இவ்வாரம் வெளியாகிய திரைப்படங்கள்

=சுருக்கமான பார்வை= 

‘’யூகி ‘’ விமர்சனம்  (Cinema Tamil Movie 'Yogi' Review)

படம்: ஜாக் ஹாரிஸ் இயக்கத்தில் கதிர், நட்டி, நரேன், கயல் ஆனந்தி, ஆத்மீய, பவித்ரா என தமிழ் திரைப்பட முக்கிய நட்சத்திரங்கள் பலர் நடித்திருக்கும் இப்படத்திற்கு, ரஞ்சின் ராஜ் இசையமைத்துள்ளார்.

கதை; கர்ப்பமாக இருக்கும் ஆனந்தி, மர்மமாக காணாமல் போகிறார். நட்டி தலைமைல்  ஒரு குழுவும், துப்பறிவாளர்  நரேன் தலைமையில் ஒரு குழுவும் ஆனந்தியைத் தேடுகிறார்கள். ஆனந்தி யார், அவரை ஏன் இரண்டு குழுக்களும் தேடுகின்றன? சினிமா நட்சத்திரமான ஜான் விஜய் ஏன் கொல்லப்படுகிறார்? அவருக்கும் ஆனந்திக்கும் என்ன தொடர்பு என விடை சொல்லும் படம்

முடிவு: ஏமாற்றம் என்று யூகிக்க முடிகிறது[2.5/5]

 📽...🎞...📽

‘’நான் மிருகமாய் மாற’’ விமர்சனம்  (Cinema Tamil Movie 'Naan Mirugamai Maara’ Review)

படம்: சத்யா சிவா இயக்கத்தில் சசிகுமார், ஹரிப்ரியா, விக்ராந்த் முன்னணி கதாபாத்திரத்தில் நடிக்கும் திரில்லர் திரைப்படம். சஞ்சய் குமார் தயாரிக்க, ஜிப்ரான் இசையமைத்துள்ளார்.

கதை; தனது தம்பியை கொன்றவனை பழி வாங்க போகும் சசிகுமார் அங்கே எதிரிகளின் கூலிப்படை கும்பலில் சிக்கிக் கொள்கிறார். பிறகு என்னவானது சசிகுமார் தனது தம்பியை கொன்றவனை பழி வாங்கினாரா? அவர்களிடமிருந்து எப்படி தப்பித்தார் என்பது படத்தின் கதைக்களம்.

முடிவு: ஒரு குறுங்கதையால்  நீங்கள் மிருகமாக மாறாம தப்பினால் சரி. [2/5]

  📽...🎞...📽

‘’கழக தலைவன்’’ விமர்சனம்  (Cinema Tamil Movie 'Kalaga Thalaivan’ Review)

படம்: மகிழ் திருமேனி இயக்கத்தில் உதயநிதி ஸ்டாலின், நிதி அகர்வால் முன்னணி கதாபாத்திரத்தில் நடிக்கும் திரைப்படம். உதயநிதி ஸ்டாலின் தனது 'ரெட் கெய்ன்ட் மூவிஸ்' என்னும் தயாரிப்பு நிறுவனத்தின் மூலம் இப்படத்தினை தயாரிக்க, அரோள் கரோலி இசையமைத்துள்ளார்.

கதை; வாகன உற்பத்தி நிறுவனத்தின் புதியரக  வாகனம் ஒன்று, அதன் குறை மறைக்கப்பட்டு சந்தைக்கு வருகிறது. அக்குறையின் இரகசியம் வெளியே உதய நிதியால்  கசிந்துவிட ,அதனை அறியாமல் கசிய விட்டவனை தேடி இடம்பெறும் கொலைகள் மத்தியில், உதயநிதி அந்நிறுவனத்தினரால் கண்டுபிடிக்கப்பட்டாரா? உதயநிதி அவ்வாறு நடந்துகொண்டதன் காரணமென்ன? என்பதனை கூறும் படம்.

