ஒளிர்வு-(10)

சிந்தனை ஒளி:
 பிறந்ததும் அழும் மனிதன்,இறந்ததும் பிறரை அழ வைக்கிறான்.ஒருவர் இறந்தபின் சூடப்படும் புகழ்மாலைகள் மறைந்தவரை கெளரவப்படுத்துவது மட்டுமல்ல,வாழ்வோருக்கும்,எடுத்துச்சொல்லப்படும்  நல்வழிகளுமாகும்மறைந்தவர் ஒருவர், இவர்  இப்படி வாழ்ந்தார் என்று புகழ்ந்து பேசுவது முக்கியமல்ல.நாம் எப்படி வாழப் போகிறோம் என்பதுதான் முக்கியம்.       

நீங்களும் சிரிக்கலாம்:


மிக சமீபத்தில் எனக்கு வந்த ஒரு மின் அஞ்சலை படிக்கும்போதே சிரிப்பூட்டியது . அந்த மின் அஞ்சல் உங்களுக்காகவும்...!

கணவன்: என்னம்மா இத்தன தொட்டுக்க இருக்கும்போது இப்ப போய் சின்ன வெங்காயம் வெட்டி ஆம்லெட் போட்டுகிட்டு இருக்க வாம்மா வந்து உட்கார்.எவ்ளோதான் நீ செய்வே, வா சேர்ந்து சாப்பிடலாம்!
மனைவி: இருங்க உங்களுக்கு தொட்டுக்க ஆம்லெட் இல்லாம ஒழுங்கா சாப்பிட மாட்டீங்க.அதுவும் சின்ன வெங்காயத்த வெட்டி போட்டாதான் டேஸ்ட் சூப்பரா இருக்கும்னு சொல்லுவீங்க அதுக்குதான்.
இப்படி சொன்னா கல்யாணமாகி ஆறுமாதம் என்று அர்த்தம்.

கணவன்: என்னம்மா இன்னைக்கு ஸ்பெஷல்?
மனைவி: சாம்பார், பெரிய வெங்காயம் போட்டு, ஆம்லெட் தொட்டுக்க
கணவன்: அவ்ளோதானா?
மனைவி: முடியலைங்க!
இது ஒரு வருடம் ஆன ஜோடிங்க!

கணவன்: என்னம்மா.சாப்பிடலாமா?
மனைவி: இருங்க இந்த சீரியல் முடியட்டும்.என்னங்க கொஞ்சம்
பெரிய வெங்காயம் உரிச்சு தாங்களேன் ஆம்லெட் போட்டுடறேன்!
இது ஒன்றரை வருடம் ஆன ஜோடிங்க!

கணவன்: என்னம்மா இது வெங்காயமே இல்லாம ஆம்லெட் போட்டிருக்கே.
எனக்கு பிடிக்காதுன்னு உனக்கு தெரியும்லே?
மனைவி: ஒரு நாளைக்கு இதை சாப்பிட்டாதான் என்ன? எல்லாத்தையும் நானே செய்யணுமா?
இது இரண்டு வருடம் ஆன ஜோடிங்க!

கணவன்: என்னம்மா இது இத்துனூன்டு இருக்கு.
முட்டையைக் கலக்கக் கூட இல்லை அப்படியே ஃபுல் பாயிலா போட்டிருக்க?
மனைவி: முட்டை என்ன நானா போடுறேன்? கோழி போட்டது சின்னதா இருக்கு, அதுக்கு நான் என்னசெய்ய? சும்மா குறை சொல்லிகிட்டு இருக்காம தொட்டுகிட்டு சாப்பிடுங்க!
இது மூன்று வருடம் ஆன ஜோடிங்க!

கணவன்: என்ன இது ஆஃபாயில் போட்டிருக்க.நான் இத சாப்பிடவே மாட்டேன்னு தெரியும்ல?
மனைவி: ஒரு நாள் தின்னா ஒன்னும் குறைஞ்சு போயிடாது.
ஊருல இல்லாத அதிசய புருஷன் எனக்குன்னு வந்து வாய்ச்சிருக்கு!
இது நான்கு-ஐந்து வருடம் ஆன ஜோடிங்க!

