குளிர்கால இருமல்: மருந்துகளா, கைவைத்தியங்களா? - உடல்நலம்

— அறிவியல் என்ன சொல்கிறது?

குளிர்காலம் வந்தவுடன் வீடுகள், அலுவலகங்கள், பேருந்துகள், ரயில்கள் என எங்கும் இருமல் சத்தம் ஒலிக்கத் தொடங்கிவிடுகிறது. சளி, ஜலதோஷம், தொண்டை அரிப்பு ஆகியவை இந்த பருவத்தின் “சாதாரண விருந்தினர்கள்”.

இருமல் வந்ததும், பலரும் உடனடியாக கடைகளில் கிடைக்கும் இருமல் சிரப்புகளை நாடுகிறார்கள். அதே நேரத்தில், “தேன் + எலுமிச்சை போதும்” என்று வீட்டுக் கைவைத்தியங்களில் நம்பிக்கை வைப்பவர்களும் இருக்கிறார்கள்.

அப்படியெனில் உண்மையில் எது பயனுள்ளது? இருமல் மருந்துகள் எவ்வளவு வேலை செய்கின்றன? அல்லது வீட்டில் செய்யும் எளிய முறைகளே போதுமா?

இந்த கேள்விகளுக்கு அறிவியல் அடிப்படையிலான தெளிவான பதிலை அளிக்கிறார் மான்செஸ்டர் பல்கலைக்கழகத்தின் சுவாச மருத்துவப் பேராசிரியர் ஜாக்கி ஸ்மித்.

 

இருமல் ஏன் வருகிறது?

பெரும்பாலான இருமல்கள் ஜலதோஷம் மற்றும் வைரஸ் தொற்றுகளால் ஏற்படுகின்றன.

இந்த வைரஸ்களுக்கு குறிப்பிட்ட மருந்து இல்லை; அவை பொதுவாக சில நாட்கள் அல்லது வாரங்களில் தானாகவே உடலை விட்டு வெளியேறிவிடும்.

 

இருமல் மருந்துகள்:

வைரஸை அழிப்பதில்லை, ஆனால் தொண்டையில் இதமளித்து, அரிப்பு மற்றும் எரிச்சல் உணர்வை குறைத்து, இருமல் வருகிற அசௌகரியத்தை ஓரளவு தணிக்கின்றன.

 

வறட்டு இருமலுக்கு எந்த மருந்து?

வறட்டு இருமல் (சளி இல்லாத இருமல்) இருந்தால்:

கிளிசரால், பால்சம் போன்ற இனிப்பான சிரப் அடிப்படையிலான மருந்துகள்

தொண்டையை ஈரமாக வைத்து இதமளிக்க உதவும்.

 

முக்கியமான உண்மை:

மலிவான இருமல் மருந்துகளும், பெரிய பிராண்டுகளும் பல நேரங்களில் ஒரே அளவு பயன் தருகின்றன.

அதிக விலை கொடுத்து வாங்குவது அவசியமில்லை.

 

👉 கவனிக்க வேண்டியது:

சர்க்கரை அளவு

அதிக சர்க்கரை உள்ள சிரப்புகள் கவலையளிக்கலாம்.

அப்படியானால் சர்க்கரை இல்லாத (sugar-free) இருமல் மருந்துகள் நல்ல தேர்வு.

 

டெக்ஸ்ட்ரோமெதோர்பான் உண்மையில் வேலை செய்யுமா?

பல இருமல் மருந்துகளில் விளம்பரப்படுத்தப்படும் ஒரு முக்கிய மூலப்பொருள்:

👉 டெக்ஸ்ட்ரோமெதோர்பான் (Dextromethorphan)

பேராசிரியர் ஸ்மித் கூறுவது:

இதன் தாக்கம் மிகக் குறைவு

சிலருக்கு ஓரளவு பயன் இருக்கலாம், ஆனால் பெரிய மாற்றம் எதிர்பார்க்கக் கூடாது.

 

⚠️ மிக முக்கியமான எச்சரிக்கை:

பரிந்துரைக்கப்பட்ட அளவை ஒருபோதும் மீறக்கூடாது

அதிக அளவில் எடுத்தால் அடிமையாக்கும் அபாயம் உள்ளது.

 

மார்புச் சளி இருமலுக்கு என்ன செய்வது?

மார்புச் சளி இருந்தால்:

அதிக சளி

நெஞ்சு இறுக்கம்

மூச்சுக்குழாய் அழற்சி போன்ற உணர்வுகள் வரலாம்

 

பலர் பயன்படுத்தும் சில மருந்துகள் குறித்து அறிவியல் பார்வை:

குவைஃபெனெசின் –

“சளியை தளர்த்தும்” என்று சொல்லப்பட்டாலும்,திட்டவட்டமான ஆதாரம் இல்லை

டிஃபென்ஹைட்ரமைன் போன்ற (ஒவ்வாமைகளை போக்கும் மருந்துகள்)

 மயக்கமூட்டும் ஆன்டிஹிஸ்டமின்கள் –

இரவில் தூங்க உதவலாம்,

ஆனால் இருமலை குணப்படுத்தாது

 

தைம்(அஜ்வாயின் இலை),  ஸ்குவில் (–கடல் வெங்காயம்)

 போன்ற மூலிகைச் சாறுகள் –

பயன் உறுதி செய்யும் ஆதாரம் மிகக் குறைவு

 

அப்படியெனில் சிறந்த வழி என்ன?

