தமிழ் மொழி இறவாது இருக்க...


.
நான் அறிஞனும் இல்லை. மொழி வல்லுஞனும் இல்லை. என்றாலும், நாளாந்தம் மனதில் தோன்றும் தமிழ் மொழி பற்றிய சில விவரங்களைச் சொல்லிக் கொட்டலாம் என்று விழைந்தேன்.

தமிழ் எழுத்துகளுக்கு மேலும் பல சீர்திருத்தங்கள் செய்யவேண்டி இருந்தும் அதைச் செய்யாது, கல் தோன்றி மண் தோன்றாக் காலத்து மூத்த மொழியாம் தமிழ் என்றும், முச்சங்கம் வளர்த்த பெருமை நிறைந்த தமிழ் என்றும் கூறிக்கொண்டு, பெருகி வரும் புதிய சொற்பதங்களின் தேவைகளை நிறைவு செய்யமுடியாமல், எழுத்து முறைகளை அப்படியே பிடித்து வைத்துக் கொண்டு இருக்கிறார்கள்.

தமிழ்! எது தமிழ்? மாற்றப்படாது என்று அடம்பிடித்து வைக்கப்பட்டிருக்கும் தமிழ் எழுத்துகள் என்றால் என்ன? இவைகள் என்ன சங்க காலம் தொட்டு இன்று வரை மாற்றப்படாது பேணிப் பாதுகாத்துக்கொண்டா வந்திருக்கிறார்கள்? இல்லை!


நமது முதன்மையான 'தமிழ்' தெய்வப்புதல்வர், 'தமிழில்' ஓலையில் எழுதிய   குறளின் அசல் வடிவத்தைப் பாருங்கள்:
 

இது வேறொரு மொழியல்ல! பழைய தமிழ்! விளங்கியதா? அதாவது

அன்று அப்போதைய தமிழில்  எழுதியதை நாம் இப்போதைய தமிழ் எழுத்தில் (மொழிபெயர்த்து) எழுகிறோம்.


2000 வருடங்களுக்கு முன்னர் தமிழ் எழுத்துகளின் வடிவம் இதுதான். இவை தமிழ் பிராமி எழுத்துகள். காலம் செல்லச் செல்ல, இவை உருமாறி, பெருத்து, வட்டெழுத்து வடிவத்தினை எடுத்தன. பின்வரும் அட்டவணைகளில், என்னமாதிரி உயிர் எழுத்துகளும், குற்றெழுத்துகளும் 2 நூற்றாண்டு காலமாக வடிவம் மாறிக்கொண்டு வந்திருக்கின்றன என்று பாருங்கள்:
 


 
ஆகவே, பல புதிய தொழில்நுட்ப, வேற்றுமொழி சொற்களைத் தமிழில் இலகுவாக எழுதுவதற்கும், தட்டச்சில் விரைவாகத் தட்டுவதற்கும் மாற்றங்கள் பல நம் தமிழ் எழுத்துகளுக்குச் செய்யப்பட வேண்டும்.

1 . எழுத்தின் அளவு சிறிதாக்கப் படவேண்டும். (அடிதான் விழும்). ஒரே விடயத்தை தமிழில் எழுதிப் பிறமொழிகளிலும் எழுதிவிட்டுப் பார்த்தால் தமிழுக்கு எப்போதும் கூடிய இடம் தேவைப்படுவது தெரிய வரும். பழைய பிராமி எழுத்துகளே பரவாய் இல்லை.

2 . 'னா' 'னை' சீர்திருத்தம் செய்யப்பட்டது போல ஈகார, ஊகார சார் உயிர்மெய் எழுத்தெல்லாம் ஒரேமாதிரியான விசிறி, சுழியினையே பாவிக்க வேண்டும்.

3 . அரவுக்குப் பதில் ஒரு சின்னப் புள்ளி, குறில் எழுத்துடன் சேர்க்கப்பட வேண்டும்.

4 . தமிழில் இல்லாத b , f , g , h , sh , z ஒலிகளுக்குப் புதிய எழுத்துகள் வேண்டும். தமிழில் இருந்து உருவான பிறமொழிகளில் இன்னும் பலவிதமான ஒலிகளுக்கு எழுத்துகள் உள்ளன. தமிழில் உள்ள , , , போன்ற எழுத்துகளுக்கே ஒரு சில குறியை இணைப்பதன்மூலம் இந்தப் புதிய ஒலிகளை உண்டாக்கலாம்.

