சிரிக்க.... சில நிமிடம்

 

-01-

காதலன்: "நீ எனக்கு உயிரை விட முக்கியம்!"

காதலி: "அப்போ உயிரை விட்டுட்டு என்னை எடுத்துக்கோ!"

-02-

கணவன் : "நீ என்னை விட உன்  செல்போனை அதிகம் காதலிக்கிறாய்!"
மனைவி:: "அது உண்மைதான்... செல்போன்  என்கூட  ரொம்ப நேரம் பேசுது... நீங்க அப்பிடி பேச மாட்டீங்க!"

-03-

மனைவி: “நான் இவ்வளவு நேரமாய் பேசினது  உங்களுக்கு புரியுதா?”
கணவன்: (தனக்குள்)“புரியுதா இல்லையா தெரியல… பேசியதிலிருந்து ஏதாவது கேள்வி கேட்டுவிடுவியோ எண்டுதான்  பயமா இருக்கு!”

-04-

மனைவி: “ என்னங்க நீங்க இன்றைக்கு அமைதியா இருக்கீங்களே?”
கணவன்: “ எல்லாமே ஒரு பாதுகாப்பு நடவடிக்கைதான்!”

-05-

மனைவி: “நான் பேசுறது அதிகமா?”
கணவன்: “இல்ல… நம்ம வாழ்க்கைக் கதையில்  background music மாதிரி இருக்கு!”

-06-

போலீஸ்: லைசன்ஸ் காட்டுங்க.
டிரைவர்: சார், இன்றைக்குத் தான் எக்ஸ்பயர்.
போலீஸ்: அப்ப போயிற்று நேற்றைக்கு வா!

-07-

போலீஸ்: குடிச்சிருக்கியா?
டிரைவர்: இல்ல சார்.
போலீஸ்: அப்ப நீ பேசுறது ஏன் கீறு விழுந்த ஆடியோ ரெக்கார்ட் மாதிரி கேட்குது ?

-08-  

போலீஸ்: ஏன் வண்டியில சைடு மிரர் இல்ல?

டிரைவர்: சார், முன்னாடிதான் பாக்குறேன், ஓடுறேன்.

போலீஸ்: அப்போ, பின்னாடி வர்ற பிரச்சனை யார் பாக்குறர்து?

டிரைவர் : அந்த பிரச்சனையைப் பின்னால வருபவன் பார்த்துக்கொள்வான் சார் !

-09-

போலீஸ்: ஏன் இவ்வளவு வேகமாய் வண்டியை ஓட்டுறாய்?
டிரைவர்: சார், சீக்கிரம் போக.
போலீஸ்: சீக்கிரம்  போறது சொர்க்கத்துக்கா, நரகத்துக்கா!

-10-

மனைவி: இந்த காக்கா கத்துறதா பாத்தா உங்க அம்மா வரப்போறது மாறி தெரியுது..

கணவர்: எப்புடி சொல்ற நீ..?

மனைவி: எவ்வளவு துரத்துனாலும் போகாமல் கத்திக்கிட்டே இருக்குல அதா வச்சு தான்.

-11-

மனைவி: ஏன் கிட்ட உங்களுக்கு ரொம்ப புடிச்சது என்ன.. அழகான முகமா..! பணிவான குணமா..! இல்ல பாசமான மனமா..!

கணவர்: உன்னோட இந்த காமெடி தான்..!

-12-

மனைவி: உங்கள எப்போதும் பார்த்துகிட்டே இருக்கனும்னு போல இருக்குங்க.

கணவர்: ம்,,,ம் ...அப்பவே ஜோசியர் சொன்னாரு , கலியாணத்துக்கு  அப்புறம் சனியோட பார்வை நம்ம  மேல தான் இருக்கும்னு.

-13-

மனைவி: தூக்கத்துல திடீர்னு ஏன் சிரிச்சீங்க.?

கணவர்: அதுவா கனவுல தமன்னாங்க வந்த அதனால தான்

மனைவி: அப்றம் ஏன் திடீர்னு கத்துனீங்க..?

கணவர்: டக்குனு நடுவுல நீ வந்துட்ட.

-14-

ஆசிரியர்: இரண்டு கழுதை சேர்ந்து கணக்குப் போட்டா எப்படி இருக்கும்?