முடிவு: மொத்தத்தில் கலகத் தலைவன் – ஏமாற்றம்[2.5]

  📽...🎞...📽

‘’2323 தி பிகினிங் ‘’ விமர்சனம்  (Cinema Tamil Movie '2323 The begnning’ Review)

படம்: சதிஷ் ராமகிருஷ்ணன் தானே இயக்கி, நாயகனாக நடித்திருக்கும் திரைப்படம். இப்படத்தினை மகேந்திர மாசனயன் தயாரிக்க, மகாராஜ் தேவர் இசையமைத்துள்ளார். மேலும் சாத்விகா அப்பையா, கிரிஸ்டல் இமேரா, மகேந்திர மாசனையன், சரவணன் ராதாகிருஷ்ணன், திருலோக சந்தர் எனப் பலர் நடித்துள்ளனர்.

கதை; அறிவியல் புனைகதைத் திரைப்படம். இயற்கையை ஆயுதமாக்கி பல்லாயிரம் உயிரை குடித்த இராட்சதனை எப்படி அழிக்கிறார்கள் என்பதே கதை.

முடிவு: தமிழிலும் இப்படி ஒரு திரைப்படம்.மகிழலாம்.[3.5/5]

தொகுப்பு:செ.மனுவேந்தன்

Read More

மகாவம்சத்தில் புதைந்துள்ள…( பகுதி 19)

உண்மைகளும் வரலாற்று சான்றுகளும்

 

பண்டித ஹிஸ்ஸெல்லே தம்மரத்தன மகா தேரர் [Pandit Hisselle Dharmaratana mahathera], தனது 'தென் இந்தியாவில் புத்தமதம்' [Buddhism in South India], என்ற புத்தகத்தில், புத்த மதகுரு மகிந்தன் அல்லது மகிந்தர் அல்லது மஹிந்த (Mahinda, சமக்கிருதம்: महेन्द्र; மகேந்திரா, பிறப்பு: கிமு 3ம் நூற்றாண்டு), அவர்களே தமிழ் நாட்டிலும் புத்த மதம் பரப்பியதற்கு சான்றுகள் உள்ளதாக குறிப்பிடுகிறார். மகாவம்சம், அவர் இயற்கையை கடந்த சக்தி மூலம் [supernatural powers] இலங்கையை அடைந்தார் என புராண கதைகள் போல் குறிப்பிட்டாலும், உண்மையில் அவர் கடல் மூலம் பயணித்ததாகவும், அப்படி இலங்கைக்கு போகும் வழியில், காவேரி பட்டணம் வந்து அங்கு முதலில் புத்த மதம் பரப்பியதாகவும் அறிஞர்கள் கருதுவதாக கூறுகிறார் [The Mahathera states "although the chronicles say he arrived through his supernatural powers, scholars are of the opinion that he travelled by sea and called at Kaveripattinam on the east coast of Tamil Nadu on his way to Sri Lanka"]. டாக்டர் ஷூ ஹிகோசகே [Dr Shu Hikosake Director Professor of Buddhism, Institute of Asian Studies in Madras] தனது 'தமிழ் நாட்டில் புத்தமதம்' [Buddhism in Tamil Nadu] என்ற புத்தகத்திலும் இந்த கருத்தையே கூறுகிறார். கி.பி ஏழாம் நூற்றாண்டில் ஹியுங் சாங் (Hiuen Tsang) எனும் நாடுகண் சீன பிக்கு [the Chinese 7th Century, Buddhist monk, scholar traveller], பாண்டிய அரசனின் மதுரைக்கு அண்மையில், மஹிந்தரால் ஒரு மடாலயம் கடப்பட்டதாக குறிப்பிடுகிறார் [a monastery built by Mahinda thera]. அவர் மேலும் காஞ்சிபுரத்தில் ஒரு தூபி [stupa] அசோகனால் கடப்பட்டதாகவும் குறிப்பிடுகிறார். மேலும் காஞ்சிபுரம் ஒரு செழிப்பான நகரம் என்றும், அங்கு வாழும் மக்களில் பெரும்பாலோர் புத்த மதத்தை தழுவியவர்கள் என்றும் குறிப்பிடுகிறார் [Kanchipuram as a flourishing city and states that most of its population was Buddhist]. 

