ஒரு பிறந்த தின வாழ்த்து

"அச்சம் தவிர்த்து துணிந்து நின்று

அழகு வார்த்தைகள் நாவில் தவழ

அன்பு ஒன்றால் உலகை ஆள

அறிவு பெற்று உயர்ந்து எழுகவே!"

 

"ஆராய்ந்து உண்மை கண்டு விளங்கி

ஆக்கமான செயலில் ஈடு பட்டு

ஆலமரம் போல் நிழல் கொடுத்து

ஆனந்தமாக வாழ எமது ஆசிகள்!"

 

"இளமை கல்வி மனதில் நிற்கும்

இனிதாய் உணர்ந்தால் அறிவு சிறக்கும்

இணக்கம் கொண்ட கொள்கை எடுத்து

இதயம் சேர வாழ வேண்டும்!"

 

"ஈன்ற பெற்றோரை நன்கு மதித்து

ஈர கண்ணீர் சிந்த விடாதே 

ஈவு இரக்கம் காட்ட வேண்டும்

ஈன புத்தி என்றும் வேண்டாம்!"

 

"உலகம் போற்றும் வாழ்வு எட்ட  

உள்ளம் வைத்து ஆற்ற வேண்டும்

உரிமை உள்ள ஒரு மனிதனாக

உயர்ந்து நின்று வாழ வேண்டும்!"

 

"ஊக்கம் வேண்டும் பற்று வேண்டும்

ஊரார் எண்ணம் அறிய வேண்டும்

ஊமையாக காலத்தை நீ கழிக்காமல்

ஊன்று கோலாய் உண்மையை நிறுத்து!"

 

"குட்ட குட்ட குனியக் கூடாது

குடை பிடித்து வாழக் கூடாது 

குறை இல்லாத வாழ்வு இல்லை!

குரோதம் வேண்டாம் அமைதி ஓங்கட்டும்!"

 

"பழிச்சொல் இல்லா வாழ்வு பெற்று   

பகலோன் போல உலகில் பிரகாசித்து

பகைவர்கள் அற்று கவலைகள் அற்று

பல்லாண்டு நீ வாழ வாழ்த்துகிறேன்!"

 

[கந்தையா தில்லைவிநாயகலிங்கம்-/-அத்தியடி, யாழ்ப்பாணம்]

Read More

இவ்வாரம் வெளிவந்த திரைப்படங்கள்

 

வி 3- விமர்சனம்  (Cinema Tamil Movie 'V 3 ' Review)

அமுதவாணன் இயக்கத்தில் வரலக்ஷ்மி சரத்குமார் முன்னணி கதாபாத்திரத்தில் நடித்திருக்க, இப்படத்திற்கு ஆலென் செபாஸ்டின் இசையமைத்துள்ளார்.

 

பாலியல் வன்கொடுமையில் பலியான, ஆடுகளம் நரேனின் மகள் பாவனாவிற்கான விசாரணையில் பழி சுமத்தப்பட்டு 5 அப்பாவி இளைஞர்கள் பொலிஸாரினால் சுட்டுக் கொல்லப்படுகிறார்கள். மக்களின் எதிர்ப்பால், இதனை விசாரிக்க மனித உரிமை கமிஷன் சார்பில்   அதிகாரியாக வரலட்சுமி சரத்குமார் நியமிக்கப்படுகிறார். அவரது விசாரணையில் திடுக்கிடும் தகவல்கள் வெளியாகின்றன. அது என்ன என்பதை விறுவிறுப்பான திரைக்கதையில் சொல்லி உள்ளனர்.

 

பெண்களுக்கு நீதி என பல முக்கிய பிரச்சனைகளை கையில் எடுத்து சாட்டையடி [3/5]

 

👀👀👀

 

டியர் டெத் - விமர்சனம்  (Cinema Tamil Movie '  Dear Death ' Review)

ஐஸ்வர்யா தியாகராஜன், சதீஷ் நாகராஜன் தயாரித்திருக்கின்றனர். இசை நவீன் அண்ணாமலை,  திரைக்கதையை ஸ்ரீதர் வெங்கடேசன் எழுத படத்தை இயக்கியுள்ளார் பிரேம்குமார். சந்தோஷ் பிரதாப் நாயகனாக நடிக்கும் திரில்லர் திகில் திரைப்படம்.