5 . குற்றெழுத்துகள், முதலெழுத்தாக வராத எழுத்தகள், வழங்காத எழுத்துகள்(ஞூ, ஙி  போன்றவை) எல்லாமே சொற்களின் முதலில் வரலாம்.

2700 ஆண்டுகளுக்கு முன்பிருந்த தொல்காப்பியருக்குத் தற்போதைய மொழிவளர்ச்சித் தேவைபற்றித் தெரிந்திருக்க நியாயமில்லை. பிராமி எழுத்து வடிவத்திலிருந்து தமிழ் மட்டுமல்ல, பல தென்னாசிய மொழிகளும் அதிலிருந்துதான் தோன்றி முற்றிலும் புதிய ஒருமொழியாக் உருவாகவில்லையா?


ஆகவே தமிழ் இறவாது இருக்கப் பல சீர்திருத்தங்கள் செய்யப்பட வேண்டும்.
அன்புடன், செல்வத்துரை சந்திரகாசன்.

இலங்கைச் செய்திகள் -20/03/2019 [புதன்]

வெவ்வேறு காணொளிகளை அழுத்தி கடந்த  6 நாட்கள் செய்திகளைக்  கேட்கலாம்.


இலங்கைச் செய்திகள் (srilanka tamil news)  20/03/2019 [புதன்]

யாழில் குருதியில் போட்டு, திருமலையில் சடலம், சிவனொளிபாத மலையில் பதற்றம் , நகரங்கள் உதயம், மீண்டும் கஞ்சா  
↞↞↞↞↠↠↠↠
இலங்கைச் செய்திகள் (srilanka tamil news)  19/03/2019 [செவ்வாய்]


இலங்கைச் செய்திகள் (srilanka tamil news)  18/03/2019 [திங்கள்]


இலங்கைச் செய்திகள் (srilanka tamil news)  17/03/2019 [ஞாயிறு]


இலங்கைச் செய்திகள் (srilanka tamil news)  16/03/2019 [சனி]


இலங்கைச் செய்திகள் (srilanka tamil news)  15/03/2019 [வெள்ளி]


இலங்கைச் செய்திகள் (srilanka tamil news)  14/03/2019 [வியாழன்]


இலங்கைச் செய்திகள் (srilanka tamil news)  13/03/2019 [புதன்]

      

⏹️⏹️⏹️⏹️⏹️⏹️⏹️⏹️⏹️⏹️⏹️⏹️⏹️⏹️⏹️⏹️⏹️⏹️⏹️⏹️⏹️

.




