வர்ணத்திரையில் இவ்வாரம்

 

ஏஜென்ட் கண்ணாயிரம்

கதாநாயகனாக சந்தானம் நடிப்பில் டிக்கிலோனா என்ற திரைப்படம் சமீபத்தில் ஓடிடி தளத்தில் வெளியானது. தற்போது இவர் ஏஜென்ட் கண்ணாயிரம் என்ற படத்தில் கதாநாயகனாக நடிக்கிறார். யுவன் சங்கர் ராஜா இசையமைக்கும் இந்தப் படத்தை மனோஜ் பீதா இயக்கி வருகிறார்.

 📽📽📽📽📽📽📽

‘அரண்மனை 3’

சார்பட்டா பரம்பரை படத்தின் வெற்றியை தொடர்ந்து ஆர்யா நடிப்பில் தற்போது வெளியாகி இருக்கும் படம் ‘அரண்மனை 3’. சுந்தர்.சி இயக்கியுள்ள இப்படத்தை உதயநிதி ஸ்டாலின் தனது ரெட் ஜெயன்ட் மூவிஸ் வெளியிட்டு இருக்கிறார். இப்படத்தில் ராஷி கன்னா, ஆண்ட்ரியா, சாக்‌ஷி அகர்வால் ஆகியோர் ஹீரோயின்களாக நடித்துள்ளனர்.

📽📽📽📽📽📽📽

'விக்ரம் வேதா'

புஷ்கர் - காயத்ரி இயக்கத்தில் விஜய் சேதுபதி, மாதவன், ஷ்ரத்தா ஸ்ரீநாத், வரலட்சுமி, கதிர் உள்ளிட்ட பலர் நடிப்பில் வெளியான படம் 'விக்ரம் வேதா'. சஷிகாந்த் தயாரிப்பில் வெளியான இப்படம் இந்தியில் ரீமேக்காக இருப்பதாக  தகவல்  வெளியானது.

📽📽📽📽📽📽📽

தீபாவளியில்  5 படங்கள்

தீபாவளி பண்டிகை விருந்தாக ரஜினிகாந்தின் 'அண்ணாத்த', விஷால், ஆர்யாவின் 'எனிமி', சிம்புவின் 'மாநாடு', அருண் விஜய்யின் 'வா டீல்' ஆகிய 4 படங்கள் தியேட்டர்களிலும், சூர்யாவின் 'ஜெய்பீம்' ஓ.டி.டி, தளத்திலும் வெளியாவது உறுதிப்படுத்தப்பட்டு உள்ளது.

📽📽📽📽📽📽📽

ஜோதிகாவின் 50வது படம்

சசிகுமார், சமுத்திரகனியுடன் ஜோதிகா நடித்துள்ள, ஜோதிகாவின் 50வது படம் 'உடன்பிறப்பே' திரைப்படம் இன்று ஓடிடி தளத்தில் வெளியாகியுள்ளது.

📽📽📽📽📽📽📽

‘நானே வருவேன்’

செல்வராகவன்  இயக்கத்தில் அடுத்ததாக ‘நானே வருவேன்’ திரைப்படம் உருவாக உள்ளது. தனுஷ் ஹீரோவாக நடிக்க உள்ள இப்படத்திற்கு யுவன் சங்கர் ராஜா இசையமைக்க உள்ளார்.

📽📽📽📽📽📽📽

ஓடிடி-யில் மேலும்  2 படங்கள்

 சசிகுமார் ஹீரோவாக, மிருணாளினி ரவி ஜோடியாக நடித்துள்ள ‘எம்.ஜி.ஆர் மகன்’ படத்தில் சத்யராஜ், சரண்யா பொன்வண்ணன், சமுத்திரக்கனி, சிங்கம் புலி ஆகியோர் முக்கிய கதாபாத்திரங்களில் நடித்துள்ளனர். வினோத் ரத்தினசாமி ஒளிப்பதிவு செய்துள்ள இந்தப் படத்துக்கு, அந்தோணிதாசன் இசையமைத்துள்ளார். இப்படமும் சசிகுமார் நடிப்பில் தற்போது உருவாகி உள்ள ‘உடன்பிறப்பே’ படமும் நேரடியாக ஓடிடி-யில் வெளியாக உள்ளது குறிப்பிடத்தக்கது.

📽📽📽📽📽📽📽

‘பீஸ்ட்’

‘மாஸ்டர்’ படத்தின் வெற்றிக்குப்பிறகு நடிகர் விஜய், நெல்சன் இயக்கத்தில் உருவாகி வரும் ‘பீஸ்ட்’ படத்தில் நடித்து வருகிறார். இப்படத்தின் படப்பிடிப்பு தற்போது விறுவிறுப்பாக நடந்து வரும் நிலையில், அடுத்ததாக தெலுங்கு இயக்குனர் வம்சி பைடிப்பல்லி இயக்கத்தில் விஜய் நடிக்க இருக்கிறார். தமிழ், தெலுங்கில் உருவாகும் இப்படத்தை தெலுங்கு சினிமா தயாரிப்பாளர் தில் ராஜு தயாரிக்கிறார்.

📽📽📽📽📽📽📽

‘ஓ மணப்பெண்ணே’

அறிமுக இயக்குனர் கார்த்திக் சுந்தர் இயக்கத்தில் ஹரீஷ் கல்யாண் ஹீரோவாக நடித்துள்ள ‘ஓ மணப்பெண்ணே’ திரைப்படம் நேரடியாக ஓடிடி-யில் ரிலீசாக உள்ளது.ஹரீஷ் கல்யாண் நடிப்பில் உருவாகி உள்ள படம் ‘ஓ மணப்பெண்ணே’. அறிமுக இயக்குனர் கார்த்திக் சுந்தர் இப்படத்தை இயக்கி உள்ளார். இப்படத்தில் ஹரீஷ் கல்யாணுக்கு ஜோடியாக பிரியா பவானி சங்கர் நடித்துள்ளார்.

📽📽📽📽📽📽📽

நடிகை உமா மகேஸ்வரி மரணம்

'மெட்டி ஒலி' சீரியலில்  திருமுருகன் மனைவியாக  விஜி என்ற கேரக்டரில் நடித்ததன்  மூலம் பிரபலமான நடிகை உமா மகேஸ்வரி (வயது 40) உடல் நலக்குறைவால் மரணமடைந்தார். ‘ஒரு கதையின் கதை’, ‘மஞ்சள் மகிமை’ உள்ளிட்ட தொடர்களிலும் அவர் நடித்து உள்ளார். கால்நடை மருத்துவர் முருகன் என்பவரை திருமணம் செய்துகொண்ட அவர், அதற்குப் பிறகு தொடர்களில் நடிக்கவில்லை .உடல்நலக்குறைவு காரணமாக சிகிச்சை பெற்று வந்த நிலையில் சிகிச்சை பலனின்றி இன்று(17) மரணமடைந்தார்.

📽📽📽📽📽📽📽

தொகுப்பு :செ.மனுவேந்தன்