 

அசோகரின் கல்வெட்டுகள் தவிர அவரது வாழ்க்கையை பற்றி அறிந்து கொள்ள அவரது இறப்பிற்குப் பிறகு நூற்றாண்டுகள் கழித்து எழுதப்பட்ட புனைவுகளே நமக்கு உதவுகின்றன. கி. பி. இரண்டாம் நூற்றாண்டு அசோகவதனம் (திவ்வியவதனத்தின் ஒரு பகுதியாகிய "அசோகரின் கதை") மற்றும் கி பி ஐந்தாம் அல்லது ஆறாம் நூற்றாண்டு இலங்கை நூலாகிய மகாவம்சம் ஆகிய புனைவுகள் மட்டுமே இன்று உள்ளன. கல்வெட்டுகளில் அசோக மன்னனின் மகன் திவாலா ['திவாரா'] மட்டுமே, அவரது தாய் ராணியுடன் பதியப் பட்டுள்ளது [Tivala [or Tivara ], the son of Ashoka and Karuvaki, is the only of Ashoka's sons to be mentioned by name in the inscriptions along with his mother, in the Queen Edict / S. N. Sen (1999). Ancient Indian History And Civilization. New Age International. p. 151.]. வட இந்தியா பாரம்பரியம் படி, அசோகனுக்கு குணாலா [Kunala ] என்ற மகன் இருந்து உள்ளார். மேலும் இது, திவ்வியவதனம் அல்லது தெய்வீக வரலாறுகள் (Divyāvadāna or "Divine narratives") என்ற சமஸ்கிருத மொழியில் எழுதப்பட்ட பௌத்த தொன்மவியல் கதைகளைக் கொண்ட நூலில் குணாலா அவதானம் என்ற பகுதியில் குறிக்கப்பட்டு உள்ளது. இலங்கை மகாவம்சத்தில் மட்டுமே அசோகனின் மகனாக மஹிந்த கூறப்பட்டுள்ளது. என்றாலும் அசோகன் பிறந்த வட இந்தியா பாரம்பரியத்தில் எந்த நூலிலும் 'மஹிந்த' கூறப்படவில்லை என்பது கவனிக்கத் தக்கது. அதே போல மகாவம்சத்தில் கூறப்படட சங்கமித்தையும் வட இந்தியா பாரம்பரியத்தில் எந்த நூலிலும் குறிப்பிடப்படவில்லை. வரலாற்றாசிரியர்களின் ஒரு பகுதியினரும் இதை ஏற்றுக்கொள்ளவில்லை. உதாரணமாக, இந்திய வரலாற்றாசிரியர் ரூமிலா தாப்பர் (Romila Thapar) பல காரணங்களை சுட்டிக்காட்டி இதை ஏற்றுக்கொள்ளவில்லை. 

 

"Journal Of The Ceylon Branch Of The Royal Asiatic Society 1922-24 Vol.29" இல், பக்கம் 243 இல், துட்ட காமனி பற்றி குறிப்பிடுகையில், ‘Like most Ceylon Kings he, (Dutugemunu), was more of a Hindu than a Buddhist. An ancient MS of Ridi Vihara, which he built and endowed, states that on the occasion of its consecration he was accompanied thither by 500 Bhikkus (Buddhist monks) and 1,500 Brahmins versed in the Veddas (Paper read at the R. A. S. Ceylon Branch in June 1923 on “Palm leaf MSS. in Ridi Vihara). Throughout Ceylon History the Court religion was Hinduism and its ritual and worship largely alloyed and affected the popular Buddhism and made it unlike the religion of Buddha’ என்று கூறப்படுள்ளதும் குறிப்பிடத் தக்கது. அதாவது பெரும்பாலான இலங்கை அரசர்களை போல, துட்ட காமனியும் கூடுதலாக பௌத்தனாக இருப்பதிலும் பார்க்க ஒரு இந்துவாகவே இருந்தார் என்பதை, ரிதி விகாரையை (வெள்ளிக் கோயிலை / රිදී විහාරය), அனுராதபுரத்தின் மன்னனாக இருந்த துட்டகாமினி, தெய்வத்தைக் கோயிலில் வைக்கும் ஆகமச் சடங்கின் [பிரதிஷ்டை செய்யும்] பொழுது, 500 புத்த பிக்குகளும், ஆனால்  1,500 வேதத்தில் தேர்ச்சி பெற்ற இந்து பிராமணர்களும் ஒன்று கூட அந்த நிகழ்வை நடத்தியதில் இருந்து புரிகிறது என்கிறது.      