இந்தியா செய்திகள் 19,மார்ச் .2019

India news


TamilNadu news
⛳⛳⛳⛳⛳⛳⛳⛳19,March .2019 ⛳⛳⛳⛳⛳⛳⛳⛳



என்ஜினீயரிங் படிப்பில் சேர குறைந்தபட்ச தகுதி மதிப்பெண் எவ்வளவு? அரசு ஆணை வெளியீடு
என்ஜினீயரிங் படிப்பில் சேருவதற்கு ஏற்கனவே பிளஸ்-2 தேர்வில் குறைந்தபட்ச தகுதி மதிப்பெண்ணாக பொதுப்பிரிவினருக்கு ஒவ்வொரு பாடப்பிரிவிலும் 50 சதவீதமும், பிற்படுத்தப்பட்டோர் (பி.சி.), பிற்படுத்தப்பட்டோர் முஸ்லிம் (பி.சி.எம்.) பிரிவினருக்கு 45 சதவீதமும், மிகவும் பிற்படுத்தப்பட்டோர் மற்றும் சீர்மரபினருக்கு (எம்.பி.சி.) 40 சதவீதமும், எஸ்.சி.., எஸ்.சி. மற்றும் எஸ்.டி. பிரிவினருக்கு 35 சதவீதமும் நிர்ணயிக்கப்பட்டு இருந்தது.
இந்நிலையில் இந்த குறைந்தபட்ச தகுதி மதிப்பெண்களில் மாற்றம் செய்து, புதிய தகுதி மதிப்பெண்களை உயர்கல்வி துறை நிர்ணயம் செய்து அரசு ஆணையாக வெளியிட்டு இருக்கிறது.
இதுதொடர்பாக உயர்கல்வி துறை முதன்மை செயலாளர் மங்கத்ராம் ஷர்மா வெளியிட்டுள்ள அரசாணையில் கூறியிருப்பதாவது:-
தொழில்நுட்ப கல்வி கமிஷனரின் பரிந்துரை ஏற்றுக்கொள்ளப்பட்டு இந்த புதிய குறைந்தபட்ச தகுதி மதிப்பெண் நிர்ணயிக்கப்படுகிறது. அதன்படி, என்ஜினீயரிங் மற்றும் தொழில்நுட்ப பாடப்பிரிவுகளான பி.., பி.டெக்கில் சேருவதற்கு குறைந்தபட்ச தகுதி மதிப்பெண்ணாக பொதுப்பிரிவினருக்கு 45 சதவீதமும், பி.சி., எம்.பி.சி., எஸ்.சி., எஸ்.டி. போன்ற இடஒதுக்கீட்டு பிரிவினருக்கு 40 சதவீதமும் நிர்ணயிக்கப்பட்டுள்ளது.
இந்த குறைந்தபட்ச தகுதி மதிப்பெண் அடிப்படையில் தான் 2019-2020-ம் கல்வியாண்டில் முதலாம் ஆண்டு மாணவர் சேர்க்கை மேற்கொள்ளப்பட வேண்டும் என்று தமிழ்நாட்டில் உள்ள அனைத்து என்ஜினீயரிங் கல்லூரிகளுக்கும் தெரிவிக்கப்படுகிறது.
இவ்வாறு அதில் கூறப்பட்டுள்ளது.
புதிய குறைந்தபட்ச தகுதி மதிப்பெண்ணில், பொதுப்பிரிவினர் மற்றும் பிற்படுத்தப்பட்ட பிரிவினருக்கும் ஏற்கனவே இருந்த மதிப்பெண்ணில் இருந்து 5 சதவீதம் குறைக்கப்பட்டு இருக்கிறது. அதேபோல், மிகவும் பிற்படுத்தப்பட்ட பிரிவினருக்கு மதிப்பெண்ணில் எந்த மாற்றமும் செய்யப்படவில்லை.
ஆனால் எஸ்.சி., எஸ்.டி. பிரிவினருக்கு ஏற்கனவே நிர்ணயிக்கப்பட்டு இருந்த மதிப்பெண்ணில் இருந்து 5 சதவீதம் மதிப்பெண் அதிகரிக்கப்பட்டு உள்ளது. ஏற்கனவே என்ஜினீயரிங் படிப்பில் மாணவர் சேர்க்கை குறைந்து வரும் நிலையில், குறைந்தபட்ச மதிப்பெண் மாற்றம் மேலும் தாக்கத்தை ஏற்படுத்துமா? என்பதை பொறுத்து இருந்துதான் பார்க்க வேண்டும்.