 

கதையின் நாயகன் சந்தோஷ் இந்த கதைக்களத்தில்  வந்து நான்கு கதைகளை சொல்கிறார்.

முதலாவது கதையாக: கொரோனாவால் தனது மனைவியை இழந்தவரின் கதையை சொல்கிறார்.

 

இரண்டாவது கதையாக: வயதான ஒருவரின் அம்மா உடல்நலக்குறைவால் இறந்துவிடுகிறார் அவரின் கதையை சொல்கிறார்.

 

மூன்றாவது கதையாக: திருமணமாகி 5 வருடங்களாக குழந்தை இல்லாத தம்பதியினருக்கு குழந்தை பிறக்கிறது ஆனால் எதிர்பாராத விதமாக அந்த குழந்தை ஒரு சிறிய விஷயத்தினால் இறந்து விடுகிறது அந்த கதையை சொல்கிறார்.

 

நான்காவது கதையாக: நான்கு நண்பர்கள் இருக்கின்றனர் அவர்களுள் ஒருவர் கிட்னி பாதிப்பால் இறந்துவிடுகிறார் அவரின் கதையையும் சொல்கிறார்.

 

இந்த நான்கு கதைகளின் முடிவில் சந்தோஷ் நமக்கு என்ன சொல்ல வருகிறார் என்பதுதான் படத்தின் மீதி கதை…

 

‘டியர் டெத்’ நாம் பார்க்காத விஷயம் அல்ல.[2.5/5]

 

👀👀👀

 

'செம்பி' விமர்சனம்  (Cinema Tamil Movie '  Sembi  ' Review)

பிரபுசாலமன் இயக்கத்தில் கோவை சரளாவுடன் அஸ்வின், நாஞ்சில் சம்பத், தம்பி ராமையா, சிறுமி நிலா எனப் பலர் நடித்து வெளிவந்த படம்

 

சிறுமி செம்பிக்கு நடக்கும் பாலியல் கொடுமைச்  சம்பவத்தால், தாய் கோவை சரளாவின் கனவு சிதைந்து போகிறது. பாதிக்கப்பட்ட அவர்களுக்கு துணையாக நிற்கவேண்டிய காவல்துறை அவர்களையே குற்றவாளியாக்கி துரத்த, மறுபக்கம் அரசியல்வாதிகள் கொலை செய்ய முயற்சிக்கிறார்கள். அவர்களிடம் இருந்து கோவை சரளாவும், செம்பியும் தப்பித்தார்களா? இல்லையா? செம்பிக்கு நடந்த கொடுமைக்கு நீதி கிடைத்ததா? இல்லையா? என்பதை கலங்கும்படி சொல்வது தான் திரைக் கதை.----பார்க்கலாம் .[4/5]

👀-தொகுப்பு:செ.மனுவேந்தன்

Read More

சிரிக்க… சிலநிமிடம்

நகைச்சுவை

01.

டொக்டர்: 37 ம் நம்பர் படுக்கையில் உள்ள நோயாளி எப்பிடி இருக்கிறார்?

நேர்ஸ்:அவருக்கு மேல்மூச்சு ,கீழ் மூச்சு வாங்குது டொக்டர்.

 டொக்டர்:ஏன்? என்ன ஆயிற்று அவருக்கு?

நேர்ஸ்: என்னைப் பிடிக்க ரூம் முழுவதும் சுற்றிச் சுற்றி ஓடியதால் வந்த களைப்பு.

<><><><><> 

02.

ராமன்:ஆசையே துன்பத்திற்கு காரணம் என்று இப்பதான் நான் புரிஞ்சுக்கிட்டேன்.

சோமன்:எப்படி?