 

சிலப்பதிகாரத்தில் சேரன் செங்குட்டுவன் நடத்திய கண்ணகி சிலைத் திறப்பு விழாவுக்கு பல நாட்டு மன்னர்களுக்கும் அழைப்பு அனுப்பப்பட்டது. அதை ஏற்று வந்தவர்களில் ஒருவன் “கடல் சூழ் இலங்கைக் கயவாகு வேந்தன்” — என்று மொழிகிறது சிலப்பதிகாரம். இரண்டாம் நூற்றாண்டைச் சேர்ந்த கஜபாகு ஆட்சி மகாவம்சம் 35 ஆம் அத்தியாயத்தில் உள்ளது. மேலும் சிங்களவரும் தமிழரும் இரத்தத் தொடர்புடையவர்கள் என்பது சிவன் என்று முடியும் மன்னர்கள் பெயர்களில் இருந்தும் நாகன் என்று முடியும் மன்னர்கள் பெயர்களில் இருந்தும் தெளிவாகிறது. எனவே இவைகளைப்பற்றி ஒரு விரிவான பக்கச்சார்பு அற்ற ஆய்வு கட்டாயம் தேவை என்று எண்ணுகிறேன்.

 

[கந்தையாதில்லைவிநாயகலிங்கம்/அத்தியடி/யாழ்ப்பாணம்]

பகுதி: 20 தொடரும்…

 👉அடுத்த பகுதி வாசிக்க அழுத்துக 

Theebam.com: மகாவம்சத்தில் புதைந்துள்ள… (பகுதி 20):

 👉ஆரம்பத்திலிருந்து வாசிக்க, அழுத்துக Theebam.com: மகாவம்சத்தில் புதைந்துள்ள.../ பகுதி 01:

Read More

உங்கள் கண்கள், உங்களுடைய உடல் ஆரோக்கியத்தை சொல்லும்

 - ஓர் அலசல்

சான் டியாகோவில் உள்ள கலிஃபோர்னியா பல்கலைக்கழகத்தின் விஞ்ஞானிகள், ஒரு ஸ்மார்ட் போன் செயலி ஒன்றை முன்னெடுத்திருக்கின்றனர். அது அல்சைமர் நோயின் ஆரம்ப கட்ட அறிகுறிகள் மற்றும் இதர நரம்பியல் பிரச்னைகளை கண்டறிய முடியும். செல்போனின் அருகாமை அகச்சிவப்பு கேமராவை உபயோகித்து இந்த செயலி ஒருவரின் கண்ணில் உள்ள கண்மணியின் அளவில் ஒரு துணை மில்லிமீட்டர் அளவுக்கு ஏற்படும் மாற்றத்தை கண்டறிய முடியும்.

 

இந்த ஆய்வை ஒரு நபரின் புலனுணர்வு நிலையை மதிப்பீடு செய்ய உபயோகிக்க முடியும்.

 

தொழில்நுட்பம் வளர்ச்சியடையும்போது, அனைத்து வகையான நோய்களையும்,நிலையையும் கண்டறியமுடியும் என்ற பொருளில் கண்கள் அதிக அளவில் உபயோகமாக இருக்க முடியும். வெளிப்படையாக இருக்கிறது என்பதால், அவைகளை உடலின் இதர பாகங்களை விடவும் குறைவான சோதனை முறைகளுக்கு உட்படுத்த வேண்டிய தேவையே இருக்கும்.

 

ஆனால், தொழில்நுட்பம் இல்லாவிட்டாலும், வெறுமனே உங்கள் கண்களை பார்த்து மட்டுமே கூட குறிப்பிட்ட எண்ணிக்கையிலான உடல் நலக்கோளாறுகளை கண்டறிவது சாத்தியமாகும். இவையெல்லாம் சில எச்சரிக்கை அறிகுறிகளாகும்

 

கண்மணியின் அளவு

வெளிச்சமான சூழல்களில் கண்ணின் மணிகள் உடனடியாக லேசாக, சிறியதாக இருக்கும். குறைவான வெளிச்சம் இருக்கும் சூழல்களில் கண்ணின் மணிகள் பெரியதாக இருக்கும்.