நாடாளுமன்ற தேர்தலில் ராமநாதபுரத்தில் போட்டியா? கமல்ஹாசன் பதில்
மக்கள் நீதி மய்யம் கட்சியோடு நல்லவர்கள் யார் வேண்டுமானாலும் கூட்டணிக்கு வரலாம் என்று அக்கட்சியின் தலைவர் கமல்ஹாசன் அறிவித்திருந்தார். இந்தநிலையில் .தி.மு.. கூட்டணியில் இருந்து விலகிய இந்திய குடியரசு கட்சி, மக்கள் நீதி மய்யம் கட்சியோடு இணைந்து நாடாளுமன்ற மற்றும் சட்டமன்ற இடைத்தேர்தலை சந்திக்க உள்ளது.
மக்கள் நீதி மய்யத்தின் தலைவர் கமல்ஹாசனை சென்னை ஆழ்வார்பேட்டையில் உள்ள கட்சி அலுவலகத்தில் இந்திய குடியரசு கட்சியின் தலைவர் செ.கு.தமிழரசன் நேற்று சந்தித்து பேசினார். இதில் உடன்பாடு ஏற்பட்டு இந்திய குடியரசு கட்சிக்கு
ஒரு நாடாளுமன்ற தொகுதியும், 3 சட்டமன்ற தொகுதிகளும் ஒதுக்கீடு செய்யப்பட்டுள்ளது.
இதையடுத்து கமல்ஹாசன் நிருபர்களுக்கு அளித்த பேட்டியில் கூறியதாவது:-
3-வது அணிக்கான வாய்ப்பை இந்திய மக்கள் ஏற்படுத்திக்கொடுக்கவேண்டும் என்பது தான் எங்களுடைய வேண்டுகோள். அது எங்கள் முனைப்பும் கூட. அதை நோக்கி தான் சென்றுகொண்டிருக்கிறோம். டெல்லி முதல்-மந்திரி அரவிந்த் கெஜ்ரிவாலை எங்களின் நிகழ்ச்சிகளில் கலந்துகொள்ளுமாறு அழைப்பு விடுத்துள்ளேன். அவர் முதல்-மந்திரி என்பதால் நேரம் கிடைக்கும்போது வருவார். கட்சியில் இருந்து விலகிய முன்னாள் செயற்குழு உறுப்பினர் குமரவேல் என் மீது குற்றச்சாட்டினை வைக்கவில்லை. வைத்தால் நான் பதில் சொல்ல தயாராக இருக்கிறேன்.
கட்சி கட்டுப்பாட்டுக்குள் இயங்காதவர்கள் மீது என்ன செய்யவேண்டுமோ, அதனை கட்சி செய்துவிட்டது. நேர்காணலில் கலந்துகொள்வதற்கு முன்னதாகவே தான் வேட்பாளர் என்று தகவலை வெளியிட்டது தான் தவறு. பிரபலங்களும், பிரபலங்களாக உள்ளவர்களும் எங்கள் வேட்பாளர்களாக அறிவிக்கப்பட உள்ளனர். தி.மு.., .தி.மு.. தேர்தல் அறிக்கையாக கொடுத்த வாக்குறுதிகள் 50 வருடமாக சொல்லிக்கொண்டிருப்பது தான். அதன் தொடர்ச்சியாக தற்போதும் வெளியிட்டிருக்கிறார்கள். அவர்களின் கூட்டணி எவ்வளவு முரண்பாடானதோ அதேபோல் தான் அவர்களின் தேர்தல் அறிக்கையும். விரைவில் எங்கள் தேர்தல் அறிக்கை வெளியாகும்.
இவ்வாறு அவர் கூறினார்.
இதையடுத்து ராமநாதபுரத்தில் போட்டியிடுகிறீர்களா? என்ற கேள்விக்கு, ‘உங்களின் ஆசைக்கும், வாழ்த்துகளுக்கும் நன்றிஎன்று கமல்ஹாசன் பதில் அளித்தார்.

முன்னதாக செ.கு.தமிழரசன் நிருபர்களிடம் கூறியதாவது:-
நாடாளுமன்ற மற்றும் சட்டமன்ற இடைத்தேர்தலில் மக்கள் நீதி மய்யம் உடன் கூட்டணி வைத்துள்ளோம். நாடாளுமன்றத்தில் ஒரு தொகுதியும், சட்டமன்றத்தில் 3 தொகுதிகளும் எங்களுக்கு வழங்கியுள்ளார்கள். கமல்ஹாசன் கட்சியின் சின்னம் கிராமங்களுக்கும் பரவியிருக்கிறது. நாங்களும் அதே சின்னத்தில் போட்டியிடுகிறோம். தமிழக மக்களின் நலன், உரிமை ஆகியவற்றில் மாற்று அரசியலை கமல்ஹாசன் முன்னெடுத்துள்ளார்.
இவ்வாறு அவர் கூறினார்.
மக்கள் நீதி மய்யம் கட்சி சார்பில் நாடாளுமன்ற தேர்தல் மற்றும் சட்டமன்ற இடைத்தேர்தலில் போட்டியிடும் வேட்பாளர்கள் பட்டியல் இன்று (புதன்கிழமை) வெளியாக உள்ளது. இதையடுத்து 24-ந் தேதி கோவையில் நடைபெறும் நிகழ்ச்சியில் அக்கட்சியின் வேட்பாளர்கள் அறிமுகப்படுத்தப்பட உள்ளனர்.
இலவச திட்டங்களை செயல்படுத்தும் விவரத்தையும் தெரிவிக்க வேண்டும் - தலைமைத் தேர்தல் அதிகாரி
தலைமைச் செயலகத்தில் நிருபர்களுக்கு, சத்யபிரத சாகு அளித்த பேட்டி வருமாறு:-

