாரம், காலையில் ஒரு கரண்டி வீதம் குடித்துவர நீரிழிவு குறையும்.

16. இஞ்சி சாறு, எலுமிச்சை சாறு, வெங்காய சாறு மூன்றையும் கலந்து ஒருவேளை அரை அவுன்ஸ் வீதம் சாப்பிட்டுவர ஆரம்ப கால ஆஸ்துமா, இரைப்பு, இருமல் குணமாகும்.
தொகுப்பு:செல்லத்துரை,மனுவேந்தன் 
TAGS : இஞ்சி ஆஸ்துமா இருமல் நீரிழிவு உற்சாகம் வயிற்றுப்போக்கு ஜீரணம் வலி உப்புசம் வாதக்கோளாறு மயக்கம் இருமல் சளி மாரடைப்பு Ginger asthma cough diabetes enthusiasm diarrhea

சித்தர்கள் கூறிய (ஆன்மா + அகம் ) ஆன்மிக தெளிவு / பகுதி 01



  ஆன்மீகம் என்றால் என்ன ? 

         
இன்றைய  மக்கள்  இடையே  ஆன்மீகம்  என்பது கடவுள் வழிபாடு          செய்வதே ஆன்மீகம், என்று கருதப்படுகிறது.. ஆனால் தமிழ் சித்தர்கள் தாங்கள் கூறிய  சித்தாந்த நெறிப்படி "ஆன்மீகம்"  என்பதற்கு மிக தெளிவாக கூறியுள்ள  கருத்துகளை பற்றி அறிவோம்.

           ஆன்மா+அகம் என்பதே ஆன்மீகம் எனப்படும். ஒவ்வொரு மனிதனும், தன் அகத்தின் உள்ளே மறைந்து செயல்படும் ஆன்மாவை அறிதலே
ஆன்மீகம், அல்லது தன்னையறிதல், ஞான நிலையை அடைவது என தெளிவாக கூறி உள்ளார்கள்.

            இன்றைய மக்கள்  இடையே ஆன்மீகம் என்பது  கோயில்,குளம்,  தேர், திருவிழா, பூஜை, மந்திரம், ஹோமம், யாகம், நேர்த்தி, காவடி,   போன்றவற்றை  செய்வது, கடவுள் சம்பந்தமான புராண, இதிகாச கதைகளை படிப்பது, மந்திர உபன்யாசம் கேட்பது, யாராவது ஒருவரை குருவாக ஏற்றுக் கொண்டு, அவர் கூறும் ஒரு வாசகத்தை பாராயணம் செய்வது, போன்று இன்னும்  பலவித  சடங்கு, சம்பிராதய செயல்களை செய்து கொண்டு, இதனை ஆன்மீகம் என்று கூறித் தம்மை த் தாமே ஏமாற்றிக்  கொள்கிறார்கள்.

            இன்னும் சில மக்கள் ஜோதிடம் என்ற பெயரிலும், அருள்வாக்கு என்றும், சித்தர்வாக்கு, ரிஷிகள் வாக்கு எனக்  கூறிக் கொண்டு திரியும்  போலி நபர்கள் பேச்சைக் கேட்டு பரிகாரம், விரதம், புண்ணிய யாத்திரை செய்து இதனை ஆன்மீகம் என்று கூறி வாழ்வினை விரையம் செய்கிறார்கள்.. இந்த வகையில்  ஆன்மீகம் என்ற பெயரில்  பணம் படைத்தவர்களுக்கு ஒரு வகை, பணம்  இல்லாதவர்களுக்கு ஒரு வகை,    ஒவ்வொரு சாதிக்கும் ஒரு வகை, ஒவ்வொரு மதத்திற்கும் ஒரு வகை  என பல பிரிவுகளை கொண்டு மக்களிடையே காணப்படுகின்றது.

     இவர்களின்  வழிபாடு  பல வகைகளாக உள்ளன அவை :

         1. ஆடம்பர வழிபாடு
         2. அலங்கார வழிபாடு
         3. அலங்கோல வழிபாடு
         4. அமங்கல வழிபாடு
         5. அவலட்சண வழிபாடு

    என இது போன்று இன்னும் பல வகைகள் உண்டு.
-அடுத்த  பகுதி 02A  இனைப் படிக்க → Theebam.com: சித்தர்கள் கூறிய (ஆன்மா + அகம் ) ஆன்மிக தெளிவு / ...: 2A