ராமன்:என் மனைவியை நான் ஆசைப்பட்டுத்தானே கல்யாணம் பண்ணிக்கிட்டேன்.

<><><><><> 

03.

ஆசிரியர்:ஷாஜகான் என்ன கட்டினார்.

மாணவன்:லுங்கி கட்டினார்.

ஆசிரியர்:!!!!!!

<><><><><> 

04.

பார்வையாளன்:நேற்று நடந்த ஓவியக் கண்காட்சியில உங்க ஓவியம்தான் பார்க்கிற மாதிரி இருந்ததுங்க.

ஓவியர்:ரொம்ப ரொம்ப நன்றியுங்க.

பார்வையாளன்: ஆமா... மற்ற ஓவியங்களைச் சுற்றி ஒரே கூட்டம்.அதனால அவற்றைப் பார்க்கவே முடியலை.

<><><><><> 

05

நம்பியார்: நன்றி டொக்டர், உங்க வைத்தியத்தால் எனக்குப் பெரிய நன்மை.

டொக்டர்: உங்களுக்கு நான் வைத்தியம் பார்க்கவில்லையே?

ஒருவர்:என் மாமாவிற்குப் பார்த்தியள். அதன் பலனாய் அவர் சொத்து முழுவதும் எனக்குக் கிடைத்துவிட்டது.

<><><><><> 

06.

சரளா:வெண்ணெய் தோசை, முட்டை தோசை, கறி தோசை தெரியும்.அதென்ன கூட்டணி த் தோசை எண்டு போர்டு வைச்சிருக்கீங்க.

சாப்பாட்டுக்  கடை சிப்பந்தி: ஓ,அதுவா? பழைய மாவு, புளிச்ச மாவு மீந்துபோன வடை முதலிய  பல கலந்து சுட்ட தோசைதான்.

<><><><><> 

07.

மாணவன்1: நம்ம தமிழ் வாத்தியாரை யாரோ அடிச்சிட்டாங்களாமே?

மாணவன்2: யார் இங்கே தமிழாசிரியர் என்று கேட்டதிற்கு  இவர் அடியேன்,அடியேன் என்று கூறினாராம்.

<><><><><> 

08

பார்த்திபன்: சார்! மூணு நாளைக்கு முன்னாடி வீட்டை விட்டுப் போன என் மனைவி இன்னும் வீடு திரும்பி வரலை.

போலீஸ்: கவலைப்படாதீங்க! எல்லாப் புடவைக் கடையிலும் தேடிப் பார்க்கச் சொல்லுறன்.

<><><><><> 

09.

குற்றவாளி: யுவர் ஆனர்... 1000 குற்றவாளிகள் தப்பிக்கலாம், ஆனா ஒரு நிரபராதி தண்டிக்கப் படாதுன்னு சட்டம் சொல்லுது.

நீதிபதி: ஆமா....

குற்றவாளி: அப்பிடீன்னா ,அந்த 1000 பேரில ஒருத்தனா நானும் இருந்துட்டுப் போறனையா!!!

<><><><><> 

10.

டொக்டர்: தம்பி! உங்களுக்கு இருக்கும் நோய் பரம்பரையா வர்றது.எதோ குணப்படுத்தியாயிற்று. இந்தாங்க ''பில்''.

நோயாளி: பரம்பரையாய் வந்ததா? அப்படியாயின் இந்த பில்லை எங்க அப்பாவுக்கு,இல்லைன்னா எங்க தாத்தாவுக்கோ ,கொள்ளுத்தாத்தாவுக்கோ அனுப்புங்க.

<><><><><> 

11.

மேடையில் கட்சி உறுப்பினர் : எதிர்க்கட்சிக்காரர் ,குழந்தைகளுக்கு இலவச துணியினை மட்டும் கொடுத்துவிட்டு உங்களிடம் ஒட்டுக் கேட்கிறார். ஆனால் எங்கள் தலைவரோ எத்தனையோ பெண்களுக்கு இலவசமாகக் குழந்தைகளையே கொடுத்திருக்கிறார் என்பதனைத் தெரிவித்துக் கொள்கிறேன்.

