"அறிவியல் நோக்கில் 'இலங்கையின் காலவரிசைப்படி நிகழ்வுகளை பதிவு செய்த பண்டைய இலங்கை நூல்களில் [நாளாகமம்களில்]' ஒரு பார்வை" / "A look at 'Lanka chronicles' from a scientific perspective" [In Tamil & English]
[This detailed Tamil article is based on
Chapter 2: "Ceylon Chronicles" from the historical book "History
of Sri Lanka", written by my late friend Mr. Kandiah Easwaran, a civil
engineer. We were classmates at Jaffna Central College and later at the Faculty
of Engineering, University of Peradeniya. He had completed seven chapters of
the book, aiming for a comprehensive work on the history of Sri Lanka.
Unfortunately, he passed away suddenly on 15th June 2024 in Scarborough,
Canada, before he could complete and publish the book. However, the English
summary included under this Tamil article was written by the late Mr. Kandiah
Easwaran himself. He had worked in Sri Lanka as well as in a few foreign
countries before retiring several years ago. / இந்த விரிவான தமிழ் கட்டுரை, "History of Sri
Lanka" என்ற வரலாற்றுப் புத்தகத்தின் இரண்டாவது அத்தியாயமான
"Ceylon Chronicles" ஐ அடிப்படையாகக் கொண்டு எழுதப்பட்டது. இந்த புத்தகத்தை என் பள்ளித் தோழரும், பேராதனைப் பல்கலைக்கழகப் பொறியியல் பீட நண்பருமான, மறைந்த கட்டடப் பொறியியலாளரான திரு கந்தையா ஈஸ்வரன் எழுதியிருந்தார். ஒரு முழுமையான வரலாற்றுப் புத்தகத்தை உருவாக்கும் நோக்கத்தில், அவர் இதுவரை ஏழு அத்தியாயங்களை முடித்திருந்தார்.
ஆனால் இந்தப் புத்தகத்தை முடித்து, பொது வெளியீட்டுக்காக அச்சிடும் முன்பே, 15 ஜூன் 2024 அன்று கனடா நாட்டின் ஒன்றாரியோ மாகாணத்தில் உள்ள டொராண்டோவின் ஒரு மாவட்டமான ஸ்கார்பரோவில் திடீரென உயிரிழந்தார். இருப்பினும், இந்த தமிழ் கட்டுரையின் கீழ் உள்ள ஆங்கில சுருக்கம் அவரே எழுதியதாகும். திரு கந்தையா ஈஸ்வரன் இலங்கையிலும்,
சில வெளிநாடுகளிலும் பணியாற்றி, சில ஆண்டுகளுக்கு முன் ஓய்வுபெற்றிருந்தார் என்பது குறிப்பிடத் தக்கது.]
பகுதி:
12 / விஜயனின் பின் ஆட்சி செய்த மன்னர்களும் அது தொடர்பான விபரங்களும்
/ 'புத்தருடன் இலங்கைக்கு இரத்த தொடர்பு உள்ளதா?'
சுத்தோதனர் (Suddhodana) கௌதம புத்தரின் தந்தையும், சாக்கிய குல கபிலவஸ்துவின் மன்னராவார். இவருக்கு தீபவம்சம் மற்றும் மகாவம்சத்தின் படி, தோதோனன், சக்கோதனன், சுக்கோதனன், அமிதோதனன் என்ற [Dhotodana, Sakkodana, Sukkodana and Amitodana] நான்கு சகோதரர்கள் இருந்தனர். ஆனால் இராசவலியின் படி இவருக்கு இரண்டு இளைய சகோதரர்கள் மட்டுமே ஆகும். இவர்களின் இளைய சகோதரர் அமிதோதனாக்கு பண்டு [Pandu] என்ற ஒரு மகனும் இருந்தார். அவர் புத்தரின் குலத்தைச் சேர்ந்தவர், அதனால் அவர் சக்க இளவரசர் பாண்டு [Sakka prince Pandu] என்று அழைக்கப்படுகிறார். அவருக்கு ஏழு இளவரசர்களும் கச்சனா (மகாவம்சத்தின் படி Bhaddakaccana / பத்தகச்சனா / Buddhakachchana / புத்தகாஞ்சனா) என்ற ஒரு இளவரசியும் இருந்தனர். கலிங்க நாட்டிலிருந்து இலங்கைக்கு வந்த உயர் குடியினளான அவளை பண்டுவாசுதேவன் மணம் செய்துகொண்டு அவளை தன் இராணியாக்கினான். அவளுடன் வந்தவர்களைத் தன்னுடன் வந்தவர்களுக்கு மணம் செய்து வைத்தான். மகாவம்சத்தில் ,பாடம் 8-22 முதல் 8-23 வரை, பத்தகச்சனா இலங்கைக்கு வருவது பற்றி, மற்றொரு அற்புதமான கதையைக் காண்கிறோம்.
