குறுங்கவிதைகள்

 

"இறக்கை கட்டிப் பறக்குது!!"

 

"இச்சை கொண்ட மனது இரண்டு

இளமை துடிப்பு உவகை கொடுக்க

இதயம் ஏங்கி கனவு கண்டு

இறக்கை கட்டிப் பறக்குது வானில்!"

 

"இமைகள் கதைக்க இன்பம் பெருக

இசைந்து இருவரும் ஆரத் தழுவ

இதழ்கள் கவ்வ கைகள் வருட

இறக்கை கட்டிப் பறக்குது உள்ளம்!"

 

🐦🐦🐦🐦🐦🐦

 

"கைபேசி"

 

'அறிவியல் கண்டு பிடித்த கைபேசி

அடக்கமான  நூதன கை பொறி !

அகிலம் இன்று சுருங்கி போக 

அழிவும் அதனுடன் ஒன்றிப் போச்சு !

 

அளவு அற்ற பயன்பாட்டை தந்து

அடிமை ஆக்குது மனித குலத்தை !"

 

📱📱📱📱📱

 

"வெளிச்சம்"

 

"வெள்ளம் போல் பணத்தைக் கொட்டி

வெளிச்சத்தில் தன்னை நல்லவனாகக் காட்டி

வெட்கம் என்பதை தள்ளி வைத்து

வெளிச்சம் தரும் அறிவை மறந்து

வெளிச்சவீடாய் இல்லாமல் இருண்டு கிடக்கிறான் ?"

 🗼🗼🗼🗼🗼

 

"தூது செல்வாயோ

வெண்ணிலவே!!"

 

"தூக்கம் வராமல் நினைவுகள் வாட்டுகின்றன

தூரிகை எடுத்து வரைந்து மகிழ்கிறேன்!

தூய்மையான எம் காதல் தொடர

தூது செல்வாயோ வெண்ணிலவே எனக்காக!!"

 

"ஊடல் இல்லாத காதல் இல்லை

ஊமையாய் இருப்பவளை நீ தேற்றாயோ !

ஊழம் பல கண்டுவிட்டேன் வெண்ணிலவே

ஊரறிய கைப்பிடிக்க  தூது செல்வாயோ!!"

(ஊழம் - வைகறை, விடியற் காலை)

 🤟🤟🤟🤟🤟

.....

 

"கருத்தோவியம்"

 

"வித்தகர் வரைந்த அழகிய சித்திரம்

விவேகம் பொருந்திய கலை ஓவியம்

விழிப்புணர்வு கொடுத்த சமூக சிந்தனை

விபத்தை தடுக்கும் கருத்து படம்!"

 

🎭🎭🎭🎭🎭

 

"பெண்மையைப்  போற்றுவோம்!"

 

"பெண்ணையும் ஆணையும் சமமாக கருது

மண்ணையும் நீரையும் ஒன்றாக பார்

ஒன்று குறைந்தால் அங்கு வளமில்லை

நன்று உணர்ந்து பெண்மையைப் போற்றுவோம்!"

 👧👧👧👧

 

[கந்தையா தில்லைவிநாயகலிங்கம்]

Read More

குறுங்கவிதை

 "மீண்டும் வருமா? [மாட்டு வண்டி]"

"மீண்டும் வருமா? விசித்திரமான கேள்வி

காலச் சக்கரம் சுழலும் போது

இன்று இருப்பது நாளை இருக்காது

நேற்று கண்டது மறுபடி தோன்றும்

மாட்டு வண்டி பயணம் செய்வோம்!"

 

"காடு அழித்து பசுமை தொலைத்து

காற்று எல்லாம் மாசு படுத்தி

கண்ட கண்ட நோய்கள் பெற்று

சுற்றுச் சூழல் மாற்றம் நெருக்கடியாக

திரும்பவும் காண்பாய் வண்டி ஓடும்!"

 

 

"சின்ன வயதில் சந்தைக்கு போனது

ஊர்த்  திருவிழாவில் பந்தயம் செய்தது

பட்டணம் வந்ததும் ஞாபகமாக போயிற்று

விலைவாசி கூடி வரிசையில் நிற்க

திரும்பவும் ஓடும் சவாரி வண்டி !"

👪 

"ஊர்த் திருவிழா"

"பிள்ளையார் கோவிலில் ஒரு திருவிழா

பிள்ளையை அணைத்து போறாள் ஒருநிலா!

பொம்மை கடையில் குழந்தை அழுகுது

பொறுமை இழந்து இழுத்து போறாள்!

குட்டி எலியில் தொந்தி பிள்ளையார்

முட்டி உடையுமோ ஏங்குது குழந்தை!

வளையல் எல்லாம் கையில் போட்டு

வடிவு பார்க்கிறாள் ஆசை தீர!

ஊர் மக்கள் திரண்டு கொண்டாட

ஊர்த் திருவிழா மனதை தொடுகுது!"

 

[கந்தையா தில்லைவிநாயகலிங்கம்]

Read More

கடைசிவாரம் வந்த திரைப்படங்கள் எப்படி?