கண்மணிகளின் அளவில் மெதுவான அல்லது தாமதமான வெளிப்பாடு அல்சைமர் நோய் போன்றவற்றின் தீவிரத்தன்மை உள்ளிட்ட பல்வேறு உடல் நலக்கோளாறுகளை சுட்டிக்காட்டுவதாக இருக்கும். அதே போல போதை மருந்து உபயோகத்தின் ஆதாரமாக மற்றும் மருந்துகளின் பக்கவிளைவுகளை சுட்டிக்காட்டுவதாகவும் இருக்கும்.

கொக்கைன் மற்றும் ஆம்பெடமைன் போன்ற ஊக்கமருந்துகளை உபயோகிப்பவர்களின் கண்மணிகள், பொதுவாக விரிவடைந்து காணப்படும். ஹெராயின் உபயோகிப்பவர்களின் கண்கள் மிகவும் சிறிய கண்மணிகளைக் கொண்டதாக இருக்கும்.

சிவப்பு அல்லது மஞ்சள் நிற கண்கள்

• வெள்ளைப்பகுதியில்(கண்களின் வெள்ளைப்பகுதியில்) நிறம் மாறியிருந்தால் ஏதோ தவறான கோளாறு இருக்கிறது என்று பரிந்துரைக்க முடியும்.
• சிவப்பான, ரத்தம் தோய்ந்தது போல கண்கள் காணப்பட்டால் அதிக அளவு மது உபயோகம் அல்லது போதை மருந்து உபயோகித்ததற்கு அறிகுறியாகும்.
• பெரும்பாலான தருணங்களில் சில நாட்கள் கடந்த பின்னர் கண்களில் தொற்று ஏற்படுவதற்கும் அல்லது எரிச்சல் ஏற்படுவதற்கும் காரணமாக இருக்கும்.
• கண்ணின் நிற மாற்றம் தொடர்ச்சியாக இருந்தால், மேலும் தீவிர தொற்றுக்கான அறிகுறி, கட்டிகள் அல்லது கான்டாக் லென்சின் எதிரொலியாக அல்லது தீர்வின் எதிர்வினைகளைக் குறிப்பதாக இருக்கலாம்.
• அதீத நிகழ்வுகளில் சிவப்பான கண்கள், கண்பார்வை குருடாவதற்கு வழிவகுக்கும் குளுக்கோமா அறிகுறியை குறிப்பதாக இருக்கலாம்.
• விழி வெண் கோளத்தைச் சுற்றி உள்ள sclera எனும் தோல் பகுதி மஞ்சள் நிறமாக மாறினால், இது பொதுவான வெளிப்படையான மஞ்சள் காமாலை மற்றும் நோய்வாய்பட்ட கல்லீரல் அறிகுறியை குறிப்பதாக இருக்கும்.

மஞ்சள் காமாலையின் அடிப்படையான காரணங்கள் பரவலாக வேறுபடுகின்றன. கல்லீரலில் (ஹெபடைடிஸ்) கட்டி, மரபணு அல்லது நோய் எதிர்ப்பு சக்தியில் தொற்று, மற்றும் சில மருந்துகள், வைரஸ்கள் அல்லது டியூமர் எனப்படும் கட்டிகள் உள்ளிட்ட காரணங்களை கொண்டிருக்கின்றன.

 

சிகப்பு கறை

கண்ணின் வெள்ளை பகுதியில் சிவப்பான ரத்தம் போன்ற புள்ளி பார்ப்பதற்கு எப்போதும் பயங்கரமான தோற்றத்தை தரும். கண்பகுதிக்குள் உள்ள சிறிய, ரத்த நாளம் வெடித்ததன் விளைவாக இது ஏற்பட்டிருக்கும்.

பெரும்பாலான சமயங்களில் வெளியே தெரிந்த காரணங்களால் நேரிடாது. சில நாட்களில் இந்த சிவப்பு புள்ளி மறைந்து விடும்.

எனினும், இது உயர் ரத்த அழுத்தம், நீரழிவு நோய், அதீத ரத்தப் போக்கு ஏற்படக் கூடிய ரத்தம் உறைதல் கோளாறுகள் போன்றவற்றுக்கான அறிகுறிகளை குறிப்பதாகவும் இருக்கலாம்.