மாணவன்: எங்கேயாவது உதைக்கும்.

-15-

மாணவன் :சார், பேப்பர்ல முட்டை போடாதீங்க.

ஆசிரியர்: ஏண்டா? 

மாணவன்; நான் சைவம் சார்.

-16-

ராமு : எங்க டீச்சர் ஒருவகையில் எனக்கு அம்மா மாதிரி.

வேலு: அவ்ளோ அன்பா இருப்பாங்களா? 

ராமு:இல்ல, நல்லா தூங்க வைப்பாங்க.

-17-

மாணவன்: சார், என் தலையில் எறும்பு ஏறுது பாருங்கள்.

ஆசிரியர்: அதை ஏண்டா என்ன பார்க்க சொல்ற?

 மாணவன்: நீங்க தான்  சார் என் தலையில எதுவுமே ஏறாதுன்னு சொன்னீங்க அதான்.

-18-

மாணவனின் தந்தை: என் பையன் ஒழுங்கா படிக்கறதில்லன்னு இருந்த டிவிய வித்துட்டன்.

வீட்டுக்கு வந்த ஆசிரியர்: வெரிகுட், பையன எங்க காணோம்? 

மாணவனின் தந்தை:பக்கத்து வீட்டுக்கு டிவி பாக்க போய் இருக்கான்.

-19-

மன்னன்: தளபதி, போரில் நாம் தோல்வியை சந்திக்காமல் இருப்பதற்கு என்ன வழி சொல்லுங்க?

தளபதி: போரையே சந்திக்காமல் இருப்பது தான் ஒரே வழி மன்னா.

-20-

அமைச்சர்: செல்போன் அடிச்சாலே மன்னர் மயக்கமாகி விழுந்து விடுகிறாரே ஏன்?

தளபதி : யாரோ போர்முரசு ஒளியை ரிங் டோனாக வைத்துக் கொடுத்து உள்ளார்களாம்.

😁😁😁😁😁😁😁😁தொகுப்பு:செ.மனுவேந்தன் 

[தீபம் இணையத்தளத்தின் மேலும் ஒரு  சேவை. ZOOM MEETING .எந்த நாட்டிலிருந்தும்  இணைந்து பாடலாம், பேசலாம், தத்துவம், கவி , கதை , படித்ததில் பிடித்தது, நகைச்சுவை எதுவும் எடுத்து வரலாம் இணையுங்கள். கட்டணங்கள் இல்லை.  டொரோண்டோ நேரம் 

ZOOM MEETING                                                   ஞாயிறு 10.00 காலை    

 -தமிழரங்கம்                                                      ----                                                                  செவ்வாய் 4.00 பிப 

 -பல்சுவை  

ID: 5769260335 

Passcode: 12345

அன்புடன் அழைக்கிறோம்]

Read More

முதுகு வலி : காரணங்கள், மற்றும் வாழ்வியல் தீர்வுகள்

(முதுகு வலியைத் தடுக்கவும், வந்தால் சமாளிக்கவும் அறிய வேண்டிய ஐந்து அடிப்படை உண்மைகள்)

மனித வாழ்வில் ஒருகாலத்தில் கூட சந்திக்காமல் போகாத வலிகளில் முதன்மையானது முதுகு வலி.
இது திடீரென வந்து சில வாரங்களில் மறையும் எளிய பிரச்னையாகவும் இருக்கலாம்;
அல்லது மீண்டும் மீண்டும் வந்து, மனிதனை உடலாலும் மனதாலும் சமூகத்தாலும் முடக்கிவிடும் நீண்டகால வேதனையாகவும் மாறலாம்.

இன்றைய நவீன வாழ்க்கை முறை, உடல் அசைவற்ற பணிகள், மனஅழுத்தம், பயம், தவறான உடல் நிலைகள் ஆகியவை முதுகு வலியை ஒரு உலகளாவிய பொது சுகாதாரச் சவாலாக மாற்றியுள்ளது.

---

🙎அத்தியாயம் 1

முதுகெலும்பு : இயற்கையின் அற்புத கட்டமைப்பு

மனித முதுகெலும்பு என்பது வெறும் எலும்புகளின் தொடர் அல்ல.
அது —

• விலா எலும்புகள்
• இடுப்பு எலும்புகள்
• தசைகள்
• தசைநார்கள்
• நரம்புத் திசுக்கள்
• குருத்தெலும்புகள்
• இன்டர்வெர்டெபிரல் டிஸ்க்கள்

என பல அமைப்புகள் ஒன்றிணைந்த ஒரு உயிர் இயந்திரம்.