தமிழகத்தில் வேட்புமனு தாக்கல் தொடங்கியதையடுத்து தேர்தல் செலவினப் பார்வையாளர்கள் வரத்தொடங்கிவிட்டனர். நாடாளுமன்றத் தொகுதி ஒவ்வொன்றுக்கும் தலா 2 செலவினப் பார்வையாளர்கள் பணியமர்த்தப்பட்டுள்ளனர்.

மத்திய சென்னைக்கு மட்டும் 3 செலவினப் பார்வையாளர்கள், இந்திய தேர்தல் ஆணையத்தால் அனுமதிக்கப்பட்டுள்ளனர். பொதுவாக ஒரு தொகுதிக்கு ஒரு செலவினப் பார்வையாளர்தான் பணியமர்த்தப்படுவார்.

ஆனால் தேர்தல் செலவு விஷயத்தில் கவனிக்கத் தக்க மாநிலமாக தமிழகம் உள்ளது. எனவே தமிழகத்தில் மட்டும் இந்த ஏற்பாடு செய்யப்பட்டுள்ளது. சட்டமன்ற தொகுதி இடைத்தேர்தலுக்கு தலா ஒரு செலபினப் பார்வையாளர் அனுமதிக்கப்பட்டுள்ளார்.

அந்த வகையில் தமிழகத்தின் நாடாளுமன்றத் தொகுதிக்கான தேர்தல் செலவினப் பார்வையாளர்கள் 79 பேரும், 18 சட்டமன்றத் தொகுதி இடைத் தேர்தலுக்கான செலவினப் பார்வையாளராக 16 பேரும் (2 பார்வையாளர்கள் தலா 2 தொகுதிகளை பார்வையிடுவார்கள்).

நாடாளுமன்றத் தொகுதிகளில் மத்திய சென்னைக்கு மஞ்சீத் சிங் (09530993410), மஜும்தர் (08985970139), மங்கராஜூ (9172257521); தென்சென்னைக்கு குருபிரசாத் (09845255331), மர்ரப்பு நவீன் (9849095412); வடசென்னைக்கு சஞ்சீவ்குமார் தேவ் (09408792200), விவேகானந்த் (9935380337); திருவள்ளூருக்கு முகேஷ் கட்டாரியா (09953694841), பிரவீன்குமார் (98911381910); ஸ்ரீபெரும்புதூருக்கு அமீஷ் அகர்வால் (9953909178), அர்ஜூன் லலியத் (08130144488); காஞ்சீபுரத்துக்கு பூபேந்திரசிங் அனந்த் (9408792047), சுஜித்குமார் (09449073437) ஆகியோர் செலவினப் பார்வையாளராக வந்துள்ளனர்.

இடைத்தேர்தல் நடக்கும் சட்டமன்ற தொகுதிகள் பூந்தமல்லிக்கு பிரவீன்குமார் (9891138191), பெரம்பூர்- விவேகானந்த் மவுரியா (9935380337), திருப்போரூர்- பூபேந்திர சிங் ஆனந்த் (9408792047), ஆகியோர் செலவினப் பார்வையாளராக நியமிக்கப்பட்டுள்ளனர்.

இவர்கள் தங்களுக்கு ஒதுக்கப்பட்டுள்ள தொகுதிகளுக்கு நேரடியாகச் சென்றுவிடுவார்கள். வேட்புமனு பரிசீலனையின்போது பொதுப் பார்வையாளர்கள் வருவார்கள்.

தேர்தல் அறிக்கையில் வாக்குறுதிகளை வெளியிடுவதில் கட்டுப்பாடுகள் உள்ளன. இலவச திட்டங்கள், மக்கள் நலத்திட்டங்களை அறிவிக்கும்போது, அந்தத் திட்டங்களை எப்படி செயல்படுத்துவது?, அதற்கான நிதி ஆதாரங்களை எப்படி பெறுவது? என்ற விளக்கங்களையும் அதோடு அந்தக் கட்சிகள் அளிக்க வேண்டும். இல்லாவிட்டால், அதற்கான விளக்கத்தை அந்தக் கட்சிகளிடம் இந்திய தேர்தல் ஆணையம் கேட்கும்.