தவிர, ரத்தத்தை மெலிய வைக்கும் ஆஸ்பரின் போன்ற மருந்துகள் காரணமாக இருக்கலாம். பிரச்னை அடிக்கடி இருந்தால், இந்த அறிகுறிகளை கொண்டவர்கள், மருத்துவர்களிடம் தங்களுக்கு தரப்படும் மருந்துகளின் அளவை பரிசீலனை செய்யக் கோரலாம்.

 

விழியின் வெண்படலத்தை சுற்றி வளையம்

விழியின் வெண்படலத்தை சுற்றி வெள்ளையான அல்லது சாம்பல் நிற வளையம் காணப்படுவது பெரும்பாலும் உயர் கொழுப்பு மற்றும் இதயநோய் அபாயத்தை அதிகரிக்கும் அறிகுறியாக இருக்கலாம்.

இது மது பழக்கத்தையும் சுட்டிக்காட்டுகிறது. சில நேரங்களில் முதியவர்களின் கண்களில் இது போன்று காணப்படும். இது ஆர்கஸ் செனிலிஸ் என்ற மருத்துவப் பெயரால் அழைக்கப்படுகிறது.

 

கொழுப்புக்கட்டி

சில நேரங்களில் மிகவும் அபாயகரமான அம்சங்கள் கண்களில் தோன்றக்கூடும். அவை பெரும்பாலும் உண்மையில் தீங்கற்றதாக, எளிதாக சிகிச்சை அளிக்கக் கூடியதாக இருக்கும்.

பிங்குகுலா என்பது, கண்ணின் வெள்ளைப் பகுதியில் தோன்றும் மஞ்சள் நிறமான கொழுப்பு கட்டியாகும். இது புரதம் மற்றும் கொழுப்பு கொண்ட சிறிய கட்டியாகும். கண்களில் சொட்டு மருந்து விடுதல் அல்லது சிறிய எளிதான ஆபரேஷன் மூலம் இதனை சரி செய்ய முடியும்.

முன்தோல் குறுக்கம் (pterygium) எனப்படுவது கண்ணின் வெள்ளைப் பகுதியில் தோன்றும் இளம் சிவப்பு வளர்ச்சியாகும். விழியின் வெண்படலத்தில்(கண்ணின் நிறப்பகுதி) வளரத்தொடங்காத வரை இது பார்வைக்கு தீங்கிளைக்காது.

எதிர்பாராத விதமாக பிங்குகுலாவைப் போல pterygium மிகவும் மெதுவாக வளரும். எளிதாக அதனை அகற்ற முடியும். எனினும், இது விழி வெண்படலத்தைத் தொடுவதற்கு நீண்ட நாட்களுக்கு முன்பே அவசியம் அகற்றப்பட வேண்டும்.

இதனை வளர அனுமதித்து விட்டால், pterygium என்பது வெண் விழிப்படலத்தில் மேடமூட்டமான படமாக மாறிவிடும். இது பார்வையில் தடையை ஏற்படுத்தும்.

பிங்குகுலா, pterygium இரண்டும் நேரிடுவதற்கு, சூரியனில் இருந்து வெளிப்படும் புற ஊதா ஒளிக்கதிர்களின் நாள்பட்ட வெளிப்பாடுகள் முக்கியமான பாதிப்பு காரணிகளில் ஒன்றாக இருக்கலாம்.

 

கண்கள் வீக்கம்

கூக்ளி கண்கள் என்று அழைக்கப்படும் சுழன்று கொண்டிருக்கும் கண்கள் என்பவை சாதாரண முக அம்சத்தின் ஒரு பகுதியாக இருக்கலாம்.

ஆனால், முன்னர் வீக்கம் இல்லாமல் இருந்த கண்கள், முன்னோக்கி வீங்கத்தொடங்கும். இது பெரும்பாலும் பொதுவாக தைராய்டு சுரப்பி பிரச்னையால் இருக்கலாம். இதற்கு உடனே மருத்துவ கவனிப்புத் தேவை.

ஒற்றை கண் வீக்கம் என்பது, காயம், தொற்று அல்லது மிகவும் அரிதாக, கண்ணுக்குப் பின்னால் ஒரு கட்டி ஏற்பட காரணமாக இருக்கலாம்.