பேராசிரியர் ஸ்மித் கூறும் எளிய ஆனால் பயனுள்ள ஆலோசனைகள்:

🕰️ காலம் கொடுக்க வேண்டும் – உடல் தானாகவே சரி செய்யும்

💧 நிறைய தண்ணீர் குடிக்க வேண்டும் – சளி தளர உதவும்

🍬 Lozenges (இருமலைத் தடுக்கும் மாத்திரைகள்) –

தொண்டை அரிப்பை தற்காலிகமாக குறைக்கும்.

 

தேன் மற்றும் எலுமிச்சை: கைவைத்தியத்தின் வலிமை

ஒரு சூடான நீரில்:

தேவையான அளவு தேன்

சிறிது எலுமிச்சை

👉 இந்த எளிய கலவை: வறட்டு இருமலுக்குகடையில் கிடைக்கும் பல மருந்துகளுக்கு சமமான இதமளிக்கும் விளைவை தருகிறது.

 

📌 கோக்ரேன் ரிவியூ என்ற சுயாதீன ஆய்வு:

ஒரு வயதுக்கு மேற்பட்ட குழந்தைகளில்

தேன் & எலுமிச்சை  “ஓரளவு பயன் அளிக்கலாம்” என்று கூறுகிறது.

 

இருமலை அடக்க வேண்டுமா?

ஒரு முக்கியமான உண்மை:

👉 இருமல் அவசியமானது

சளியை உடலிலிருந்து வெளியேற்றுவதற்கான இயற்கை செயல்முறை அது.

சளி கலந்த இருமலில்,

சளியை வெளியே துப்புவது சுவாசப் பாதைகளை இலகுவாக்கும்.

பேராசிரியர் ஸ்மித் சொல்வது:

“வெளியே வர வேண்டியதை நான் இருமி வெளியேற்றுவேன்.

அதை அடக்க முயற்சிக்க மாட்டேன்.”

 

✔️ இருமும்போது டிஸ்யூ-tissue paper- தாள் பயன்படுத்துவது அவசியம்

✔️ சளியை விழுங்கினாலும் தீங்கு இல்லை — வயிறு அதை எளிதாகச் செரித்துவிடும்

⚠️ ஆனால்:

அடர் பழுப்பு நிற சளி

அல்லது ரத்தக் கலப்பு இருந்தால்

👉 கவனிக்க வேண்டும்

மருத்துவரை எப்போது பார்க்க வேண்டும்?

பெரும்பாலான மார்புச் சளிகள்

👉 ஆண்டிபயாடிக் இல்லாமலே சில வாரங்களில் சரியாகிவிடும்

ஆனால்:

3 வாரங்களுக்கு மேல் இருமல் நீடித்தால் அல்லது மோசமான அறிகுறிகள் இருந்தால் மருத்துவரை கண்டிப்பாக அணுக வேண்டும்

 

முடிவாக:

குளிர்கால இருமல் எரிச்சலூட்டும் ஒன்று தான். ஆனால் அது பெரும்பாலும் தானாகவே குணமாகும் ஒரு இயற்கை செயல்முறை.

அதிக விலை இருமல் மருந்துகள் எப்போதும் சிறந்த தீர்வு அல்ல.

பல நேரங்களில்:

தண்ணீர்

ஓய்வு

மாத்திரைகள்

 

தேன் & எலுமிச்சை போன்ற எளிய கைவைத்தியங்கள்

👉 போதுமான நிவாரணத்தைத் தருகின்றன.

முக்கியமாக, இருமலைப் புரிந்து கொண்டு, தேவையற்ற பயம் இல்லாமல், அறிவியல் வழியில் அணுகினால் — குளிர்கால இருமலும் ஒரு சிறிய இடையூறாக மட்டுமே இருக்கும்.

〰〰〰〰〰〰〰〰〰

தொகுப்பு:தீபம் உடல்நலம், ஆதாரம் பிபிசி

================================

[தீபம் இணையத்தளத்தின் மேலும் ஒரு  சேவை. ZOOM MEETING .எந்த நாட்டிலிருந்தும்  இணைந்து பாடலாம், பேசலாம், தத்துவம், கவி , கதை , படித்ததில் பிடித்தது, நகைச்சுவை எதுவும் எடுத்து வரலாம் இணையுங்கள். கட்டணங்கள் இல்லை.  டொரோண்டோ நேரம் 

ZOOM MEETING                                                   ஞாயிறு 10.00 காலை    

 -தமிழரங்கம்                                                      ----                                                                  செவ்வாய் 4.00 பிப 

 -பல்சுவை  

ID: 5769260335 

Passcode: 12345

அன்புடன் அழைக்கிறோம்]