<><><><><> 

12.

சேது: நம்ம கட்சித்தலைவர் K.P.கரிகரன் அநியாயமாய் ஒரு பெரியாணிப் பிரியராய் இருக்காரே..!

தில்லை: மாற்றுக் கட்சிக்காரர் வைச்ச பிரியாணி விருந்தில ,மாறுவேஷத்தில போய் சாப்பிட்டு வந்திருக்கிறாரே...!

<><><><><> 

13.

பிரமுகர்: எனக்கு 65 வயதாகிறது.இதுவரை எதிரின்னு ஒருத்தர் கூடக் கிடையாது.

நிருபர்: அட.. ஆச்சரியமாயிருக்கே.. ஐயா சொல்லுங்க... எப்படி இதை உங்களால  சாதிக்க முடிஞ்சுது.

பிரமுகர்: பசங்களை அனுப்பி போட்டுத்தள்ளியிட்டா அலுவல் முடிஞ்சுது.

<><><><><> 

14.

செக்கிங் மாஸ்டர்: டிக்கற் கொடுங்க.

பயணி:இந்தாங்க

செக்கிங் மாஸ்டர்: இது பழைய டிக்கெட்.

பயணி: இந்த ரெயில் மட்டும் என்ன  புதுசா?

செக்கிங் மாஸ்டர்: .....???

<><><><><> 

15.

ஒருவர்:நம்ம மனேஜர் அரை மணிநேரத்துக்கு முன்பு எல்லோரிடமும் சிரித்துப் பேசிக்கொண்டு இருந்தாரே.இப்ப ஏன் எரிஞ்சு எரிஞ்சு விழுறார்.

மற்றவர்:10 நிமிஷத்திற்கு முன்புதான் அவரோட மனைவி போனில பேசினார். அதில இருந்து ஆள் ஒரு வெறி பிடிச்சவர் போல் ஆகிவிட்டார்.

<><><><><> 

16.

டொக்டர்:ஏன் சார்... எதுக்கு நேர்ஸ் கையைத் தடவிப் பார்த்தீங்களாம்.

நோயாளி: நீங்கதானே சொன்னீங்க டொக்டர்.... ஊசி போட்ட கையைத் தடவிக்   கொடுக்கணும் எண்டு.

<><><><><> 

17.

மருமகள்: ஐயா,எனக்கு ஒரு மிரட்டல் கடிதம் வந்திருக்கு.

போலீஸ்:யாரிடமிருந்து

மருமகள்: மாமியாரிடமிருந்து! உடனே கிளம்பி என் வீட்டுக்கு வாரங்களாம்.

<><><><><> 

18.

மனைவி:ஏங்க மருந்துப் போத்திலைத் தடவிக்கொண்டு இருக்கிறீங்க!

கணவன்: டொக்டர் தான் சொன்னார்,..கை வலிச்சால் இதைத் தடவுங்கள் என்று.

<><><><><> 

19.

அம்மா:அடே ,நீ காதலிக்கிற பொண்ணு சாந்திக்கு உன்னைவிட ஒரு வயசு அதிகமடா!

விவேக்: அப்பிடியாம்மா . கவலைப்படாத நான் ஒரு வருஷம் பொறுத்துக் கொள்ளுறன்!

<><><><><> 

 

20.

அப்பா: உன் பின்னாலேயே ஒருத்தன் சுத்துறான் என்று சொன்னியே... ஒரு பையன்.... அவன் இனிமே உன்கிட்ட வரமாட்டான்.

மகள்: ஐயோ அப்பா அவனை என்ன பண்ணினீங்க?

அப்பா: பதறாத ,பதறாத .1000 ரூபா கடன் கேட்டான். கெதியா திருப்பி தந்திடு என்று சொல்லிக் கடனாய்த்தான் குடுத்தன்.

<>தொகுப்பு:செ.மனுவேந்தன் <>

Read More