  

↭↭↭

'777 சார்லி' (charlie Review)  விமர்சனம்

கிரன்ராஜ் கே இயக்கத்தில் பாபி சிம்ஹா, ரக்ஷித் ஷெட்டி நடித்து   தமிழ்,  கன்னட மொழிகளில் வெளிவந்த கன்னடப் படம்..

சிறு வயதிலிருந்தே அனாதையாக,  வாழ்க்கையில் எந்த பிடிப்பும் இல்லாத இளைஞராக வரும் ரக்ஷித் ஷெட்டி  தனியே வாழ்ந்து வருகிறார். ஒருநாள் இவர் வீட்டிற்கு  அடைக்கலம் தேடி வரும் நாயுடன் ஒன்றாகிவிடும் வேளையில்  அந்த நாய்க்கு கேன்சர் நோய் ஏற்பட மனமுடைந்த ரக்ஷிட் ஷெட்டி நாயின் கடைசி ஆசையை நிறைவேற்ற போராடுகிறார். அந்தப் போராட்டத்தில் அவர் வெற்றி பெற்றாரா, இல்லையா? என்பதே படத்தின் மீதி கதை.

படத்தின் நீளத்தை மறந்தால்  பார்க்கக்கூடிய படம். (3/5)

 ↭↭↭

'விக்ரம்' (vikram Review) விமர்சனம்

லோகேஷ் கனகராஜ் இயக்கத்தில் நடிகர் கமல்ஹாசன், விஜய் சேதுபதி, பகத் பாசில், சூர்யா  எனப் பலர் நடித்திருக்கும் அதிரடி - திரில்லர் திரைப்படம். இப்படத்தினை நடிகர் கமல் தனது ராஜ் கமல் தயாரிப்பு நிறுவனம் மூலம் தயாரிக்க, அனிருத் ரவிச்சந்தர்  இசையமைத்துள்ளார்.

காவல் அதிகாரிகள், ஒரு குழுவால் அடுத்தடுத்து கொல்லப்படுகின்றனர். பொதுவெளிக்கு தெரியாமல்,  கொலைகளுக்கான காரணம், பின்னணி என்ன? கொலைகளைசெய்தவர்களின் மூளையாக செயல்பட்டது யார் என்பதையெல்லாம் புலனாய்வில் அமர் குழுவினர் கண்டுபிடித்தனரா, இல்லையா என்பது கதை.

ஹொலிவுட் தரத்தில் மிரட்டல் நிறைந்த வித்தியாசமான நடிப்பினை இரசிக்கலாம்.(3.5/5)

 ↭↭↭

'அடடே சுந்தரா' (Adade sundhara Review ) விமர்சனம்

  விவேக் அத்ரேய இயக்கத்தில் நானி, நஸ்ரியா நசீம், நதியா, ரோகினி எனப்பலர்  நடித்திருக்கும் திரைப்படம். நவீன் எர்னெனி தயாரிக்க,  விவேக் சாகர் இசையமைத்துள்ளார்.

இந்து  சுந்தரும், கிறிஸ்துவ பெண்  லீலாவும் காதலிக்கிறார்கள்.  தங்கள் குடும்பத்தில் திருமணத்தில்  சம்மதிக்கமாட்டார்கள்  என்பதற்காக  சொல்லும் இரண்டு பொய்கள், அதனால் ஏற்படும் பாதிப்புகள், அதையொட்டி நிகழும் சம்பவங்கள் என நீண்ட திரைப்படமாக உருவாகியிருக்கிறது .

குடும்பமாக நகைச்சுவைகளை ரசிக்கலாம்

 ↭↭↭

'வாய்தா' விமர்சனம் (vaaitha Review)

 மஹிவர்மன் இயக்கத்தில் நாசர், மு.ராமசாமி, புகழ் மகேந்திரன், பௌலின் ஜெசிகா, ராணி ஜெயா, காக்கா முட்டை பாட்டி, ரெஜின் ரோஸ், திருநாவுக்கரசு, பிரசன்னா பாலசந்திரன், முத்து அழகர்சாமி, ஆதன் குமார், மாஸ்டர் அபியங்கர் மற்றும் பலர் நடித்த இப்படத்தினை  வினோத் குமார் தயாரிக்க, லொஸ்ஷ்வரன் இசையமைத்துள்ளார்.

வாகன விபத்தில் கை இழக்கும் ஒரு தொழிலாளியின் வழக்கு  ,அரசியல் வாதிகளின் தலையீடுகளின் மத்தியில், இறுதியில் அந்த சலலைத் தொழிலாளிக்கு நீதி நியாயம் கிடைத்ததா? இழப்பீடு வாங்க முடிந்ததா? என்பதே படத்தின் மீதிக்கதை.

வாழ்க்கையில் வழக்கை எதிர்கொள்ளும் வலியைச்   சொல்லும் படம்.(2.5/5)

தொகுப்பு:செ.மனுவேந்தன்

Read More