அரசன் தன் மகள் பத்தகச்சனாவை முப்பத்தி இரண்டு தோழிகளுடன் விரைவில் கப்பலேற்றி, கங்கையில் கப்பலைப் போகவிட்டான். எவரால் முடியுமோ அவர்கள் என் மகளை எடுத்துக் கொள்ளட்டும்’ என்றான் என்கிறது அந்த வரிகள். பண்டுவாசுதேவா (பண்டுவாச) கூட முப்பத்திரண்டு அமைச்சர்களின் மகன்களுடன் தான் இலங்கை வந்தான் அதே மகாவம்சம்; மேலும் பதினாறு இரட்டையர்கள் முப்பத்தி இரண்டை ஆக்குகிறார்கள் என்பதை நினைவில் கொள்க. ஏனென்றால் விஜயனையும் சேர்த்து அவனுடன், அவன் பெற்றோருக்கு பிறந்தவர்களும் முப்பத்தி இரண்டு தான்! பத்தகச்சனாவும் முப்பத்திரண்டு இளம் பெண் தோழிகளுடன் தான் இலங்கை வந்தார், மற்றொரு மகிழ்ச்சியான தற்செயல் நிகழ்வு. அதுமட்டும் அல்ல, அனைவரும் வழி தவறாமல் இலங்கைக்கு வந்தனர்! அத்துடன் முன்னமே வந்த, பண்டுவாசுதேவாவின் (பண்டுவாச) தோழர்களான முப்பத்திரண்டு இளம் ஆண்களும் இந்த முப்பத்திரண்டு இளம் பெண்களை மணந்தனர். அதேநேரம் பண்டுவாசுதேவா பத்தகச்சனாவை மணந்தார். இன்னொரு நம்பமுடியாத கதை! வழக்கம் போல், திருமணமான முப்பத்திரண்டு சோடிகளும் திருமணத்திற்குப் பிறகு மறைந்து விடுகிறார்கள்!. மகாவம்சத்தின்படி அமிதோதனனின் ஏழு பேரன்களில் ஆறு பேர் இலங்கைக்கு வந்து குடியேறினர். புத்தருடன் இரத்த தொடர்பை ஏற்படுத்த கண்டு பிடிக்கப்பட்ட மற்றொரு கதை அங்கு காணப்படுகிறது; புத்தரின் இரத்த உறவை இலங்கை வரலாற்றில் புகுத்த ஆசிரியர் மிகவும் ஆர்வமாக கதையின் போக்கை அமைத்திருப்பது வெள்ளிடைமலை.
இராசவலியில் பண்டுவாசுதேவரின் கதை மகாவம்சத்தில் கொடுக்கப்பட்டதை விட மிகவும் வித்தியாசமானது, ஆனால் அது இங்கே விவரிக்கப்படாது.
இராசவலியின் பக்கங்கள் 21 மற்றும் 22 இல் கொடுக்கப்பட்டுள்ள நம்பமுடியாத புராணக் கதை ஆசிரியரின் அளவு கடந்த கற்பனை. எனவே இது எந்த தீவிரமான விமர்சனத்திற்கும் தகுதியற்றது.