இந்த அமைப்புகளில் ஏதேனும் ஒன்றில் ஏற்படும் சிக்கலும், முழு முதுகுப் பகுதியில் வலியாக வெளிப்படலாம்.
குறிப்பாக, உடலின் எடையும் அசைவுகளும் அதிகமாகச் சேரும் கீழ் முதுகுப் பகுதி வலிக்கு அதிகம் உள்ளாகிறது.
அதே நேரத்தில், கழுத்து மற்றும் தோள்பட்டை பகுதிகளும் நவீன வாழ்க்கை முறையால் பாதிக்கப்படுகின்றன.

---

🙎அத்தியாயம் 2

முதுகு வலி – உலகளாவிய சுமை

அமெரிக்காவின் வாஷிங்டன் பல்கலைக்கழக மருத்துவப் பள்ளியின்
Institute for Health Metrics and Evaluation வெளியிட்ட
Global Burden of Disease ஆய்வு கூறுவது அதிர்ச்சிகரமானது.

• 2050 ஆம் ஆண்டுக்குள்
  நாள்பட்ட கீழ் முதுகு வலியால் பாதிக்கப்படுவோர் எண்ணிக்கை மூன்றில் ஒரு பங்குக்கும் மேல் அதிகரிக்கும்
• உலக மக்கள்தொகையில்
  பத்தில் ஒருவர் முதுகு வலியுடன் வாழ நேரிடும்

இதயம், பக்கவாதம், நுரையீரல் நோய்கள், நீரிழிவு போன்ற பெரிய நோய்களுக்கு அடுத்தபடியாக
மனித வாழ்வை அதிகம் பாதிக்கும் பிரச்னைகளில் ஒன்றாக முதுகு வலி அடையாளப்படுத்தப்பட்டுள்ளது.

---

🙎அத்தியாயம் 3

வலி ஒரு நோய் அல்ல – அது ஒரு சைகை

முதுகு வலி ஏற்பட்டவுடன்
“எலும்பு தேய்ந்துவிட்டதோ?”,
“நரம்பு சிக்கியிருக்கும்?”,
“வாழ்நாள் முழுவதும் இவ்வலியா?”
என்ற அச்சம் பலரையும் ஆட்கொள்கிறது.

ஆனால் உண்மை என்னவெனில் —

முதுகு வலி என்பது பெரும்பாலும் ஒரு எச்சரிக்கைச் சைகை; அது தனித்த நோய் அல்ல.

பெரும்பாலான சந்தர்ப்பங்களில்:

• தசை இறுக்கம்
• தவறான உடல் நிலை
• அதிக நேரம் ஒரே நிலையில் இருப்பது
• மனஅழுத்தம்

ஆகியவையே காரணங்களாக உள்ளன.

---

🙎அத்தியாயம் 4

நோயறிதல் : சிகிச்சைக்கு முன் அவசியம்

முதுகு வலிக்கு ஒரே ஒரு சோதனை இல்லை.

மருத்துவர்கள் முதலில் நிராகரிப்பவை:

• பித்தப்பை அல்லது சிறுநீரக நோய்கள்
• சில வகை புற்றுநோய்கள்
• தீவிர நரம்பு பாதிப்புகள்

அதன் பின் —

• உடல் பரிசோதனை
• நோயாளியின் மருத்துவ வரலாறு
• ரத்தப் பரிசோதனைகள்
• எக்ஸ்-ரே / CT / MRI / அல்ட்ராசவுண்ட்

என தேவைக்கேற்ப மேற்கொள்ளப்படுகின்றன.

குழந்தைகளிலும் இந்த அணுகுமுறை முக்கியமானது.
வளர்ச்சிக் காலத்தில் முதுகெலும்பு வேகமாக நீளுவதால், வலி தோன்றக்கூடும்.