கணவன்: என்னம்மா இன்னைக்கு ஒண்ணும் செய்யலையா?
மனைவி: சாதம் வைத்து இருக்கேன், ஃப்ரிட்ஜில் நேற்று வாங்கிய மோர் இருக்கு,
முட்டையும் இருக்கு ஆம்லெட் போட்டு சாப்பிடுங்க!
இது ஏழு வருடம் ஆன ஜோடிங்க!

கணவன்: என்னம்மா இன்னைக்கு என்ன சமையல் செய்யனும்?
மனைவி: அதையும் நான்தான் சொல்லனுமா?
எனக்கு என்ன பிடிக்கும்னு தெரியாதா? அதை செய்யுங்க!
இது பத்து வருடத்துக்கு மேற்பட்ட ஜோடிங்க!

                             -m.பாஸ்கர் அவர்களுக்கு நன்றி 


கேலிச்சித்திரம்:


சினிமா:- கடந்த 30 நாட்களில் வெளிவந்த திரைப்படங்கள்


2011-08-07 போட்டா போட்டி
நடிகர்கள்:  சடகோபன் ரமேஷ், ஹரிணி,
கதை: கிராமத்து பாவாடை தாவணி நாயகிக்காக முறைப்பையன்கள் இருவரும் மோதிக்கொள்வதே கதை.  
கருத்து: கொமெடியான திரைக்கதையில் அலுப்பு தட்டாமல் படத்தை கொண்டு சென்றுள்ளார்கள்    
புள்ளிகள்:50
2011-07-30 வெப்பம்
நடிகர்கள்: நானி, கார்த்திக், நித்யா மேனன்.
கதை: வழக்கமான அன்டர் கிரவுண்ட் தாதாக்களின் கதைதான். அதில் ஒரு அப்பா-பிள்ளைகளின் மோதலையும், அண்ணன்-தம்பி பாசத்தையும், நல்ல நட்பையும், நம்பும் படியான காதலையும் கொண்ட கதை.
கருத்து: வெப்பம் ரசிகர்களுக்குச் சூடு.
புள்ளிகள்:40
2011-07-26 காஞ்சனா முனி - 2
நடிகர்கள்: லாரன்ஸ், லட்சுமிராய்,கோவை சரளா,சரத்குமார்.
கதை: ஏற்கனவே வந்த முனி திரைப்படத்தின் தொடர் கதையே இது.
கருத்து: திகில் பட ரசிகர்களுக்கு மட்டுமின்றி தைரியமான குழந்தைகள் வரை ரசிக்கும் படியான படத்தை கொடுத்திருக்கிறார் ராகவா லாரன்ஸ்.
புள்ளிகள்:55
2011-07-23 வேங்கை
நடிகர்கள்:  தனுஷ், தமன்னா,பிரகாஷ்ராஜ், லிவிங்ஸ்டன்,
கதை: மீண்டும் ஒரு வழமையான காதல் கதை.
கருத்து: அடி,தடி,கத்தி அட்டகாசம் தாங்க முடியலை.
புள்ளிகள்:30
2011-07-17 தெய்வத்திருமகள்
நடிகர்கள்:  விக்ரம், அனுஷ்கா, சந்தானம்,  பாஸ்கர், நாசர்.
கதை: மனவளர்ச்சி குன்றியவர் குழந்தையை வளர்க்க முடியாது என்று சொல்லும் சட்டத்திற்கு இடையே விக்ரமின் தந்தை பாசம் எப்படி வெற்றி பெறுகிறது என்பதை கூறும் கதை.
கருத்து: ஆறு வயதிற்கு மேற்பட்ட பிள்ளைகள் பார்க்க வேண்டிய நல்லதொரு பொழுது போக்குச்சித்திரம்.
புள்ளிகள்:60