தேர்தல் தேதி அறிவிப்புக்கு முன்பதாக ஏற்பாக செயல்படுத்துகிற திட்டங்களை தொடர்ந்து செயல்படுத்தலாம். ஆனால் தேர்தல் தேதி அறிவிப்புக்குப் பிறகு, அதாவது தேர்தல் நடத்தை விதிமுறைகள் அமலுக்கு வந்தபிறகு அந்தத் திட்டத்தில் புதிய பயனாளிகளைச் சேர்க்க முடியாது.

தமிழகத்தில் தேர்தல் நடவடிக்கையாக இதுவரை 9 கோடியே 3 லட்சத்து 53 ஆயிரத்து 130 ரூபாய் ரொக்கப் பணம் கைப்பற்றப்பட்டுள்ளது. 18-ந் தேதி மட்டும் 2 கோடியே 25 லட்சத்து 96 ஆயிரம் கைப்பற்றப்பட்டது. இதுதவிர தங்கமும் கைப்பற்றப்பட்டுள்ளதாக தகவல் வந்துள்ளது.
இவ்வாறு அவர் கூறினார்.

வங்கி கடன் ரத்து செய்யப்படும் :
அ.தி.மு.க., தி.மு.க. தேர்தல் அறிக்கையில் பல ஒற்றுமை
தமிழக அரசியலில் .தி.மு..வும், தி.மு..வும் எதிர், எதிர் துருவங்களாக இருந்து வருகிறது.

நாடாளுமன்ற தேர்தலை எதிர்கொள்ள இரு கட்சிகளும் கூட்டணி மற்றும் தொகுதி பங்கீடுகளை நடத்தி முடித்து இருக்கிறது.

சில நாட்களுக்கு முன்பு ஒரே நாளில் .தி.மு.. தரப்பிலும், தி.மு.. தரப்பிலும் வேட்பாளர் பட்டியல் வெளியிடப்பட்டது. இதுவரையில் நடந்த தேர்தல் காலங்களில் .தி.மு..- தி.மு.. வேட்பாளர் பட்டியல் ஒரே நாளில் வெளியானது இல்லை.

தற்போது மேலும் ஒரு ஒற்றுமையாக .தி.மு.. தேர்தல் அறிக்கையும், தி.மு.. தேர்தல் அறிக்கையும் நேற்று வெளியிடப்பட்டது.

இரு கட்சிகளின் சார்பில் வெளியிடப்பட்ட தேர்தல் அறிக்கையிலும் பல ஒற்றுமைகள் காணப்பட்டன. மத்திய அரசை வலியுறுத்தும் பல கோரிக்கைகள் இரு கட்சிகளின் தேர்தல் அறிக்கையில் இடம் பெற்றுள்ளது.

ராஜீவ்காந்தி கொலை வழக்கில் தண்டனை பெற்று சிறையில் இருக்கும் 7 தமிழர்களை விடுவிக்க வேண்டும், கல்வியை பொதுப்பட்டியலில் இருந்து மாநில பட்டியலுக்கு மாற்ற வேண்டும், நதி நீர் இணைப்பு திட்டத்தை செயல்படுத்த வேண்டும், நீட் தேர்வை ரத்து செய்ய வேண்டும் உள்ளிட்ட முக்கிய கோரிக்கைகள் இரு கட்சிகளின் தேர்தல் அறிக்கையில் வலியுறுத்தப்பட்டு, மக்களுக்கு உறுதிமொழியாக தரப்பட்டுள்ளது.

மேலும் மாணவ- மாணவிகளின் கல்வி கடனை ரத்து செய்ய வேண்டும், வருமான வரி உச்ச வரம்பை ரூ.8 லட்சமாக உயர்த்த வேண்டும், காவிரி டெல்டா பகுதிகளை பாதுகாக்கப்பட்ட வேளாண் மண்டலமாக அறிவிக்க வேண்டும், மத்திய அலுவல் மொழியாக தமிழ் மொழியை அறிவிக்க வேண்டும், புதுச்சேரி மாநிலத்துக்கு மாநில அந்தஸ்து வழங்க வேண்டும் உள்ளிட்ட மத்திய அரசை வலியுறுத்தும் கோரிக்கைகளும் .தி.மு..- தி.மு.. தேர்தல் அறிக்கையில் இடம் பெற்றுள்ளது.