---

🙎அத்தியாயம் 5

வலி மீண்டும் வருமோ என்ற பயமே ஒரு பெரிய தடையாகிறது

மருத்துவர்கள் குறிப்பிடும் முக்கியமான உண்மை:

வலியைவிட, வலி மீண்டும் வந்துவிடுமோ என்ற பயமே குணமடைவதைத் தடுக்கிறது.

இந்த பயம்:

• உடல் அசைவுகளை குறைக்கிறது
• சமூக வாழ்விலிருந்து விலகச் செய்கிறது
• மனஅழுத்தத்தை அதிகரிக்கிறது
• வலியை மேலும் தீவிரமாக உணரச் செய்கிறது

இதுவே “வலி – பயம் – செயலிழப்பு” என்ற ஒரு தீயச் சுழற்சியாக மாறுகிறது.

---

🙎அத்தியாயம் 6

முழுமையான அணுகுமுறை : உடல் + மனம் + சமூகம்

இன்றைய உலக மருத்துவ வழிகாட்டுதல்கள் கூறுவது:

முதுகு வலி உடல் பிரச்னை மட்டுமல்ல; அது உளவியல் மற்றும் சமூக காரணங்களுடனும் தொடர்புடையது.

இதனை அடிப்படையாகக் கொண்டதே
Cognitive Functional Therapy (CFT).

இந்த முறையில்:

• நோயாளி தனது வலியைப் புரிந்துகொள்கிறார்
• பயத்தை அடையாளம் காண்கிறார்
• பிடித்த செயல்களை படிப்படியாக மீண்டும் தொடங்குகிறார்
• வாழ்க்கை முறையில் மாற்றங்கள் மேற்கொள்ளப்படுகின்றன

---

🙎அத்தியாயம் 7

ஓய்வல்ல – இயக்கமே மருந்து

பலர் நம்புவது போல,
அதிக ஓய்வு முதுகு வலிக்கு தீர்வு அல்ல.

பிரிட்டிஷ் முதுகெலும்பு அறுவை சிகிச்சை நிபுணர்கள் சங்கம் (BASS) தெளிவாகக் கூறுகிறது:

சுறுசுறுப்பாக இருப்பதே முதுகு வலியைத் தவிர்க்கும் முக்கிய வழி.

ஒரே நிலையில்:

• நீண்ட நேரம் அமர்வது
• நிற்பது
• குனிவது

இவை அனைத்தும் முதுகெலும்பின் இயற்கை வளைவுகளை பாதிக்கின்றன.

---

🙎அத்தியாயம் 8

கர்ப்ப காலமும் முதுகு வலியும்

கர்ப்ப காலத்தில்:

• ‘ரிலாக்ஸின்’ ஹார்மோன்
• உடல் எடை பரவல் மாற்றம்
• உடல் நிலை மாற்றம்

என பல காரணங்களால் முதுகு வலி ஏற்படலாம்.

சில எளிய முன்னெச்சரிக்கைகள்:

• உடலை திருப்பும் போது கால்களையும் சேர்த்து திருப்புதல்
• வசதியான காலணிகள்
• நல்ல மெத்தை, தலையணைகள்

---

🙎அத்தியாயம் 9

வலி நிவாரணிகள் : பயமும் உண்மையும்

சாதாரண வலி நிவாரணிகளைப் பற்றிய ஒரு தவறான நம்பிக்கை:

“வலி மரத்துப் போனால், முதுகு மேலும் சேதமடையும்”

BASS இதைத் தெளிவாக மறுக்கிறது.

• வலி நிவாரணிகள்
  வலியை மட்டுமே குறைக்கும்
• உடலின் இயற்கையான பாதுகாப்பு அனிச்சைகளை
  அவை நீக்காது

ஆனால், நீண்டகாலமாக காரணம் கண்டறியாமல் மருந்து மட்டுமே பயன்படுத்துவது தவறானது.

𑿿

முதுகு வலி என்பது

வாழ்க்கையின் முடிவு அல்ல;
அது வாழ்க்கையைப் புதிதாகப் புரிந்து கொள்ளும் ஒரு அழைப்பு.

உடலை அசைக்கக் கற்றுக்கொள்வது, பயத்தை விலக்குவது, மனத்தையும்  உடலையும் இணைத்து கவனிப்பதே முதுகு வலியிலிருந்து விடுதலை பெறும் உண்மையான வழி.

ஆதாரம் :BBC  World Service, Global Journalism Curation

Read More