இலங்கைக்கும் துத்துக்குடிக்கும் இடையில் கடல் இல்லை என்று இராசவலி கூறுகிறது. துாத்துக்குடிக்கும் இலங்கைக்கும் இடையே உள்ள கடற்படுகை அல்லது கடலின் அடித்தளம் கிழக்கு-மேற்கு திசையில் உள்ள பாத்திமெட்ரிக் வரையறைகளின்படி சில இடங்களில் ஆயிரம் மீட்டருக்கும் அதிகமாக உள்ளது. பாத்திமெட்ரிக் வரையறைகள் [Bathymetrical contours] கீழே காட்டப்பட்டுள்ளன. இந்த மகாவம்ச காலத்தில், இரண்டாயிரம் ஆண்டளவில், அது நிலமாக இருக்க சாத்தியமில்லை. மன்னார் (தலை-மன்னார் அல்ல) மற்றும் கிழக்கு-மேற்கு திசையில் இந்தியாவை இணைக்கும் கோட்டிற்கு வடக்கே உள்ள கடற்படுகை அல்லது கடலின் அடித்தளம் கோட்டின் தெற்கே உள்ள கடற்படுகை அல்லது கடலின் அடித்தளத்தில் இருந்து மிகவும் வேறுபட்டது. கடற்படுகை அல்லது கடலின் அடித்தளம் அந்த கோட்டின் வடக்கே சராசரி கடல் மட்டத்திலிருந்து சுமார் 10 மீ முதல் 25 மீ வரை இருக்கலாம், மேலும் கடலின் அடிப்பகுதி அந்த கோட்டின் தெற்கே மிகவும் ஆழமாக இருக்கும். கடந்த இரண்டாயிரத்து ஐநூறு ஆண்டுகளுக்குள் கடல் மட்டத்தில் எந்த மாற்றமும் ஏற்பட்டிருக்காது,
இருப்பினும் சுமார் ஏழாயிரம் ஆண்டுகளுக்கு முன்பு முடிவடைந்த, கடந்த பனிப்பாறை காலத்தில் கடல் மட்டம் சுமார் 120 மீட்டர் குறைந்திருக்கலாம்? ஆனால், 1000மீட்டர் முதல் 4000மீட்டர் வரையிலான பாத்திமெட்ரிக் அளவுகளுடன் ஒப்பிடும்போது
120மீ வீழ்ச்சி அற்பமானது ஆகும்.
*அடுத்த பகுதியை வாசிக்க அழுத்துக...
*ஆரம்பத்திலிருந்து வாசிக்க அழுத்துக...
Part: 12 / The Kings who ruled after Vijaya
and the related affairs / 'Is Lanka have blood connection with the Buddha?'
The Buddha’s father Suddhodana had four brothers as per the Dipavamsa and the Mahavamsa, but two younger brothers as per the Rajavaliya. The younger brother was Amitodana and he had a son Pandu. He belonged to the Buddha’s clan and that is why he is called Sakka prince Pandu. He had seven princes and one princess called Kaccana (Bhaddakaccana as per the Mahavamsa). She came to Lanka and Panduvasa made her his queen. Bhaddakaccana’s coming to Lanka is another fabulous story in the Mahavamsa, 8-22 to 23. Panduvasudeva (Panduvasa) came with thirty-two sons of ministers; remember sixteen twins make thirty-two. Coincidentally Kaccana too came with thirty-two young women friends, another happy coincidence. All came without losing ways to Lanka! Thirty-two sons married the thirty-two young women, another smart story telling! As usual, the thirty-two married couples are forgotten forever after the marriage. Six of the Amitodadana’s seven grandchildren also came to Lanka and settled in Lanka as per the Mahavamsa. It is another invented piece to have blood connection with the Buddha; author must be too eager to have Buddha’s blood relations in Lanka.
Panduvasudeva’s tale in the Rajavaliya is very
much different from that given in the Mahavamsa, but it will not be described
here. The incredible mythical story given in the pages 21 and 22 of the
Rajavaliya is the flight of fancy of the author, which merits no serious
criticism. The Rajavaliya says that there was no sea between Lanka and
Tuttukudi. The seabed levels between Tuttukudi and Lanka is greater than one
thousand meters at some stretches as per the Bathymetrical contours in the
East-West direction. Bathymetric contours are shown below It is impossible to
be land in the time of the episode. The seabed levels north of the line
connecting Mannar (not Talai-Mannar) and India in the East-West direction is
very much different from the levels south of the line. The seabed levels may be
around 10m to 25m below the Mean Sea Level to the North of that line, and the
seabed levels are much deeper to the South of that line. No change in seabed
level would have taken place within the last two thousand five hundred years,
though sea level might have dropped by about 120m during the last glacial
period, which ended about seven thousand years back. . The 120m drop is
insignificant compared to the Bathymetric levels of 1000metre to 4000metre.
நன்றி
Thanks
[கந்தையா தில்லைவிநாயகலிங்கம்,
அத்தியடி, யாழ்ப்பாணம்]
[Kandiah Thillaivinayagalingam,
Athiady, Jaffna]
பகுதி / Part: 13 தொடரும் / Will Follow
0 comments:
Post a Comment