விவசாயிகளுக்கான கடன்கனை ரத்து செய்ய வேண்டும் என்று தி.மு.. வலியுறுத்தி இருந்தது. கடன்களால் அல்லல்படும் விவசாயிகளுக்கு கடன் சுமையை நீக்கும் திட்டம் செயல்படுத்தப்படும் என்று .தி.மு.. தெரிவித்துள்ளது.

பெட்ரோல், டீசல் விலையில்
இன்று எந்த மாற்றமும் இல்லை
சர்வதேச சந்தையில் நிலவும் கச்சா எண்ணெய் விலை நிலவரத்தை பொறுத்து இந்தியாவில் பெட்ரோல், டீசல் விலையை எண்ணெய் நிறுவனங்கள் நிர்ணயித்து வருகின்றன. பெட்ரோல், டீசல் விலை இந்தியாவில் தினந்தோறும் நிர்ணயிக்கப்படுகிறது.
அதன்படி, எண்ணெய் நிறுவனங்கள் வெளியிட்டுள்ள அறிவிப்பில், சென்னையில் பெட்ரோல், டீசல் நேற்றைய விலையே தொடரும் என அறிவிக்கப்பட்டுள்ளது. இதன்படி பெட்ரோல் லிட்டருக்கு ரூ.75.59 காசுகளாகவும், டீசல், லிட்டருக்கு ரூ.70.59 காசுகளாகவும் உள்ளது. இந்த விலை இன்று காலை முதல் அமலுக்கு வந்தது.
கோவா சட்டப்பேரவையில் இன்று
நம்பிக்கை வாக்கெடுப்பு
கோவா முதல்-மந்திரியாக இருந்து வந்த மனோகர் பாரிக்கர் கடந்த 17-ந்தேதி மரணம் அடைந்தார். அதைத்தொடர்ந்து அங்கு முதல்- மந்திரி நாற்காலி யாருக்கு என்ற கேள்வி எழுந்தது. 40 இடங்களை கொண்ட கோவா சட்டசபையில் 14 உறுப்பினர்களுடன் தனிப் பெரும் கட்சியாக உள்ள காங்கிரஸ் கட்சியின் தலைவர்கள் ஆட்சி அமைக்க உரிமை கோரி கவர்னர் மிருதுளா சின்காவை சந்தித்து வலியுறுத்தினர்.
ஆனால் பாரதீய ஜனதா கட்சிக்கு 12 எம்.எல்.ஏக்கள் உள்ளனர்; அதன் கூட்டணியில் உள்ள மகாராஷ்டிரவாடி கோமந்தக் கட்சி (எம்.ஜி.பி.), கோவா பார்வர்டு கட்சி (ஜி.எப்.பி.) ஆகியவற்றுக்கு தலா 3 உறுப்பினர்களும், சுயேச்சைகள் 3 பேரும் பாரதீய ஜனதா கட்சிக்கு ஆதரவு அளிக்கின்றனர்.
இந்த நிலையில் கோவா சட்டசபை சபாநாயகராக இருந்து வந்த பிரமோத் சாவந்த் (வயது 46), புதிய முதல்-மந்திரியாக நேற்று முன்தினம் தேர்ந் தெடுக்கப்பட்டார். ஆயுர்வேத மருத்துவரான இவர், மறைந்த முதல்-மந்திரி மனோகர் பாரிக்கரின் தீவிர ஆதரவாளர் ஆவார். பிரமோத் சாவந்த் ஆட்சி அமைக்க கவர்னர் மிருதுளா சின்கா அழைப்பு விடுத்தார். அதைத் தொடர்ந்து பனாஜியில் உள்ள கவர்னர் மாளிகையில் நள்ளிரவில் நடந்த எளிய நிகழ்ச்சியில் புதிய முதல்-மந்திரி பிரமோத் சாவந்துக்கு கவர்னர் மிருதுளா சின்கா பதவிப்பிரமாணமும், ரகசியகாப்பு பிரமாணமும் செய்துவைத்தார்.
கோவாவில் மீண்டும் பாரதீய ஜனதா கட்சி கூட்டணி ஆட்சி அமைக்க கவர்னர் மிருதுளா சின்கா வாய்ப்பு வழங்கியதை காங்கிரஸ் கட்சி கடுமையாக சாடி உள்ளது.இதையொட்டி மாநில காங்கிரஸ் தலைமை செய்தி தொடர்பாளர் சுனில்
காவாதாங்கர் விடுத்துள்ள அறிக்கையில், “தனிப்பெரும் கட்சியாக உள்ள காங்கிரஸ் கட்சியை அரசு அமைக்க அழைக்காத கவர்னர் மிருதுளா சின்காவின் செயல் கண்டனத்துக்கு உரியது. ஆட்சி அமைக்க போதுமான எண்ணிக்கை இல்லாதபோதும், பாரதீய ஜனதா கட்சி குதிரைப்பேரம் நடத்த வழிவகுத்து விட்டார். கவர்னர் பாரதீய ஜனதா கட்சியின் ஏஜெண்டாக செயல்பட்டுள்ளார்என சாடி உள்ளார்.
இதற்கிடையே கோவா சட்டசபையில் முதல்-மந்திரி பிரமோத் சாவந்த் இன்று (புதன்கிழமை) நம்பிக்கை வாக்கு கோருகிறார். இதற்கான அழைப்பை கவர்னர் விடுத்துள்ளார்.