 

புடைப்பான அல்லது வெட்டி இழுக்கும் கண் இமைகள்

இது தவிர, வெட்டி இழுக்கும் கண் இமைகள் பல நோய்களுக்கான அறிகுறிகளை குறிப்பதாக இருக்கும். இவைகள் முக்கியமாக கண்இமைகளில் உள்ள சுரப்பிகளின் சிறிய பிரச்னைகளுடன் தொடர்புடையவையாக இருக்கலாம்.

கண்இமை வீக்கம் ஒரு பொதுவான நிலையாக இருக்கிறது. மேல் பகுதியில் ஒரு சிவப்பான கட்டியாக மற்றும் கண் இமையின் கீழ் (பொதுவாக மிகவும் குறைவாக)பகுதியில் இது தோன்றும். எண்ணைய் சுரபி தடுக்கப்படுவதால் இது நேரிடுகிறது.

இந்த இமை வீக்கமானது தானாகவே அல்லது வெப்ப அழுத்தங்களால் சரியாகிவிடும். இது பெரிதாகும் பட்சத்தில், எளிதான ஒருமுறையின் மூலம் அகற்றப்பட வேண்டும். கண் இமை வெட்டி இழுப்பது போன்ற குறைபாடானது (கண் மயோக்கிமியா) எரிச்சல், வெப்பமான ஒளிக்கீற்று போன்றவற்றால் ஏற்படலாம், பார்வைக்கு சிறியதாக தோன்றினாலும், மேலும் மோசமாக உணரப்படலாம்.

பெரும்பாலான நிகழ்வுகளில் தீங்கு அளிக்கக்கூடியதாக இருக்காது. அழுத்தம் காரணமாகவோ, சரிவிகித ஊட்டசத்து இல்லாததன் காரணமாகவோ அல்லது அதிக அளவு காஃபி போன்ற பானங்கள் அருந்துவதாலோ ஏற்படலாம்.

இந்தக் கட்டுரை ஒரு வழிகாட்டி மட்டுமே. உங்கள் உடல்நலம் குறித்து சந்தேகம் இருந்தால், ஒரு நிபுணரை அணுகவும்.

 

 

:BBC TAMIL :-பார்பரா பியர்சியோனெக்-[ பார்பரா பியர்சியோனெக், ஆங்கிலியா ரஸ்கின் பல்கலைக்கழகத்தில் (பிரிட்டன்) ஆராய்ச்சி மற்றும் கண்டுபிடிப்புகளுக்கான பேராசிரியர் மற்றும் துணை முதல்வர் ஆவார்.]

 

Read More

கண்டுபிடி கண்டுபிடி

 திரைபடப்  பாடல்கள் ஒவ்வொன்றிலுமிருந்து   சில வரிகள் தரப்படுள்ளன. அவ்வரிகளுக்குரிய பாடலின் முதல் வரியினைக்  கண்டுபிடியுங்கள். 

-----------------A -------------------

-01-

பாதி தூக்கத்தில் கூந்தலை தடவி ரசிப்பதில் இன்பம்

பாதி பாதியாய் இருவரும் மாறி

பழகும் வித்தையே பள்ளியில் இன்பம்

காலை என்பதே துன்பம் இனிமேல்

-02-

கொடுக்குற காலம் நெருங்குவதால்

இனி எடுக்குற அவசியம் இருக்காது

இருக்கிறதெல்லாம் பொதுவாய் போனால்

பதுக்குற வேலையும் இருக்காது

-03-

என் கருங்கூந்தல் கலைந்தோடிமேகங்களாக

நான் பயந்தோடி வந்தேன்உன்னிடம் உண்மை கூற

நீ இல்லாமல் யாரோடுஉறவாட வந்தேன்

உன் இளமைக்குத் துணையாக தனியாக வந்தேன்

-04-

வான்பறவைதன் சிறகை எனக்கு தந்தால்

 பூங்காற்றே உன் உதவியும் எனக்கிருந்தால்

வானத்திலே பறந்து சென்றே போனவளை

அழைத்துவந்தே காதலை வாழவைப்பேன்

-05-

உலகில் உள்ள நாடுகளில்

என் கண்கள் படாத இடம் இல்லை

உங்களை போல கும்பலும் கூச்சலும்

பார்வையில் இதுவரை படவில்லை

-----------------------விடைகளை  கீழே கருத்துப்பெட்டியில் வரவேற்கிறோம். 

Read More