சரக்கு, சேவை வரி குறைப்பு எதிரொலி: வீட்டு வசதி நிறுவனங்களுக்கு சலுகை
கடந்த மாதம் 24–ந் தேதி டெல்லியில் நடந்த 33–வது ஜி.எஸ்.டி. கவுன்சில் கூட்டத்தில் இதற்கான முடிவு எடுக்கப்பட்டது. இது ஏப்ரல் 1–ந் தேதி முதல் அமலுக்கு வருகிறது.
இதை செயல்படுத்தும்விதம் பற்றி டெல்லியில் மத்திய நிதி மந்திரி அருண் ஜெட்லி தலைமையில் நேற்று நடந்த 34–வது ஜி.எஸ்.டி. கவுன்சில் கூட்டத்தில் விவாதித்து முடிவு எடுக்கப்பட்டது. அது வருமாறு:–
* ஏப்ரல் 1–ந் தேதிக்கு முன்னர் பதிவு செய்து கட்டுமானப்பணிகள் நடந்து வருகிற வீட்டு வசதி திட்டங்களுக்கு பழைய சரக்கு, சேவை வரியை தொடர்வது பற்றி முடிவு எடுப்பதற்கு வீட்டு வசதி நிறுவனங்களுக்கு ஒரே ஒருமுறை வாய்ப்பு வழங்கப்படும். இது வீட்டு வசதி நிறுவனங்களுக்கு சலுகையாக அமைகிறது.

* புதிய வீட்டு வசதி திட்டங்களை பொறுத்தமட்டில், குறைந்த விலை வீடுகளுக்கு உள்ளீட்டு வரி சலுகையின்றி 1 சதவீத வரி அமல்படுத்தப்படும். குறைந்த விலை வீடு என்பது ஜி.எஸ்.டி. கவுன்சில் தீர்மானித்தபடி, மாநகரங்கள் தவிர்த்த நகரங்களில் 60 சதுர மீட்டர், மாநகரங்களில் 90 சதுர மீட்டர் பரப்பளவு இருக்கலாம். வீட்டின் விலை ரூ.45 லட்சம் வரை இருக்கலாம்.


* குறைந்த விலை வீடுகளை தவிர்த்து பிற வீடுகளுக்கு அவை ஏப்ரல் 1–ந் தேதியோ, அதற்கு பின்னரோ பதிவு செய்து இருந்தால் அவற்றுக்கு உள்ளீட்டு வரி சலுகையின்றி 5 சதவீத ஜி.எஸ்.டி. வசூலிக்கப்படும். ஏப்ரல் 1–ந் தேதிக்கு பின்னர் தவணை செலுத்தக்கூடிய வீடுகளுக்கும் இது பொருந்தும்.

  🚩🚩🚩🚩🚩🚩🚩🚩   🚩🚩🚩🚩🚩🚩🚩🚩